TIRANË– Altin Gjoka 32 vjeç dhe Jetmir Marashi, 28 vjeç kanë mbetur të plagosur me armë zjarri mbrëmjen e sotme. Ngjarja e rëndë mësohet të ketë ndodhur në një lokalet me në zë të zonës së njohusi ish-Tregu Elektrit, pranë rrugës “Todi Shkurti”.
Fillimisht mësohet se të rinjtë kanë debatuar me njëri-tjetrin jashtë lokalit. Ata kanë qenë duke udhëtuar në mjete të ndryshme dhe janë përplasur për shkak të pakujdesisë. Ata kanë nisur të konfliktoheshin verbalisht për përgjegjësinë e atij aksidenti, por më pas të gjithë personat që ndodheshin në makina, mes tyre dhe të plagosurit Gjoka e Marashi, janë futur në lokalin aty pranë që kishte kamera sigurie dhe mund të kishte regjistruar ngjarjen.
Ata kanë kërkuar të shohin pamjet, por situata ka agravuar në përdorimin e armëve të zjarrit. Për pasojë, dy të rinjtë, Altin Gjoka dhe Jetmir Marashi kanë mbetur të plagosur. Ata ndodhen në Spitalin e Traumës dhe njëri prej tyre mësohet se është në gjendje të rëndë për jetën. Gjoka ka marrë një plumb në shpatull, ndërsa Jetmir Marashi 28 vjeç, ka një plagë tejshpuese në gjoks. Ky i fundit po bëhet gati për tu futur në sallën e operacionit, pasi ndodhet në gjendje më të rëndë për jetën se shoku i tij.
Nga spitali, ata kanë rrëfyer se Aldo Iamandi Gjini është personi që i ka qëlluar me armë zjarri dhe i ka lënë të plagosur. Të plagosurit kanë treguar se kanë qenë duke pirë kafe dhe se Gjini i ka sulmuar. Ndërkohë, deri më tani, mësohet se është shoqëruar një person në komisariat, pasi dyshohet se mund të ketë dijeni për vendndodhjen e autorit.
Autori, Aldo Iamandi (Imeldi) Gjini, 31-vjeç, rezulton të jetë një nga personat më të kërkuar në Europë nga Europol. Në faqen zyrtare të “Europe’s most wanted fugitive” është vënë fotoja e Gjinit me identitetin Aldo Iamandi. Sipas të dhënave të publikuara në këtë faqe, autori i plagosjes së dyfishtë është shpallur në kërkim për vrasje në tentativë nga autoritetet europianë, pasi më 24 nëntor të vitit 2020 ka plagosur një person në Remich të Luksemburgut. Më 11 Shkurt 2021 u lëshua urdhër-arresti ndërkombëtar për të dhe prej atëhere ai ka qenë në kërkim. Mbetet mister mënyra se si është futur në Shqipëri. Aldo Gjini është arrestuar dhe në Itali, dy herë, në vitin 2011 dhe në vitin 2016.
(f.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Aldo Iamandi (Imeldi) Gjini, 31-vjeçari që plagosi dy të rinjtë, Altin Gjoka dhe Jetmir Marashi, mbrëmjen e sotme në Tiranë, rezulton të jet...
TIRANË– Disa nga zonat e Tiranës nesër do të jenë pa drita.OSHEE ka bërë të ditur se për shkak të punimeve në terren, rruga e vjetër Vorë-Rinas, Doga...
TIRANË– Policia e Tiranës ka konfirmuar emrin e autorit të shpallur në kërkim për plagosjen e dyfishtë që ndodhi mbrëmjen e sotme në kryeqytet. Edhe pse fi...
TIRANË– Altin Gjoka dhe Jetmir Marashi, dy personat që mbetën të plagosur me armë zjarri mbrëmjen e sotme kanë shënjestruar si autor një person të identifi...
TIRANË- Dosja.al ka mësuar identitetet e personave që mbetën të plagosur me armë zjarri mbrëmjen e sotme. Mësohet se ata janë Altin Gjoka 32 vjeç dh...
TIRANË– Policia e Tiranës ka publikuar njoftimin zyrtar në lidhje me plagosjen e dyfishtë që ndodhi mbrëmjen e sotme në Tiranë. Në njoftim thuhet se të pla...
TIRANË– Dosja.al ju sjell pamjet e para nga vendi ku ka ndodhur plagosja e dyfishtë me armë zjarri në Tiranë. Në vendin e ngjarjes dallohet patrulla ...
SHQIPËRI– I nxehti afrikan do të vijë sërish të sundojë Shqipërinë, njësoj si pak javë më parë. Fenomeni “liqeni i ftohtë” që goditi javën e kaluar e...