Aktualitet

VD-Me 27 kg kanabis në makinë, vihet në pranga 29-vjeçari në Gjirokastër

25 Janar 2022, 09:52 Nga DOSJA

VD-Me 27 kg kanabis në makinë, vihet në pranga 29-vjeçari

GJIROKASTËR– Një 29-vjeçar ka përfunduar në prangat e Policisë së Shtetit, pasi u kap duke qarkulluar me lëndë narkotike në mjetin e tij. Në aksin rrugor Kakavije-Gjirokastër, në vendin e quajtur “Kthesa e Sofratikës”, Policia ka kontrolluar mjetin “Toyota Yaris”, me drejtues të riun e identifikuar me iniciale, M. G., u gjetën 27. 6 kg lëndë e dyshuar narkotike cannabis sativa. Ndërkohë në kërkim është shpallur K. M., 28 vjeç, banues në Gjirokastër, i dyshuar si bashkëpuntori i tij.

NJOFTIMI I PLOTË:

Gjirokastër

Finalizohet me sukses operacioni policor i koduar “Transporter”. Operacioni nga Seksioni për Hetimin e Narkotikëve dhe Trafiqeve të Paligjshme, në bashkëpunim me Seksionin Operacional në DVP Gjirokastër, për goditjen e veprimtarisë kriminale në fushën e narkotikëve. Sekuestrohen 27 kilogramë e 600 gramë cannabis sativa. Vihet në pranga poseduesi, shpallet në kërkim bashkëpunëtori i tij.

Në vijim të punës për parandalimin, evidentimin dhe ndëshkimin e veprimtarisë kriminale në fushën e narkotikëve, Seksioni për Hetimin e Narkotikëve dhe Trafiqeve të Paligjshme, në bashkëpunim me Seksionin Operacional në DVP Gjirokastër, në bazë të informacioneve të siguruara në rrugë policore, finalizuan me sukses operacionin e koduar “Transporter”, si rezultat i të cilit u arrestua në flagrancë shtetasi M. G., 29 vjeç, banues në Gjirokastër.

Në aksin rrugor Kakavije-Gjirokastër, në vendin e quajtur “Kthesa e Sofratikës”, gjatë kontrollit të ushtruar nga shërbimet e Policisë, në automjetin tip “Toyota Yaris”, me drejtues shtetasin M. G., u gjetën 27. 6 kg lëndë e dyshuar narkotike cannabis sativa. Në përfundim të veprimeve të para hetimore, specialistët e Seksionit për Hetimin e Narkotikëve dhe Trafiqeve të Paligjshme bënë shpalljen në kërkim të shtetasit K. M., 28 vjeç, banues në Gjirokastër, i dyshuar si bashkëpuntor. Punohet intensivisht për kapjen e tij. Në cilësinë e provës materiale u sekuestrua lënda e dyshuar narkotike, automjeti dhe tre aparate celulare.

Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprën penale “Prodhimi dhe shitja e narkotikëve” e kryer në bashkëpunim.

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet gjirokaster operacioni transporter gjirokaster operacioni transporter