Sport

Operohet Osimhen: prognoza është 90 ditë larg futbollit!

23 Nëntor 2021, 15:37 Nga DOSJA

ITALI – Victor Osimhen u operua për frakturat në fytyrë dhe mollëza e majtë u korrigjua, dëmtim i pësuar në ndeshjen kundër Interit. Deklarata e klubit të Napolit flet për rreth 90 ditë prognozë larg futbollit. Kohë më të gjata, se sa ishte planifikuar fillimisht, por sulmuesi nigerian gjithashtu mund të rikthehet më herët, duke përdorur një maskë mbrojtëse karboni për fytyrën. Osimhen është mirë dhe tani do të jetë nën vëzhgim për disa ditë.

Duke numëruar tre muaj të plotë, rikthimi do të bëhej në prag të Cagliari-Napoli më 20 shkurt, ndërkohë që ndeshja e kthimit kundër Interit do të luhet me 13 shkurt, kundër Lazios me 27 shkurt dhe Milanit me 6 mars. Spalletti, para deklaratës zyrtare, kishte thënë se kishte besim në një rikthim më 19 dhjetor, kundër Milanit, por tani kjo shpresë duket më shumë si një mrekulli.

Më pas është Kupa e Afrikës që do të merret në konsideratë, e cila do të luhet nga 9 janari deri më 6 shkurt, edhe nëse në këtë pikë mund të jetë vetë Napoli, së bashku me lojtarin, për të vlerësuar thirrjen nga Nigeria (pranuar se Osimhen edhe me maskë hipotetike mbrojtëse është gati të luajë në më pak se dy muaj).

Vetë Osimhen kishte frikë nga një ndalesë e gjatë, siç shpjegohet nga Oma Akatugba, një anëtar i rrethit të sulmuesit të Napolit, para publikimit të deklaratës zyrtare: “Victor është shumë i dëshpëruar, ai ka një dëshirë të çmendur për të qëndruar në fushë dhe për të dëgjuar për një pauzë e mundshme dymujore e bën humorin e tij shumë negativ. Nuk e di nëse De Laurentiis i ka shkruar atij, por e di që kunati dhe menaxherja e tij Osita Okolo, janë kthyer në Napoli dhe do të kujdesen që Victor ta ruajë atë në humor të mirë,” shpjegoi Akatugba.