Aktualitet

U ishte lënë në duar shqiptarëve, policia spanjolle zbulon 12 plantacione kanabisi

15 Dhjetor 2021, 06:41 Nga DOSJA

SPANJË – Disa shqiptarë kanë rënë në prangat e policisë spanjolle, në kuadër të operacionit të koduar “Albacos”, i cili ka çuar në 33 të arrestuar, pesë prej tyre në Castilla-La Mancha dhe çmontimin e 12 plantacioneve të marijuanës të përhapura në të gjithë Spanjën. Shumica prej të arrestuarve ishin shqiptarë.

Të 12 plantacionet ndodheshin në vende me akses shumë të vështirë, duke krijuar hapësira duke prerë pemët. Delegatja e Qeverisë së Spanjës në Castilla y León, Virginia Barcones, siguroi se kanali i shpërndarjes së drogës në Evropë konsiderohet i çaktivizuar, në një veprim që ajo e cilësoi si “shkëlqyeshëm”.

Struktura hierarkike e organizatës

Ata që merrnin vendimet dhe shpërndanin ‘mallin’ ishin shqiptarë, më poshtë vinin kolumbianët, italianët si dhe gjermanët. Të vetmet tri gra të ndaluara ishin të angazhuara në funksionet e ndërtimit të infrastrukturës, të tilla si shtëpi me qira ose automjete.

Hetimi nisi në fund të vitit të kaluar duke zbuluar, falë bashkëpunimit me qytetarët, katër persona të shtetësisë së huaj, të parregullt dhe pa aktivitet pune, të cilët lëviznin në lokacione të ndryshme në provincën e Segovias. Këta persona mbanin takime të vazhdueshme , duke mbajtur masa të shumta sigurie. Hetimi bëri të mundur përcaktimin se ishte një organizatë e dedikuar për kultivimin dhe prodhimin e marijuanës për shitje në vendet evropiane dhe se kishte kapacitet për të kultivuar dhe përpunuar për shitje më shumë se 50,000 bimë marijuanë në vit, thënë ndryshe një sasi më shumë se 1500 kilogramë lëndë narkotike për t’u eksportuar në vendet e Bashkimit Evropian. Policia spanjolle arriti të futet në kampet e mëdha në zona të pyllëzuara ku rriteshin sasi të mëdha të bimëve marihuanë, të njohura si plantacione guerile, disa prej të cilave kishin më shumë se 5000 bimë. Në këto kampe, anëtarët e organizatës qëndruan të fshehur për periudha të gjata kohore, ndërsa anëtarët e tjerë i mbështetnin herë pas here me logjistikën e mirëmbajtjes.

Marrë nga Larazon.es

(E.H/Dosja.al)

Cila mendoni se është alternativa më e mirë:

View Results

aktualitet aktualitet aksioni i policise spanjolle kapet droge ne spanje shqiptare te arrestuar aksioni i policise spanjolle kapet droge ne spanje shqiptare te arrestuar

Sondazh

Poll

MË SHUMË