Bota

Nuk ndalen, rusët bombardojnë teatrin e Mariupolit, strehoheshin mbi 1 mijë civilë

16 Mars 2022, 17:40 Nga DOSJA

Nuk ndalen, rusët bombardojnë teatrin e Mariupolit, strehoheshin mbi 1

UKRAINË- Trupat ruse kanë nisur një sulm në një teatër në qytetin ukrainas të Mariupolit, ku po strehoheshin rreth 1200 civilë, përfshirë gra, fëmijë dhe të moshuar.

Këshilli i qytetit të Mariupolit tha se forcat ruse kishin shkatërruar me qëllim dhe në mënyrë cinike Teatrin e Dramës në zemër të Mariupolit.

“Aeroplani hodhi një bombë në një ndërtesë ku ishin fshehur qindra banorë paqësorë të Mariupolit. Është ende e pamundur të vlerësohet përmasat e këtij akti të tmerrshëm dhe çnjerëzor, sepse qyteti vazhdon të bombardojë zonat e banuara.Bëhet e ditur se pas bombardimeve është shkatërruar pjesa qendrore e Teatrit të Dramës, si dhe është shkatërruar hyrja në strehën e bombave në ndërtesë.”-thueht në njoftim.

Numri i viktimave është ende i panjohur, por nënkryetari i bashkisë së Mariupolit, Serhiy Orlov, tha se midis 1,000 dhe 1,200 civilë po strehoheshin në teatër.

“Është e pamundur të gjesh fjalë që mund të përshkruajnë nivelin e mizorisë dhe cinizmit me të cilin pushtuesit rusë po shkatërrojnë popullsinë civile të qytetit ukrainas buzë detit. Gratë, fëmijët dhe të moshuarit mbeten në pamjen e armikut. Këta janë njerëz paqësorë krejtësisht të paarmatosur,” tha këshilli.

Kjo vjen disa orë pas paralajmërimit kërcënues të Putinit se “lufta e shpejtë ekonomike” e Perëndimit kundër Moskës kishte dështuar dhe se vendet perëndimore kanë “qëllime gjeopolitike që nuk përfshijnë një Rusi të fortë të pavarur”.

LAJMI KRYESOR: Dita e 21-të! Rusët mbajnë 500 pengje në spital, sot raundi i 5-të i bisedimeve

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota lufta ukraine-rusi serhiy orlov lufta ukraine-rusi serhiy orlov