Bota

BE-ja shtyn bisedimet tregtare të planifikuara prej kohësh me Australinë, shkak prishja e marrëveshjes së nëndetëseve me

1 Tetor 2021, 12:33 Nga DOSJA
BE-ja shtyn bisedimet tregtare të planifikuara prej kohësh me

BRUKSEL- Një raund i planifikuar prej kohësh i bisedimeve të tregtisë së lirë Australi-BE është shtyrë, konfirmoi një zyrtar evropian të Premten, pas zemërimit mbi vendimin e Canberra për të anuluar një kontratë të madhe për nëndetëset me Francën.

“Raundi tregtar i MTL-së është shtyrë për një muaj deri në nëntor,”- i tha AFP-së një zyrtar i BE-së në Canberra, duke vënë në dyshim të ardhmen e paktit të gjerë.

Sipas mediave të huaja, ninistri australian i tregtisë, Dan Tehan, i cili ishte planifikuar të udhëtonte në Evropë për bisedimet, e hodhi poshtë vendimin. Tehan tregoi se ai planifikon të takohet me Komisionerin e Tregtisë të BE Valdis Dombrovskis javën e ardhshme për të diskutuar se cili do të ishte raundi i 12 -të i negociatave.

“Ne do të vazhdojmë përgatitjet për raundin e 12 -të të negociatave dhe do të punojmë drejt përfundimit të një marrëveshjeje të tregtisë së lirë që është në interes të Australisë dhe BE -së.“- tha ai.

Australia muajin e kaluar befas anuloi një kontratë shumë miliardë dollarëshe për 12 nëndetëse franceze, duke zgjedhur të blinte në vend të tyre anije të prodhuara nga SHBA me energji bërthamore. Vendimi shkaktoi një përplasje të madhe diplomatike me një nga anëtarët më të mëdhenj të Bashkimit Europian dhe tani duket se ka goditur lidhjet me të gjithë bllokun.

Në vitin 2020, tregtia e mallrave midis dy ekonomive u vlerësua në 36 miliardë euro (42.4 miliardë dollarë) dhe në 26 miliardë euro në shërbime. Raundi tjetër i bisedimeve duhej të mbulonte fushat përfshirë tregtinë, shërbimet, investimet dhe të drejtat e pronësisë intelektuale.

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota dan tehan marreveshja shba-britani-australi dan tehan marreveshja shba-britani-australi

Sondazh

Poll

MË SHUMË