Bota

Çekia voton për zgjedhjet parlamentare, kryeministri aktual në avantazh edhe pas skandalit të Pandora Papers

8 Tetor 2021, 10:30 Nga DOSJA
Çekia voton për zgjedhjet parlamentare, kryeministri aktual në

ÇEKI- Çekia voton sot dhe nesër për zgjedhjet parlamentare, ku sondazhet sugjerojnë se kryeministri aktual, Andrej Babis, dhe partia e tij ANO do të marrin një fitore shumë të ngushtë.

Sipas mediave të huaja, dy parti më të vogla që e mbështesin qeverinë e tij, socialdemokratët e majtë dhe Partia Komuniste mund të mos fitojnë vende të mjaftueshme për të mbetur në Parlament. Kjo mund ta detyrojë ANO-n të kërkojë marrëveshje me nacionalistët e ekstremit të djathtë, për të mbajtur pushtetin.

Gjithsesi votimi i këtyre dy ditëve do t’i japë opozitës shansin e parë të vërtetë për të sfiduar dhe ndoshta përfunduar karrierën politike të kryeministrit Andrej Babis, i cili është goditur nga një sërë skandalesh. Pandora Papers, një hetim global në të cilin morën pjesë gazetarët çekë, është i fundit. 

Gjithsej rreth 14 milionë euro të investuara në pronat franceze përmes kompanive offshore treguan edhe një herë se biznesmeni i pasur çek nuk është një nga qytetarët “e zakonshëm”, siç sugjeron llogaria e tij në Twitter. 

Një rezultat tjetër i mundshëm është një qeveri e përbërë nga dy blloqet kryesore opozitare të qendrës së djathtë dhe qendrës së majtë.

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota andrej babis pandora papers zgjedhjet ne ceki andrej babis pandora papers zgjedhjet ne ceki

Sondazh

Poll

MË SHUMË