Aktualitet

VD-Zbulohet ferma e kanabis në Shkodër! Në pranga gruaja, shpallet në kërkim i shoqi

3 Dhjetor 2021, 08:55 Nga DOSJA
VD-Zbulohet ferma e kanabis në Shkodër! Në pranga gruaja,

SHKODËR– Mariana Vuksanaj është arrestuar ditën e sotme në Shkodër pasi iu zbulua ‘shtëpia e barit’ në një banesë. Në kërkim u shpall në Gjovalin Vuksanaj, bashkëshorti i Marianës, i cili bashkëpunoi për të kultivuar kanabis në vazo dhe kishin përshtatur banesën me mjetet materiale për kultivimin e lëndës narkotike.

Policia ka sekuestruar 139 kg kanabis, fidanë narkotikë të kultivuar në vazo, 63 llamba elektrike dhe baza të tjera materiale që shërbenin për kultivimin e kanabisit nëpërmjet llambave elektrike.

Policia e Shkodrës mori informacion se një shtetas kishte përshtatur në bodrumin e banesës së tij, një ambient për kultivimin në kushte laboratorike të bimëve narkotike cannabis sativa. Pas këtij informacioni, policia organizoi dhe finalizoi operacionin policor të koduar “Jeran”, në kuadër të të cilit u arrestua në flagrancë gruaja dhe burri u shpall në kërkim.


NJOFTIMI I POLICISË:

Finalizohet operacioni policor i koduar “Jeran”, për goditjen e veprimtarisë kriminale në fushën e kultivimit të bimëve narkotike. Operacioni nga strukturat hetimore të DVP Shkodër, në bashkëpunim me Forcat Operacionale dhe “Shqiponjat”. Gjatë operacionit është zbuluar një ambient i përshtatur për kultivim të kanabisit, me anë të llambave, në një banesë ku kishte lidhje të paligjshme elektrike. Është vënë në pranga pronarja e banesës dhe është shpallur në kërkim bashkëshorti i saj. Janë sekuestruar 139 kg kanabis, fidanë narkotikë të kultivuar në vazo, 63 llamba elektrike dhe baza të tjera materiale që shërbenin për kultivimin e kanabisit nëpërmjet llambave elektrike.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, bazuar dhe në informacionet e grumbulluara, strukturat hetimore të Drejtorisë Vendore të Policisë Shkodër, në bashkëpunim me Forcat Operacionale dhe “Shqiponjat” e DVP Shkodër, bazuar në informacionet e marra në rrugë operative se një shtetas kishte përshtatur në bodrumin e banesës së tij, një ambient për kultivimin në kushte laboratorike të bimëve narkotike cannabis sativa, organizuan dhe finalizuan operacionin policor të koduar “Jeran”, në kuadër të të cilit u arrestua në flagrancë shtetasja:

M. V., 42 vjeçe banuese në fshatin Jeran, si dhe është shpallur në kërkim bashkëshorti i saj, shtetasi Gj. V., 55 vjeç, banues në fshatin Jeran, Shkodër.Gjatë zhvillimit të operacionit janë sekuestruar 139 kg lëndë bimore e dyshuar cannabis sativa, 132 fidanë të dyshuar narkotikë të kultivuar në vazo, 63 llamba elektrike, baza të tjera materiale që shërbenin për kultivimin e kanabisit nëpërmjet llambave elektrike dhe 1 automjet.Gjithashtu, gjatë operacionit, në këtë banesë është konstatuar lidhje e paligjshme e energjisë elektrike.Materialet procedurale iu referuan Prokurorisë pranë Gjykatës së Shkallës së Parë Shkodër, për veprat penale “Prodhimi dhe shitja e narkotikëve” kryer në bashkëpunim, “Kultivimi i bimëve narkotike” kryer në bashkëpunim dhe “Vjedhja e energjisë elektrike.

(A.B)/Dosja.al

Cila mendoni se është alternativa më e mirë:

View Results

aktualitet aktualitet gjovalin vuksanaj kanabis ne shkoder mariana vuksanaj shkoder gjovalin vuksanaj kanabis ne shkoder mariana vuksanaj shkoder

Sondazh

Poll

MË SHUMË