Aktualitet

Dosja.al “hapi probleme”! Si e falsifikoi datën e tenderit Ministria e Kulturës (FT)

5 Shkurt 2022, 06:54 Nga DOSJA

TIRANË– Thirrja e Ministrisë së Kulturës për projektet kulturore ka ngjallur dyshime lidhur me transparencën e saj. Në 15 dhjetor të vitit të kaluar në faqen zyrtare të këtij institucioni është njoftuar thirrja për organizimin e disa projekteve kulturore, ndërsa fituesit e tenderit do të vendoseshin sot më 31 janar.

Por një lajm i publikuar dje në Dosja.al duket se u ka prishur planet zyrtarëve. Ministria komunikonte në faqen zyrtare të saj se vendimi do të dilte disa ditë më parë, por sot është data 3 shkurt, e akoma nuk ka një njoftim zyrtar lidhur me fituesin. (SHIKO KËTË)

“Për shkak të vështirësive të krijuara nga pandemia Covid 19 dhe numrit të madh të aplikimeve, kërkojmë mirëkuptimin tuaj në shtyrjen e afatit të shpalljes së projekteve fituese që përfitojnë nga mbështetja financiare e Ministrisë së Kulturës. Fituesit do të shpallen në datën 10 shkurt 2022,”-thuhet në njoftimin e bërë në faqen zyrtare të Ministrisë. Ndryshim që shton më shumë dyshimet se fituesit e tenderit, ashtu siç e paralajmëroi Dosja.al, ishin të paracaktuar. Sigurisht për të përfituar si dhe sa të donin nga fondet publike.

Rikthehemi tek njoftimi, që pretendohet se është hedhur më 31 janar, por në fakt u hodh në datë 4 shkurt. Në fakt, siç duket edhe në fotot e mëposhtme, njoftimi është publikuar më vonë nga data kur pretendohet se është hedhur, por duket qartë i gjithë manipulimi. Por për të mos i besuar “dorës sonë”, verifikimi mund të bëhet lehtësisht edhe nga çdo IT, për datën e hedhur në system. Për disa minuta mund të zbulohet i gjithë manipulimi.

Kjo realisht e fut Ministrinë e Kulturës në një telash serioz të shkeljes me të dyja këmbët të procedurës për fondet publike. Vepër penale që ka autor ose grup autorësh. Tentativa e një institucioni publik për të “pastruar” gjurmët e një procedure të cënuar ka prodhuar një falsifikim, gjoja për të qenë në rregull me procedurat. Por kanë harruar që të llogarisin “guard dogs” e mediave.

(k.m)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet ministria e kultures tirane ministria e kultures tirane

Sondazh

Poll

MË SHUMË