Aktualitet

Zbardhet vjedhja në Sarandë, arrestohen 2 persona,sekuestrohen shuma të mëdha lekësh

30 Dhjetor 2021, 08:44 Nga DOSJA
Zbardhet vjedhja në Sarandë, arrestohen 2 persona,sekuestrohen shuma

SARANDË- Është zbardhur vjedhja prej 200 milionë lekësh e supermarketit në Sarandë. Mësohet se në pranga kanë rënë dy persona 40-vjeçari Edmond Duzha dhe Bekdash Cukalla dhe mbi ta rëndojnë akuzat e vjedhjes e kryer në bashkëpunim. Ndërkohë që policia ka bërë me dije se nga operacion policor ‘Fundviti’, i kryer për të zbardhur ngjarjes, gjithashtu janë sekuestruar shumat 400.000 lekë, 2500 dollarë dhe 1000 paund, 2 automjetet me të cilat janë larguar autorët pas ngjarjes, 4 telefona celular, 3 pajisje DVR si dhe 2 laptop. Gjithashtu bëhet me dije se Bekdash Cukalla ka qenë teknik i kamerave të këtij supermarketi dhe me anë të telefonit kontrollonte se sa lekë kishte në supermarket.

Njoftimi i Policisë:

Zbardhet dhe dokumentohet vjedhja e një shume të konsiderueshme parash, më datë 11.12.2021, në një supermarket në Sarandë. Finalizohet me sukses operacioni policor i koduar “Fundviti”, për goditjen e veprimtarisë kriminale në fushën e vjedhjes së pronës dhe pasurisë. Operacioni i zhvilluar nga shërbimet e Komisariatit të Policisë Sarandë, në bashkëpunim me Drejtorinë Vendore të Policisë Vlorë dhe Drejtorinë Vendore të Policisë Lezhë.

Vihen në pranga 2 shtetas.  Shërbimet e Komisariatit të Policisë Sarandë, në bashkëpunim me Drejtorinë Vendore të Policisë Vlorë dhe Drejtorinë Vendore të Policisë Lezhë, nën drejtimin e Prokurorisë Pranë Gjykatës së Shkallës së Parë Sarandë, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, pas një pune të mirëfilltë hetimore, organizuan dhe finalizuan me sukses operacionin “Fundviti”, në kuadër të të cilit u vunë në pranga shtetasit:

-E.D.(Gj.), 40 vjeç, banues në Tale, Lezhë, i dënuar më parë në Itali, për “Vjedhje” dhe “Dhunë/sulm ndaj forcave të policisë”;
-B. C., 37 vjeç, banues në Sarandë.

Nga veprimet hetimore dyshohet se këta shtetas, në bashkëpunim me njëri-tjetrin, kanë vjedhur një sasi të konsiderueshme parash, në një supermarket në lagjen nr.4, në Sarandë, më datë 11.12.2021. Shtetasi B. C. ka qenë i punësuar si teknik i kamerave të sigurisë në këtë supermarket dhe nëpërmjet telefonit të tij ka kontrolluar shumën e parave që gjendeshin në ambientet e këtij subjekti.

Në cilësinë e provës materiale janë sekuestruar shumat 400.000 lekë të rinj, 2500 dollarë amerikan, 1000 paund britanik, 2 automjete me të cilat autorët janë larguar pas ngjarjes, 4 telefona celular, 3 pajisje DVR dhe 2 laptop. Materialet i kaluan Prokurorisë pranë Gjykatës së Shkallës së Parë Sarandë, për veprime të mëtejshme, për veprën penale “Vjedhja” kryer në bashkëpunim.

Mëngjesin e 11 dhjetorit, persona të veshur me kostum sportiv, kapuçë dhe me maska anti-COVID grabitën shumën prej 200 milionë lekësh në supermarketin “Halo” në Sarandë. Policia ushtroi kontrolle në bizneset pranë supermarketit dhe arriti të sekuestronte videon e grabitjes. Nga pamjet u panë 3 të rinj që transportonin disa çanta me para, të cilat u morën nga kasaforta e supermarketit. Grabitësit morën me vete dhe DVR-në e kamerave të sigurisë.

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet bekdash cukalla grabitje ne sarande bekdash cukalla\ grabitje ne sarande

Sondazh

Poll

MË SHUMË