Bota

ShBA lëshoi raketa me dron pranë aeroportit, pamjet e shkatërrimit në vendin ku mbetën 9 civilë të vrarë

30 Gusht 2021, 10:48 Nga DOSJA
ShBA lëshoi raketa me dron pranë aeroportit, pamjet e

AFGANISTAN– Ushtria amerikane ka nisur hetimet pasi të paktën nëntë civilë afganë u vranë në sulmin e dronit amerikan të së dielës i cili kishte për qëllim parandalimin e një sulmi në aeroportin e Kabulit.

Ushtria thotë se sulmi kishte në shënjestër një automjet që mbante të paktën një person të lidhur me degën afgane të grupit Shteti Islamik, ISIS-K.

Sekretari i BBC, Secunder Kermani, i cili ndodhet në vendin në Kabul, thotë se anëtarët e familjes i thanë atij se 10 nga të afërmit e tyre u vranë, përfshirë gjashtë fëmijë, kur një raketë goditi një makinë që po parkohej në shtëpinë e familjes.

“Ata thonë se nuk kanë asnjë lidhje me IS dhe inteligjenca ishte e gabuar. Në fakt ata thonë, një numër i të vrarëve kishin punuar më parë me forcat dhe kompanitë ndërkombëtare,” tha Kermani.

Fotografitë e marra nga BBC-ja, tregojnë shkallën e shkatërrimit ku goditi droni. Korrespondenti thotë se disa nga të vrarët ishin rrugës për në aeroport dhe kishin vizat dhe dokumentet e tyre me vete.

Lajmi kryesor/ Sulm me dron nga SHBA ndaj militantit të ISIS-K pranë aeroportit të Kabulit, 9 civilë të vdekur ku mes tyre 6 ishin fëmijë, talebanët dënojnë ndërhyrjen

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota lufta ne afganistan shba sulm me dron lufta ne afganistan shba sulm me dron

Sondazh

Poll

Bota 30 Gusht 2021, 10:38

SHBA– Të paktën një person ka vdekur ndërsa Uragani Ida lëviz në brendësi përgjatë Bregut të Gjirit të Luizianës, thanë zyrtarët të Dielën mbrëma.Pamjet e...

MË SHUMË