Bota

Abazoviç: Na anëtarësoni sa më shpejt në BE, për Rusinë do ketë sanksione të ashpra

19 Mars 2022, 21:59 Nga DOSJA

Abazoviç: Na anëtarësoni sa më shpejt në BE, për

MALI I ZI– Zëvendëskryeministri Dritan Abazoviç i bëri thirrje Bashkimit Evropian që të përshpejtojë procesin e anëtarësimit të vendeve që duan të anëtarësohen, në mënyrë që skenarë të ngjashëm si ai në Ukrainë të mos ndodhin në rajone të tjera të Evropës.

Abazovic i tha agjencisë së lajmeve Anatolia, në Forumin e Diplomacisë në Antalia, të mbajtur javën e kaluar, se diskutimi i panelit mbi pranimin e Ballkanit Perëndimor në BE duhet të bëhëj, veçanërisht në situatën aktuale midis Rusisë dhe Ukrainës.

“Ky moment është shumë vendimtar për Evropën…ndoshta për botën. Shpresoj që lufta ruse të përfundojë menjëherë. Por ne duhet të dërgojmë një mesazh që BE-ja duhet të kuptojë se vendet që duan t’i bashkohen dhe që janë tani në proces, të kenë një zgjidhje më të shpejtë nëse nuk duam të njëjtin problem në një pjesë tjetër të Evropës,”- tha Abazovic.

Me rastin e takimit të ministrave të Punëve të Jashtme të Ukrainës dhe Rusisë në forum, zëvendëskryeministri shprehu shpresën se një ngjarje e tillë do të ishte shumë stimuluese në aspektin e promovimit të paqes dhe vlerave civilizuese.

Abazovic i tha gjithashtu Agjencisë Anatolia se Mali i Zi do të vendosë sanksione kundër Rusisë. Ai theksoi se vendi i tij, pavarësisht përmasës së vogël, mbështet plotësisht partnerët e NATO-s dhe BE-së.

(F.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

diaspora rajoni dritan abazovic dritan abazovic