Aktualitet

Ndalohen 2 zyrtarët e burgut të Peqinit, falsifikonin kartelat e punës për të ulur dënimin! Kush është i burgosuri që d

30 Shtator 2021, 17:22 Nga DOSJA
Ndalohen 2 zyrtarët e burgut të Peqinit, falsifikonin kartelat e

PEQIN– Ish-shefi juridik Gani Shehu dhe kartelisti Lulzim Kadiu, zyrtarë në burgun e Peqinit janë vënë në pranga pasi akuzohen se kanë falsifikuar kartelat e punësimit të të burgosurve në mënyrë që të dënuarit të marrin ulje dënimi. Mësohet se hetimet janë kryer nga Shërbimi për Kontrollin e Brendshëm në Burgje dhe Prokuroria e Elbasanit. Në përfundim të tyre ka rezultuar se Shehu dhe Kadiu kanë falsifikuar kartelat e disa të burgosurve që vunain dënimin në burgun e Peqinit.

Mes tyre mësohet të ketë qenë edhe Lorenc Hajro! Ky i fundit po përpiqej që të shtonte disa orë pune, me qëllim që të përfitonte një ulje të dënimit, manovër kjo e përdorur nga shumë të dënuar. Megjithatë, janë të pakta detajet se kush është Lorenc Hajro dhe akuzat pse ai qëndron në burg.

“Shtetasit e ndaluar, në bashkëpunim me njëri tjetrin me veprime aktive konkrete kanë konsumuar elementët e veprës penale të shpërdorimit të detyrës, parashikuar nga neni 248 e 25 i Kodi Penal, duke sjellë për pasojë përfitime të paligjshme për të dënuarit L.H, në lidhje me uljen e dënimit dhe duke administruar në dosjen penale të tij, kartela punësimi të falsifikuara,”- thuhet në njoftimin zyrtar.

NJOFTIMI I PLOTË:

Sot në datë 30.09.2021, Drejtoria e Shërbimit të Kontrollit të Brëndshëm në Burgje në bashkëpunim me Prokurorinë pranë Gjykatës së Shkallës së Parë Elbasan, ka bërë ndalimin e shtetasve;
1-Gani Ali Shehu, i datëlindjes 04.04.1987, banues në Tiranë, ish Përgjegjës i Sektorit Ligjor në IEVP Peqin.
2- Lulzim Fadil Kaziu, i datëlindjes 19.08.2057, lindur e banues në Peqin me detyrë kartelist në sektorin ligjor në IEVP Peqin.
Ndaj këtyre shtetasve Prokuroria e Rrethit Gjyqësor Elbasan bazuar në materialin referues të Drejtorisë së Shërbimit të Kontrollit të Brëndshëm në Burgje, ka rregjistruar Procedimin Penal Nr.1642 të vitit 2021 për veprën penale “Shpërdorim i Detyrës” e kryer në bashkëpunim, parashikuar nga nenet 248 e 25 i Kodit Penal.
Shtetasit e ndaluar, në bashkëpunim me njëri tjetrin me veprime aktive konkrete kanë konsumuar elementët e veprës penale të shpërdorimit të detyrës, parashikuar nga neni 248 e 25 i Kodi Penal, duke sjellë për pasojë përfitime të paligjshme për të dënuarit L.H, në lidhje me uljen e dënimit dhe duke administruar në dosjen penale të tij, kartela punësimi të fallsifikuara.
Shërbimi i Kontrollit të Brëndshëm në Burgje, mbetet i përkushtuar në misionin për garantimin e zbatimit të ligjit në sistemin e burgjeve, si dhe goditjen e çdo rasti paligjshmërie.

(f.m/dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet arrestohen dy punonjes burgjesh gani shehu lorenc hajro lulzim kaziu arrestohen dy punonjes burgjesh gani shehu lorenc hajro lulzim kaziu

Sondazh

Poll

MË SHUMË