Aktualitet

Soreca: Çmimet u rritën nga lufta, Qeveria të shohë shtresat në nevojë (Hesht për Berishën)

19 Mars 2022, 13:19 Nga DOSJA

Soreca: Çmimet u rritën nga lufta, Qeveria të shohë

KOLONJË– Ambasadori i Bashkimit Evropian në Tiranë, Luigi Soreca është shprehur se nga vendi unë po largohet për një detyrë të re drejt Brukselit, por besimplotë se reforma në drejtësi, por dhe procesi i integrimit në Shqipëri kanë avancuar. Në një prononcim për mediat, Soreca komentoi edhe rritjen e çmimeve të karburanteve e produkteve të shportës, që sipas tij është pasojë e luftës në Ukrainë, ndërkohë që i bëri thirrje qeverisë që të kujdeset për shtresat në nevojë e biznesin e vogël. I pyetur për krizën në Partinë Demokratike, Soreca është shprehur se nuk mund të komentojë asnjë parti politike, ndërsa kur iu përmend emri i ish-kryeministrit Sali Berisha, ai u largua në heshtje.

Pyetje: Ambasador, me tepër se 3 vite në Shqipëri për ju. Dy objektivat kryesore kanë qenë integrimi i Shqipërisë në BE dhe reforma në drejtësi. Asnjë përparim në integrimin e Shqipërisë, por asnjë provë të prekshme në drejtësi, si ju bëjnë të ndiheni?

Luigi Soreca: Kur arrita në Shqipëri dhe kur fillova punën time ndoshta e mbani mend që ishte e nevojshme që Shqipëria të përmbushte disa kritere, kërkesa që kishin të bënin me sundimin e ligjit, me luftën kundër krimit të organizuar dhe luftën kundër korrupsionit. Shqipëria bëri përparimet e duhura në këtë fushë dhe për këtë arsye në 24 Mars të 2020 Këshilli Europian mori vendimin e duhur për Shqipërinë, pra që ishte vendimi për ketë çështje dhe për të gjithë procesin e çeljes së negociatave dhe natyrisht që Shqipëria të bëhej shtet anëtar. Vitin e shkuar në qershor ishte sërish Këshilli Europian që vendosi që Shqipëria kishte bërë të gjitha hapat e duhur dhe të gjitha këto që nuk kishin ndodhur në vitin 2018. Ishte pikërisht vizita e përfaqësuesit të lartë të BE dhe gjatë asaj vizite ai theksoi faktin ishte shumë e rëndësishme çelja e negociatave me Shqipërinë, i gjithë rajoni është shumë i rëndësishëm për stabilitetin dhe sigurinë dhe kjo për arsye të kërcënimit që na vjen nga gjithçka që ka ndodhur në Ukrainë. Unë jam besimplotë që po largohem nga Shqipëria në prag të çeljes së negociatave mundësisht në qershor. Reforma në drejtësi ka pasur progres në një mënyrë të atillë sa tashmë ne flasim për konsolidimin e institucioneve të drejtësisë. Unë e njoh gjyqësorin, kjo dhe për shkak të punës sime të mëparshme dhe këto gjëra kërkojnë kohë. Gjërat po ecin kemi institucione të drejtësisë, puna tashmë po bëhet procesi i vetingut do vazhdojë dhe vetëm 2 ditë më parë kemi pasur emërimin e gjyqtarit tjetër në gjykatën kushtetuese. Gjërat po ecin, nuk janë si më parë

Pyetje: A ka BE një plan konkret ndihmash për Shqipërinë në këtë kohë krize?

Luigi Soreca: Jam plotësisht i vetëdijshëm për shqetësimin e Shqiptarëve për rritjen e çmimeve të shportës dhe karburantit është shumë e rëndësishme të mbrohen familjet dhe bizneset e vogla por siç e thatë edhe ju vjen për shkak të luftës dhe jo sanksioneve që janë vendosur, BE do vazhdojë të qëndrojë krah Shqipërisë për ta ndihmuar atë ashtu siç ka bërë edhe gjatë dy krizave që ka kaluar Shqipëria gjatë 4 viteve të fundit siç ishte tërmeti apo pandemia. Ju ndoshta e dini që 250 milion euro i ka dhënë BE Shqipërisë për rimëkëmbjen ekonomike të vendit për pandeminë. Në rast se lufta do të vazhdojë gjithashtu BE do të vijojë me asistencën e tij

Pyetje: Po e lini Shqipërinë në kushtet kur PD është në krizë të thellë? Një koment për këtë?

Luigi Soreca: Unë nuk komentoj për zhvillimet e asnjë partie por jam i sigurt që ai/ajo që do zërë vendin tim do bashkëpunojë me partitë politike që do mbështesin integrimin në BE.

Pyetje: Edhe me Zotin Berisha?

Luigi Soreca: (Nuk flet)

(F.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore kryesore luigi soreca luigi soreca