Aktualitet

Atentati ndaj Pirolit, shpallet në kërkim një prej autorëve, sekuestrohet mjeti

7 Janar 2022, 14:50 Nga DOSJA

Atentati ndaj Pirolit, shpallet në kërkim një prej autorëve,

SHKODËR – Policia e Shkodrës ka shpallur në kërkim njërin prej autorëve të dyshuar të plagosjes së 34-vjeçarit Vinçens Piroli, ngjarje e ndodhur në 3 janar në lagjen “Bahaçallëk” të Shkodrës. Uniformat blu të Shkodrës raportojnë se personi i shpallur në kërkim nga forcat e rendit është 23-vjeçari Arjon Beqiri.

Identifikimi i tij u bë pasi policia gjeti në rrugën “Hodo Beg Sokoli” një automjet “BMW X5”, e cila ishte braktisur. Sipas kërkimeve, kjo makinë është marrë me qira nga 23-vjeçari Arjon Beqiri dhe mendohet se është përdorur në atentantin ndaj 34-vjeçarit.

Ndaj Arjon Beqirit janë ngritur akuzat e “Vrasjes me dashje” mbetur në tentativë, kryer në bashkëpunim dhe “Armëmbajtje pa leje”.

Çfarë ka ndodhur në 4 ditët e fundit?
Vinçens Piroli u qëllua me armë zjarri pasditen e 3 janarit teksa po ecte në Urën e Bunës në lagjen “Bahaçallëk” të qytetit të Shkodrës. 34-vjeçari njoftoi kushëririn e tij Marjon Marku për ta çuar në spital. I afërmi i tij e dërgoi në spitalin e Lezhës dhe jo të Shkodrës. Fillimisht, Piroli nuk ka folur për shkak të gjendjes jo të mirë shëndetësore. Mënyrën se si u plagos ai ua rrëfeu më pas mjekëve. I frikësuar se atentatorët mund ta ndiqnin deri në spitalin e Shkodrës dhe ta eliminonin, Pirolo zgjodhi të transportohej në spitalin e Lezhës. Pasi e solli në spital, Marjon Marku është largua menjëherë. Fakti që ai u dërgua në Spitalin e Lezhës dhe jo të Shkodrës ngjalli dyshime te uniformat blu. Forcat e rendit kryen kontrolle në zonën ku ndodhi atentanti, por nuk gjetën asnjë gëzhojë.

Dy ditë më pas, policia arrestoi Pirolin dhe kushëririn e tij për akuzat e moskallëzimit të krimit dhe fshehje të së vërtetës.

Ndaj 34-vjeçarit është lëshuar një urdhër arresti ndërkombëtar pasi akuzohet se në korrik 2021 ka vrarë së bashku me Dorian Lalën shtetasin Momçilo Gjurishiq në Ulqin.

NJOFTIMI I POLICISË:

SHIKO DHE KËTË:

Plagosja e Vinçens Pirolit, “BMW X5” e braktisur, zbulohet personi që e mori me qira

(d.v/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet plagoset vincens pirolli plagoset vincens pirolli