Aktualitet

Abazoviç mandatohet nga presidenti Gjukanoviç për të formuar qeverinë e re

3 Mars 2022, 14:24 Nga DOSJA

Abazoviç mandatohet nga presidenti Gjukanoviç për të

PODGORICË – Zv/kryeministri shqiptaro-malazez, Dritan Abazoviç është mandatuar nga presidenti i Malit të Zi, Milo Gjukanoviç për të formuar qeverinë e re të vendit. Ata u takuan mëngjesin e sotëm në Pallatin Presidencial në Podgoricë. Media malazeze “Vijesti” raportoi dhe deklaratën e kreut të shtetit, i cili beson se vendimi i tij është në interesin më të mirë të Malit të Zi.

“Përfundova konsultimet me kandidatin për kryeministër për formimin e qeverisë së re, anëtarët e së cilës janë përfaqësues në Parlamentin e Malit të Zi. Jam i bindur se kjo është në interesin më të mirë të Malit të Zi për të krijuar një qeveri me përbërje të plotë sa më shpejt të jetë e mundur, veçanërisht për shkak të sfidave politike shtesë të krijuara nga lufta në Ukrainë dhe pasojat e saj në stabilitetin e rajonit tonë. Pres që parlamenti malazez të mbajë një sesion së shpejti dhe të vendosë për programin e kabinetit të ri qeveritar sipas propozimeve të kryeministrit”, theksoi Gjukanoviç.

Në 4 shkurt, parlamenti malazez rrëzoi me 43 vota pro qeverinë e Zdravko Krivokapiç. Vendi u fut prej disa muajsh në krizë politike për shkak të përplasjeve brenda kabinetit qeveritar. Ishte Lideri i Partisë “Reforma e Aksionit të Bashkuar”, Dritan Abazoviç ai që propozoi shkarkimin e Krivokapiç dhe kabinetit qeveritar. Fillimisht, Krivokapiç tentoi që të realizohej shkarkimi i nr.2 të qeverisë Abazoviç nga asambleja malazeze, por politikani shqiptaro-malazez ia doli t’i mbijetonte shkarkimit pasi shumica e kuvendit abstenoi në votim.

Qeveria e re njihet si “qeveria e pakicës”.

Burimi: Vijesti

(d.v/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore rajoni dritan abazovic dritan abazovic