Aktualitet

TENSIONET/ Rushaj shkon të ‘5 Maji’, banori: Pse ke ardhur këtu?

22 Shkurt 2022, 07:32 Nga DOSJA
TENSIONET/ Rushaj shkon të ‘5 Maji’, banori: Pse ke ardhur

TIRANË– Deputeti i Partisë Demokratike, Alfred Rushaj shkoi në zonën e “5 majit” në Tiranë, aty ku u zhvillua aksioni i IMT për shembjen e banesave të tjera. Por në momentin e mbërritjes një qytetar i kërkon “llogari” deputetit të PD-së duke i thënë se është kujtuar shumë vonë për të mbrojtur qytetarët e kësaj zone. Rushaj gjatë fjalës sqaroi arsyen e mungesës së tij për shkak se nuk dëshironte që kauza e qytetarëve të kthehet në politike.

BISEDA:

Banori: Përse ke ardhur sot këtu?

Alfred Rushaj: “Jemi munduar të mos e bëjmë procesin politikë, ne kemi qenë gjithmonë në krah të qytetarëve. Që askush mos e merrte politike shembja e shtëpive nuk është politike, të nxjerrësh jashtë një person. Që para një viti kemi bërë kërkesë kryetarit të bashkisë që të ulet dhe të plotësojë kërkesat e tyre. Banorët kanë bërë kërkesë me masë padie, ja ku është përgjigja vjen fadroma, duhet që shteti të mbronte këtë situatë. Pse nuk pritet përgjigja e gjykatës dhe institucioneve? Ne kemi bërë kërkesë, shikoni përgjigjen e këtyre sjellin ruspat dhe fadromat. Kanë sjellë gjithë policinë sikur kushedi cfarë po bëhet këtu për të prishur disa shtëpia. Shtëpia është gjëja më e madhe që ka njeriu. Të gjithë duhet të mbajmë prona, nuk do të vazhdojnë kështu të paprekshëm këta në këtë mënyrë. Në fund të ditës dikush do ta paguajë për këtë që po bën. Do vijë koha që këta do të ikin.

Banori i zonës: Çfarë iu pengon të merrni certifikatën në dorë dhe të shkojmë bashkë në çdo institucion që opozitën ta kemi gjithmonë në krah, përse nuk e keni bërë këtë gjë?

Alfred Rushaj: Ti ke të drejtë sepse ti thua si duhet të funksionojë një shtet normal. Ja ku është përgjigja, me fadromë. Ti ke shumë të drejtë por atë që thua, edhe përgjegjësinë time individuale.

Banori i zonës: Me këto shtëpitë bëhet politike, të vijë Basha dhe të ikë Rama, të vijë Berisha dhe na sorollatin ne kemi 30 vite që jetojmë këtu. Pyetje e fundit për opozitën kur të vijë në pushtet çfarë do tu jepni atyre që u janë prishur shtëpitë? Apo do të vijojë rumpallë sic është sot?

Alfred Rushaj: Atë që kam në dorë unë do të jem në krah tuaj ta ndjekim deri në fund këtë situatë, kjo është forca e opozitës. Do të jem me ty me dokumenta në dorë për të shkuar në cdo institucion , në cdo gjykatë madje deri në Strasburg do të jem krah jush.

LAJMI KRYESOR: Pamje LUFTE te ‘5 Maji’/ Banorët hedhin shashka, mbrojnë banesat me shkopinj (ZHVILLIMET)

(A.B)/Dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet alfred rushaj shembja e banesave te 5 maj 22 shkurt 2022 alfred rushaj shembja e banesave te 5 maj 22 shkurt 2022

Sondazh

Poll

MË SHUMË