Bota

Arratiset nga burgu dhe merr peng dy persona, policia belge vret të riun holandez

13 Janar 2022, 06:41 Nga DOSJA

Arratiset nga burgu dhe merr peng dy persona, policia belge vret të riun

BELGJIKË – Policia belge ka qëlluar për vdekje një të ri, i cili ishte arratisur nga një burg holandez për të mitur të dënuar. I riu u qëllua pas një përleshjeje me armë me forcat e policisë përtej kufirit në Belgjikë.

Viktima ishte arratisur nga qendra në qytetin jugor të Bredës dhe mori peng dy anëtarë të stafit dhe kaloi me makinë përtej kufirit. Dy punonjësit shpëtuan të padëmtuar, por dëshmitarët thonë se i arrestuari më pas hapi zjarr ndaj policisë belge në fshatin Sint-Lenaarts.

Mosha e tij nuk është bërë ende e ditur, por qendra e paraburgimit Den Hey-Acker ku ai mbahej thotë se aty strehohen djem dhe të rinj të moshës 14 deri në 21 vjeç, të cilët shërbejnë deri në dy vjet përpara se të kthehen në shoqëri. Ai lejoi dy anëtarët e stafit të dilnin nga makina në një parking supermarketi në jug të kufirit në Hoogstraten.

Një dëshmitar i quajtur Tinneke i tha uebsajtit “Gazet van Antëerpen” se “ai kaloi me makinë mbi trotuaret dhe shkoi me shpejtësi të madhe në anën e gabuar të rrugës. Një tjetër dëshmitar tha se “ai ishte ndjekur nga policia në fshat dhe më pas kishte zbritur nga makina, duke qëlluar në drejtim të policisë”.

Kryebashkiaku Sven Deckers tha se ishte një incident tragjik që do të kishte ndikim tek oficerët e përfshirë. Ai shprehu ngushëllimet për të afërmit e të riut të vrarë nga të shtënat me armë zjarri.

Marrë nga bbc.com

(e.h/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota belgjike hollandë policia belge belgjike hollandë policia belge