Bota

Truss: Putin është kërcënim për sigurinë globale, po përdor armët më ekstreme

16 Mars 2022, 08:39 Nga DOSJA

Truss: Putin është kërcënim për sigurinë globale,

BRITANI-Sekretarja e Jashtme e Britanisë, Liz Truss tha për BBC Breakfast, se Vladimir Putin ka “shkatërruar sigurinë evropiane” dhe ka përdorur “armë të tmerrshme dhe forcë të tmerrshme” në pushtimin rus të Ukrainës.

“Një nga mënyrat se si Putin financon makinën e tij të luftës është përmes të ardhurave nga nafta dhe gazi dhe natyrisht nuk po them se jemi dakord me çdo politikë të Arabisë Saudite ose Emiratet e Bashkuara Arabe, por ato nuk përbëjnë një kërcënim për sigurinë globale në ashtu siç bën Vladimir Putin”, thotë ajo.

Ajo thotë se 141 vende votuan kundër Rusisë në OKB dhe thotë se “ne duhet t’i mbajmë ato vende në bord dhe duhet të punojmë me ta”. Truss shton se ne duhet ta ndalojmë Putinin me “çdo kusht pasi ai është kërcënimi i vërtetë me të cilin përballet bota”.

E pyetur për situatën në Kiev, Sekretarja e Jashtme e Mbretërisë së Bashkuar Liz Truss thotë se është shumë e vështire. Ajo i tha BBC Breakfast se Mbretëria e Bashkuar po bën gjithçka që mundet për të marrë furnizime në qytet dhe për të mbështetur ukrainasit në mbrojtjen e tyre të kryeqytetit.

“Nuk mund të bëj parashikime për të ardhmen, por ajo që dimë është se planet e Putinit nuk po shkojnë sipas planit, ai nuk po bën përparimin që shpresonte dhe si rezultat po përdor teknika dhe armatime gjithnjë e më ekstreme,”

Truss tha se është skeptike për bisedimet e paqes midis Rusisë dhe Ukrainës.

“Unë jam skeptike në lidhje me bisedimet e paqes, derisa Putin është ende duke bërë luftë në Ukrainë. Ai duhet të zbatojë një armëpushim dhe të tërheqë trupat e tij që ato bisedime të paqes të merren seriozisht”, tha Truss për BBC.

LAJMI KRYESOR: Dita e 21-të! Rusët mbajnë 500 pengje në spital, sot raundi i 5-të i bisedimeve

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota liz truss lufta ukraine-rusi liz truss lufta ukraine-rusi