Art&Argëtim

Modelja vdes nga kanceri/Mjekët ja hidhnin fajin Covid, nuk pranonin ta kontrollonin

6 Janar 2022, 17:46 Nga DOSJA
Modelja vdes nga kanceri/Mjekët ja hidhnin fajin Covid, nuk pranonin ta

MBRETËRI E BASHKUAR -Porsche ‘Pops’ McGregor-Sims, modele në Britani, vdiq nga kanceri i qafës së mitrës në moshën 27-vjeçare, vetëm disa muaj pasi ju tha nga një mjek se hormonet e saj ishin fajtore për “një mori” simptomash dhe se nuk kishte asgjë serioze.

Sipas Mirror, ajo kishte një formë “agresive” të kancerit, e cila kishte mbetur e padiagnostikuar për muaj të tërë, pavarësisht ankesave të vazhdueshme për dhimbje barku dhe gjakderdhje. Maturantja ndërroi jetë në spital vetëm një ditë pasi u zbulua kanceri, pasi më parë i ishte thënë nga mjeku se nuk kishte nevojë të kontrollohej fizikisht dhe problemet e saj mund të lidheshin me ndërprerjen e pilulës kontraceptive.

Vetëm disa javë para vdekjes së saj, ndërsa Britania hyri në bllokimin e parë të koronavirusit, asaj iu dhanë antibiotikë përmes telefonit për gjendjen e saj. Ajo u pa nga një mjek ballë për ballë vetëm pasi mjeku i përgjithshëm mendoi se gjendja e saj nënkuptonte se kishte Covid. Rasti i saj ka bërë që një mjek ligjor të thojëe se udhëzime kombëtare, të cilat thonë se gratë e dyshuara se kanë sëmundje duhet të presin dy javë përpara se të vizitohen nga një specialist, mund të kenë kontribuar në vdekjen e saj.

McGregor-Sims, e cila ishte e fejuar dhe priste të martohej iu nënshtrua kontrollit të parë në 2017. Megjithëse testi nuk zbuloi qeliza kancerogjene, asaj iu tha se disa ishin “jonormale”. Por pavarësisht këtij rezultati, nuk u ndërmor asnjë veprim tjetër. Dy vjet më vonë ajo filloi të ankohej për dhimbje barku dhe gjakderdhje vaginale dhe në dhjetor 2019 mjeku i përgjithshëm e dërgoi atë për të parë një konsulent.

Për shkak të periudhës së Krishtlindjes McGregor-Sims nuk u vizitua deri në fund të janarit. Ajo u vizitua më pas nga Dr Peter Schlesinger, një mjek i specializuar në gjinekologji, në Spitalin Queen Alexandra në Portsmouth. Dr Schlesinger tha se simptomat e saj ishin “hormonale” pasi ajo ndërpreu pilulën që të mbron nga shtatzënia rreth një vit para vdekjes së saj. Ai i kërkoi falje familjes së saj për dështimin për të kapur kancerin e saj.

Nëna e McGregor-Sims, Fiona Haëke, i fejuari Mark Chappel dhe vëllai binjak Deucalion vunë në dyshim praktikat e Dr Schlesinger gjatë hetimit, duke pyetur pse nuk u bë një ekzaminim fizik. Pasi vendi filloi karantinën në fund të marsit 2020,  McGregor-Sims pati dy konsulta telefonike dhe iu dhanë antibiotikë pasi ndjeu frymëmarrje të rënduar. Kur antibiotikët nuk patën asnjë ndikim dhe simptomat e saj u përkeqësuan, ajo u soll në Qendrën Mjekësore ëestlands në Portchester, afër Portsmouth, për një konsultë ballë për ballë. Ajo u dërgua me urgjencë në Spitalin Queen Alexandra, ku vdiq një ditë më vonë, më 14 prill 2020.

Zonja Hawke, i bëri homazhe vajzës së saj menjëherë pas vdekjes së saj, duke thënë se humbja e saj ishte si “të digjej dielli”. Ajo tha se Porsche kishte gjithmonë një ndjenjë gëzimi dhe gjallërie rreth saj.

“Ajo ishte e gatshme të shihte të mirën në gjithçka dhe në këdo, ishte një person i bukur dhe humbja e saj është si të digjej dielli. Është e frikshme të mendosh se dikush me kaq shumë energji mund të zhduket kaq papritur”, tha ajo 

Ajo u varros në  Petersfield, Hants. Hetimi u shty dhe përfundimi i tij do të dëgjohet në një datë të mëvonshme.

(m.k/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

showbiz showbiz mbretëri e bashkuar modelja vdes modelja mbretëri e bashkuar modelja vdes modelja

Sondazh

Poll

MË SHUMË