Aktualitet

Vihen në pranga 11 persona për vepra të ndryshme penale

17 Nëntor 2021, 13:07 Nga DOSJA

Vihen në pranga 11 persona për vepra të ndryshme penale

TIRANË- 11 persona janë arrestuar nga polica për vepra të ndryshme penale.

Policia ka bërë të mundur kapjen në flagarncë të një 28-vjeçari, për veprën penale “Organizimi i lotarive të palejuara” dhe një 18-vjeçari, të cilit iu sekuestruan në banesë një sasi lënde e dyshuar narkotike e llojit cannabis sativa, disa fishekë manovër dhe pranga metalike. Shtetas të tjerë janë vënë në pranga nën akuzat dhunë në familje dhe mos respektimin e rregullave të qarkullimit.

Njoftimi i policisë:

Vihen në pranga 11 shtetas, për vepra të ndryshme penale.

Specialistët për Hetimin e Krimit në Komisariatin e Policisë Nr. 3 bënë arrestimin në flagrancë shtetasit Z. I., 28 vjeç, për veprën penale “Organizimi i lotarive të palejuara”, pasi është konstatuar nga shërbimet e Policisë, duke luajtur lojëra fati në mënyrë të paligjshme, me anë të aparatit të tij celular.
—–
Specialistët për Hetimin e Krimit në Komisariatin e Policisë Nr. 4 bënë arrestimin në flagrancë të shtetasit A. A., 18 vjeç, pasi gjatë kontrollit të ushtruar në banesë iu gjetën dhe iu sekuestruan në cilësinë e provës materiale një sasi lënde e dyshuar narkotike e llojit cannabis sativa, disa fishekë manovër dhe pranga metalike.
—–
Specialistët për Hetimin e Krimit në Komisariatin e Policisë Nr. 6 bënë arrestimin në flagrancë të shtetasve:
– D. L., 45 vjeç, pasi në kundërshtim me vendimin e Gjykatës, ka ushtruar dhunë fizike ndaj babait të tij, i cili është i pajisur me urdhër mbrojtje;

– J. Sh,. 43 vjeç, pasi në kundërshtim me vendimin e Gjykatës, ka përndjekur bashkëshorten e tij, e cila është e pajisur me urdhër mbrojtje.

Gjithashtu, nga specialistët për Hetimin e Narkotikëve në Komisariatin e Policisë Nr. 6 u bë arrestimi i shtetasit J. O., 39 vjeç, pasi gjatë kontrollit fizik iu gjet dhe iu sekuestrua në cilësinë e provës materiale një sasi lënde e dyshuar narkotike e llojit heroinë.
—–
Specialistët për Hetimin e Krimit në Komisariatin e Policisë Kavajë bënë arrestimin e shtetasit K. K., 18 vjeç, pasi u kap duke drejtuar mjetin, në gjendje të dehur.
—–
Specialistët e Qarkullimit Rrugor bënë arrestimin e shtetasve:
– L. D., 54 vjeç, pasi në Rrugën e Durrësit, ka aksidentuar shtetasen I. Zh., 66 vjeçe, këmbësore në rrugë, e cila ndodhet jashtë rrezikut për jetën;

– R. B., 37 vjeç, K. K., 65 vjeç, A. R., 53 vjeç dhe E. D., 33 vjeç, pasi u kapën duke drejtuar mjetet përkatëse, në gjendje të dehur.

Më datë 16.11.2021, në bulevardin “Zhan D’Ark”, një shtetas ende i paidentifikuar i ka vjedhur me dhunë nga qafa, varësen e floririt, një shtetaseje 63 vjeçe. Po punohet për identifikimin dhe kapjen e autorit.

Materialet procedurale i kaluan Prokurorisë pranë Gjykatës së Shkallës së Parë të Rrethit Gjyqësor Tiranë, për veprime të mëtejshme.

(f.i/dosja.al)

Cila mendoni se është alternativa më e mirë:

View Results

aktualitet aktualitet arrestohen 11 persona ne tirane arrestohen 11 persona ne tirane