Bota

‘I dhunshëm, manipulues dhe kërcënues’, dëshmi tronditëse mbi vrasësin e 31-vjeçares në Greqi, flet nëna e

23 Shtator 2021, 14:38 Nga DOSJA
‘I dhunshëm, manipulues dhe kërcënues’, dëshmi

GREQI-Pas kësaj buzëqeshje në fotografinë e vetme të çifti fshihej drama që mësuesja 31-vjeçare përjetoi në Rodos gjatë periudhës që ishte lidhur me të. Ky imazh ishte i vetmi që autori 40-vjeçari vrarës dhe viktima kishin postuar në rrjetet sociale, duke treguar çiftin të përqafuar dhe të lumtur.

Në fakt, sipas nënës së Dorës, e cila foli për protothemën, autori, i cili ishte divorcuar me një fëmijë, kishte shkruar në mënyrë karakteristike mbi foton “Jeta ime”.

“Atij nuk i pëlqente që vajza ime të ngarkonte fotografi në rrjetet sociale, ai ia kishte ndaluar asaj. Fëmija im e respektoi atë. Ai postoi një fotografi të vetme në mediat sociale kur vajza ime i tha se po largohej dhe kur vajza ime u largua, ajo e bllokoi atë. Është e vetmja fotografi që ai ngarkoi dhe shkroi “Jeta ime”. “Ai e hodhi atë sepse e dinte që po e humbiste vajzën time,” thotë nëna e saj.

Gjatë intervistës së saj ajo u shpreh se në momentin e parë që e njohu ata kërkuar të liheshin vetëm për tu njohur më mirë dhe ajo e respektoi vendimin e çiftit.

“Sapo e takova, ata donin të liheshin vetëm për t’u njohur më mirë dhe unë e respektova këtë. Një herë, ai më ishte ankuar se vajza ime donte të largohej dhe se unë duhet ta inkurajoja që të qëndronte në shtëpinë e saj, sikur të ishte e martuar ndërsa ata sapo ishin njohur. I thashë, krevati i saj është këtu, nëse dëshiron të qëndrojë me ty le të qëndrojë. Nëse ajo nuk dëshiron, unë jam duke e pritur atë.”- u shpreh nëna e saj.

Në të njëjtën kohë, një person nga mjedisi miqësor i Doras flet për protothema.gr për momentet e këqija që shoqja e saj e dashur po përjetonte.

“Dora nuk ishte mirë, ai po e ndrydhte atë në shumë gjëra. Ai ishte shumë xheloz për të, i fshiu të gjitha fotot në facebook, nuk e la të ketë kontakte me prindërit e saj sepse kishte frikë se ajo do të ndikohej nga njerëzit e saj që i thonin: vajza ime, nëse je duke mos kaluar mirë me të, ndaje dhe kthehu në shtëpinë tënde, siç bëri Dora kur kuptoi se ky burrë ishte nevrik. Ai nuk e kishte rrahur por vazhdonte të thoshte se gruaja duhet të rrinte në shtëpi dhe ai po i bënte presion Dorës. Ajo nuk mund ta duronte më dhe i kërkoi që të ndahej prej tij. Nga vera e tutje, pasi u ndanë, Dora e kishte parë shumë herë duke e ruajtur jashtë shtëpisë së prindërve të saj dhe kjo e kishte tmerruar pak. Ajo kishte frikë kohët e fundit dhe për fat të keq frika e saj u konfirmua ”.-thotë mikesha e saj.

Të dhunshëm, manipulues dhe kërcënues e ka cilësuar viktima ish-partnerin dhe vrasësin e saj në denoncimin e bërë në polici pas ndarjes me të. Ajo ju drejtua Gjykatës së Drejtësisë, duke ngritur padi kundër 40-vjeçarit në mënyrë që të linte atë dhe fëmijët e saj të qetë. Sipas avokatit të zonjës, Vassilis Beu, padia e parë kishte të bënte me përdorimin e dhunës dhe kërcënimeve, ndërsa e dyta kishte të bënte me shkeljen e të dhënave personale.

“Sipas klientes sime, ai ishte manipulues, i dhunshëm, kërcënues dhe në përgjithësi kishte sjellje kriminale. Gruaja arriti deri aty sa ngriti dy padi kundër tij. Padia e dytë kishte arritur në pikën e shqyrtimit paraprak. Gruaja, e cila ishte nënë e tre djemve të mitur, ishte divorcuar nga ish-burri i saj dhe kishte një lidhje me vrasësin vetëm katër muaj para se të ekzekutohej nga ai. Padia e parë ishte për dhunë dhe kërcënime dhe e dyta ishte për shkelje të të dhënave personale dhe në mënyrë specifike e kërcënoi atë në prani të personave të tjerë, se ai do të ngarkonte fotografi personale në internet dhe fëmijët e saj do t’i shikonin ato. Kështu që ju e kuptoni, çfarë përjetoi kjo grua pranë këtij burri dhe ata ishin së bashku për vetëm 4 muaj, “- tha avokatja.

Vrasja brutale ndodhi ditën e djeshme, ku ish-partneri po priste Dorën në makinë dhe sapo kjo e fundit u fut brenda ai e qëlloi menjëherë. Pasi qëlloi 31-vjeçaren vrau veten në banesë. Mësohet se viktima kishte kërkuar që të ndahej por mesa duket kërkesa nuk është pritur mirë. E gjithë ngjarja ndodhi para syve të shumë dëshmitarëve, të cilët njoftuan menjëherë Policinë. Në vendin e ngjarjes u gjetën dy fishekë nga arma e gjahut, ndërsa trupi i 31-vjeçares, e cila është identifikuar thjesht si Dora, është dërguar në morg për autopsinë.

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

rajoni rajoni vassilis beu vrasje ne rodos vritet mesuesja 31-vjecare ne greqi vassilis beu vrasje ne rodos vritet mesuesja 31-vjecare ne greqi

Sondazh

Poll

MË SHUMË