Bota

‘Shpresa vdes e fundit’, historia e 18-vjeçares që ka familjen të bllokuar në Mariupol

10 Mars 2022, 16:55 Nga DOSJA
‘Shpresa vdes e fundit’, historia e 18-vjeçares që ka

UKRAINË– Qindra mijëra njerëz në qytetin port të rrethuar ukrainas të Mariupolit nuk kanë ushqim, ujë, ngrohje, energji elektrike apo kujdes mjekësor në mes të një situate humanitare “gjithnjë e më të rëndë dhe të dëshpëruar”, sipas Kryqit të Kuq Ndërkombëtar.

Në një mesazh audio të regjistruar të mërkurën, nënkryetari i delegacionit të organizatës, Sasha Volkov, përshkroi kushtet e tmerrshme në qytet.

Tanya, 18, një studente nga Mariupol që studion jashtë vendit, ishte në kontakt me nënën dhe vëllain e saj, të cilët janë ende në Mariupol, të mërkurën.

”Dje vëllai im dhe mamaja ime arritën të gjenin një vend ku mund të gjenin një lidhje për të na telefonuar. Ata po rrezikonin jetën e tyre duke dalë jashtë, por ata e dinë se unë dhe babai im jemi jashtëzakonisht të shqetësuar për ta. Ata ishin në telefon për katër ose pesë minuta. Vëllai im po përpiqej të ishte pozitiv, por unë mund të dëgjoja në zërin e tij se ai ndihej i dëshpëruar dhe ata nuk e dinë se si do të largohen nga qyteti. Ka kaluar një javë pa ushqim dhe ujë të mjaftueshëm, pa energji elektrike dhe pa ngrohje dhe është e vështirë sepse Mariupol është shumë i ftohtë.”-tha ajo.

Ajo shprehet se ka Mariupoli vitet e fundit kishte ndryshuar shumë, pasi shumë zona janë rindërtuar dhe ka patur disa investime duke e bërë qytetin më të bukur. Ajo shpreh trishtimin dhe i duker sureale ajo që po ndodh në qytetin e saj ku ka dhe familjen.

”Nuk mund ta imagjinoj se kjo po ndodh tani. Ndjej se kjo është surreale. Ndjehem sikur thjesht po ëndërroj dhe teksa po flas, duart më dridhen, është kaq e vështirë për t’u përpunuar. Fatmirësisht babai im, i cili është një inxhinier anijesh, ishte në bord kur filloi lufta. Tani jemi së bashku në Gjermani ku është kompania e tij. Normalisht jam duke studiuar në një shtet tjetër por jam me të sepse ai nuk e përballon dot. Ai është shumë emocional, ai qan çdo pesë minuta sepse gruaja dhe djali i tij, mamaja dhe vëllai im, janë në Mariupol.”-vijoi Tania.

18-vjeçarja shpreh trishtimin për situatën që po kalon familja e saj pasi aktualisht qyteti është pa ujë dhe pa drita si dhe u kanë mbaruar rezervat ushqimore.

”Ata po përpiqeshin kaq shumë të ishin pozitivë kur po flisnin me ne. Vëllai im tha që ne duhet të jemi të fortë dhe duhet të besojmë në ta dhe në Mariupol dhe se ata do të fitojnë dhe do të mbijetojnë. Mamaja ime tha “Shpresa vdes e fundit” edhe kur je i shkatërruar emocionalisht, duhet të besosh në më të mirën.”-përfundoi rrëfimin e saj Tanya.

LAJMI KRYESOR/ Dita 15! Sulmohen tre spitale në Ukrainë, Zelensky: Gjenocid! Dështojnë negociatat

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota lufta ukraine-rusi sasha volkov sulmi ne mariupol lufta ukraine-rusi sasha volkov sulmi ne mariupol

Sondazh

Poll

MË SHUMË