Politike

Inceneratorët/ PD: Ahmetaj i përfshirë në aferë, jep miratimin për koncesion

17 Shkurt 2022, 11:44 Nga DOSJA
Inceneratorët/ PD: Ahmetaj i përfshirë në aferë, jep

TIRANË– Partia Demokratike ka akuzuar ministrin Arben Ahmetaj se është i përfshirë në aferën e inceneratorëve. Me anë të një deklarate selia e PD ka vijuar me akuzat duke thënë se të korruptuarit dhe personat no-grata janë bërë bashkë kundër komisionit.

Partia Demokratike akuzon ministrin Arben Ahmetaj që sipas tyre, ka dhënë miratimin për koncesionin e inceneratorit të Elbasanit duke ia dhënë  “Albtek Energy” me “negocim pa shpallje”, procedurë që ligji nuk e parashikon e që është në kundërshtim me ligjin. PD shton më tej se koncensoni iu dha një kompanie që nuk ka asnjë ditë eksperiencë në fushën e incenerimit. Në fund të reagimit, PD shton se 30 milionë euro kanë shkuar në xhepat e pushtetarëve të lidhur me Klodian Zoton, Mirel Mertirin, Stela Gugallën.

REAGIMI I PARTISË DEMOKRATIKE

Partia e re e të korruptuarve kundër komisionit për inceneratorët. Ja si u përfshi Ahmetaj në këtë aferë Deputetët e PD-së në komisionin hetimor kanë zbuluar përfshirjen e Arben Ahmetajt në aferën e inceneratorëve. Përpjekjet e “non gratave” të shpallura dhe të pashpallura për të sulmuar komisionin kanë për qëllim mbrojtjen e individëve të korruptuar në këmbim të mbështetjes financiare dhe elektorale. Aleanca e të korruptuarve nuk do ta ndal PD-në t’i shkojë deri në fund zbardhjes së kësaj afere. Çdo ditë është dhe më e qartë se si janë përfshirë ministra e funksionarë të lartë në shkelje të çdo ligji. Një ndër ta është Arben Ahmetaj. Koncesioni i inceneratorit të Elbasanit i është dhënë “Albtek Energy” me “negocim pa shpallje”, procedurë që ligji nuk e parashikon. Arben Ahmetaj ka dhënë miratimin për t’i dhënë koncesionin kompanisë “Albtek Energy” me një procedurë që është në kundërshtim me ligjin. Të tre inceneratorët nuk kanë pasur leje mjedisore. Koncensoni iu dha një kompanie që nuk ka asnjë ditë eksperiencë në fushën e incenerimit. Edhe sot vazhdojmë të paguajmë para për procedura korruptive, për kontrata korruptive. 430 milionë euro kanë shkuar në xhepat e pushtetarëve të lidhur me Klodian Zoton, Mirel Mertirin, Stela Gugallën. Edi Rama, Ëngjëll Agaçi, Arben Ahmetaj, Damjan Gjiknuri, Lefter Koka, Erjon Veliaj kanë vepruar si një grup i strukturuar kriminal.

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike partia demokratike partia demokratike

Sondazh

Poll

MË SHUMË