Art&Argëtim

Pas koncertit në Prishtinë, Elvana Gjata na ‘befason’, ja ku do ta rishohim

18 Shkurt 2019, 10:14 Nga DOSJA

Pas koncertit në Prishtinë, Elvana Gjata na ‘befason’, ja

Pas një periudhe të gjatë heshtjeje Elvana Gjata është rikthyer fuqishëm. Mbrëmjen e djeshme ajo performoi në një koncert madhështor në Qendrën Kulturore të Klan Kosovës për të festuar 11-vjetorin e Pavarësisë së Kosovës.

Ashtu siç pritej ajo ndezi zemrat e publikut me performancën e saj. Përveç pjesëmarrjes në koncertin madhështor është përfolur për një projekt krejtësisht të ri të sajin. Tashmë do e shikojmë edhe si aktore në një komedi.

Në një intervistë për Prive ajo nuk i shpëtoi pyetjes për rolin e saj të ri në filmin “Dy gisht mjaltë”. Moderatori Alaudin Ahmiti i drejtoi pyetjen se si i dukej vetja si aktore.

Ajo foli me pasion për këtë pjesë duke treguar që aktrimi, sidomos pjesa e komedisë i përshtatej më së miri karakterit të saj.

“E dua shumë, ndihem shumë e lirshme, kur vjen puna për komedi shkrihem fare”, u shpreh ajo.
Komedia është realizuar që në muajin gusht. Në këtë film do të shikojmë një Elvanë sa komediane aq edhe romantike.

Gjithashtu pyetjes “Nëse është e thjeshtë apo e vështirë të jesh Elvana?”, ajo i është përgjigjur me bindjen se kur diçka e do me gjithë shpirt dhe punon fort për të, nuk është fare e vështirë.

“E thjeshtë sepse kur e do një gjë me gjithë shpirt dhe nuk bën dot pa të është shumë e thjeshtë”- u shpreh Elvana.

Padyshim publiku do të jetë entuziast për këtë prurje të re të Elvanës. Ajo ka ditur t’i fitojë zemrat e njerëzve me zërin e saj, të shohim a do e fitojë mbështetjen edhe në aktrim.

(R.L/Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

showbiz showbiz elvana gjata elvana gjata ne prishtine rikthimi i elvanes elvana gjata elvana gjata ne prishtine rikthimi i elvanes