Bota

Izraeli rrit presionin për dozën e tretë të vaksinës

3 Tetor 2021, 11:36 Nga DOSJA
Izraeli rrit presionin për dozën e tretë të vaksinës

IZRAEL- Qeveria e Izraelit po rrit presionin ndaj personave që janë vaksinuar me dy dozat e vaksinës kundër koronavirusit. Nga dita e diel (3 tetor) certifikata e vaksinimit e cila lehtëson lëvizjen dhe qasjen në jetën publike, do të jetë e vlefshme vetëm gjashtë muaj pas marrjes së dozës së dytë të vaksinës. Pas kësaj periudhe njerëzit duhet të marrin dozën e tretë përforcuese për të pasur mundësi të hyjnë në ambiente të mbyllura. Izraeli është vendi i parë që e përfshiu dozën përforcuese të vaksinës në certifikatën e vaksinimit.

Masa po shihet gjerësisht si një hap për të inkurajuar vaksinimin me dozë përforcuese. Sipas shifrave të Ministrisë së Shëndetësisë, më shumë se 1 milion njerëz mund të preken nga rregullorja e re. Certifikata është e nevojshme për të marrë pjesë në pothuajse të gjitha fushat e jetës publike në Izrael. Të gjithë të moshës 3 vjeç e lart duhet të dëshmojnë se janë vaksinuar, janë shëruar nga COVID-19 ose janë testuar negativ nëse duan të vizitojnë ngjarje sportive ose kulturore, palestra, muze, restorante, universitete ose konferenca.

Sipas Ministrisë së Shëndetësisë, rreth 61 për qind e afërsisht 9.4 milionë banorëve janë vaksinuar me dy doza, ndërsa rreth 37 për qind me dozë përforcuese. Parakushti për dozën e tretë është që vaksinimi i dytë të jetë bërë së paku pesë muaj më parë. Në fillim të shtatorit, Izraeli regjistroi më shumë se 11,000 infeksione të reja në ditë, numri më i lartë që nga fillimi i pandemisë.

Që atëherë, numri ka rënë gradualisht. Shumë izraelitë organizuan demonstrata në të gjithë vendin në shenjë proteste ndaj masave të reja. Kundërshtarët thanë se kjo është një formë e vaksinimit të detyruar.

Marrë nga REL

Iftar dhe politikë, a u prek Muaji i Ramazanit nga politikanët?

View Results

bota bota izrael vaksinimi ne izrael izrael vaksinimi ne izrael

Sondazh

Poll

Bota 3 Tetor 2021, 10:46

Sa e bashkuar është Gjermania sot?

GJERMANI- Që prej 31 vjetësh Gjermania është bashkuar. Të paktën në dokumenta ky hap u kurorëzua shpejt në mënyrë ceremoniale pas rënies së Murit të Berlinit. P...

MË SHUMË