Aktualitet

Po transportonte 9 emigrantë të paligjshëm, shpallet në kërkim 36-vjeçari nga Dibra

19 Dhjetor 2021, 16:53 Nga DOSJA
Po transportonte 9 emigrantë të paligjshëm, shpallet në

GJIROKASTËR– Një 36-vjeçar është shpallur në kërkim nga Policia e Shtetit pasi akuzohet se po transportonte emigranët të jashtëligjshëm kundrejt fitimit. I riu nga Dibra, u pikas teksa po udhëtonte me mjetin e tij tip “Benz”, e nuk e ndaloi mjetin në momentin kur efektivët i bënë shenjë për kontroll. Më pas, ka braktisur mjetin në vendin e quajtur “Virua” së bashku me emigrantët e paligjshëm.

NJOFTIMI I PLOTË:

Gjirokastër

Goditet një tjetër rast i veprimtarisë kriminale të dhënies ndihmë shtetasve të huaj për kalim të paligjshëm të kufirit, kundrejt fitimit. Nuk iu bind urdhrit të punonjësve të Policisë, për të ndaluar mjetin me të cilin transportonte 9 emigrantë të paligjshëm, shpallet në kërkim 36-vjeçari. Sekuestrohet 1 automjet.

Shërbimet e Policisë Rrugore, në vijim të punës për monitorimin e qarkullimit rrugor dhe ndëshkimin e drejtuesve të automjeteve që drejtojnë automjetet në mënyrë të parregullt apo i përdorin ato për të ushtruar veprimtari të ndryshme kriminale, kanë goditur një rast të aktivitetit kriminal të dhënies ndihmë të shtetasve të huaj, për kalim të paligjshëm të kufirit, kundrejt fitimit.

Shërbimet e Policisë Rrugore i kanë bërë shenjë ndalimi shtetasit R. B., i cili po drejtonte automjetin tip “Mercedez Benz”, në aksin rrugor Gjirokastër-Tepelenë, në vendin e quajtur “Ura e Lumit”, por ai nuk i është bindur urdhrit të punonjësve të Policisë Rrugore për të ndaluar mjetin, të cilin e ka braktisur në vendin e quajtur “Virua”. Nga veprimet hetimore rezultoi se shtetasi R. B. po transportonte 9 emigrantë të paligjshëm nga vendet MENA, kundrejt fitimit. Nga Seksioni për Hetimin e Trafiqeve të Paligjshme në DVP Gjirokastër u shpall në kërkim drejtuesi i mjetit, shtetasi R. B., 36 vjeç, banues në Dibër.

Vijon puna për kapjen dhe vënien e tij para përgjegjësisë ligjore. Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Gjirokastër, për veprat penale “Mosbindja ndaj urdhrit të punonjësit të policisë” dhe “Dhënia ndihmë për kalim të paligjshëm të kufirit”.

(k.m/dosja.al)

Cila mendoni se është alternativa më e mirë:

View Results

aktualitet aktualitet gjirokaster policia e shtetit gjirokaster policia e shtetit

Sondazh

Poll

MË SHUMË