Bota

Kurti pas vizitës në Festivalin e Kanës: Kosova është forcë ndërkombëtare në kinematografi, nuk ka njëri që nuk e nje

18 Korrik 2021, 10:07 Nga DOSJA
Kurti pas vizitës në Festivalin e Kanës: Kosova është

KOSOVË- Kryeministri i Kosovës Albin Kurti është shprehur se Kosova në kinematografi është një forcë e madhe ndërkombëtare. Pas vizitës në Festivalin e Filmit në Kanë, në një postim në Facebook, ai shkroi se të njerzit, dhe personalitetet e artit që takoi kishin dëgjuar për Kosovën. Më tej, Kurti vuri theksin te dy filmat nga Kosova që u kualifikuan dhe garuan në Festivalin e Kanës, duke shtuar se shumë shtete të tjera nuk arritën dot ta bënin këtë gjë.  Ai gjithashtu shkroi se ka falenderuar të gjithë artistët botëror të cilët kanë ndihmuar artistat dhe filmat nga Kosova.

Postimi i plotë:

Kosova është bërë forcë ndërkombëtare në kinematografi. Nuk e takuam asnjë personalitet arti e kulture që nuk dinte për Kosovën. Samir Karahoda dhe Luàna Bajrami ishin krah për krah në Cannes me artistët më të shquar që erdhën këtu prej anekënd globit. Nga shumë mijëra filma ky Festival përzgjodhi rreth një dyzinë sosh për secilën kategori. Shumica dërrmuese e vendeve të botës nuk u kualifikuan. E Kosova kishte dy filma që u shfaqën dhe garuan. Rëndësia e artit dhe vlerat tona po bëhen bashkë për vetëdijen dhe shqisat e miliona shikuesve të huaj dhe mijëra artistëve të famshëm.

Në kuadër të vizitës dyditore në Cannes takova Jerome Paillard, drejtorin e Marche dú Film të Kanës, tregut më të madh të filmit në botë; Stefan Laudyn, Drejtorin e Festivalit Ndërkombëtar të Varshavës; Nikolaj Nikitin, drejtorin e SOFA – shkolla për avancimin e filmit; Katriel Schorry, nga Fondi i Filmit të Izraelit, dhe Helge Albers, nga Fondi i Filmit të Hamburgut. I falenderova për mbështetjen e filmit dhe artistëve nga Kosova si dhe diskutuam për mundësitë e shtimit të bashkëpunimit.

Po ashtu takova edhe Ministren Franceze të Kulturës, znj. Roselyne Bachelot, me të cilën biseduam për avansimin e prodhimit të përbashkët të filmave, si dhe kryebashkiakun e Cannes, z. David Lisnard. E në fund, ishte kënaqësi të takoj Kryetarin e Jurisë sivjet, regjisorin Spike Lee, si dhe regjisorin italian Paolo Sorentino. Qeveria që e udhëheq do të jetë pranë artistëve tanë dhe do t’i përkrah ata si asnjëherë më parë.

(I.A/dosja.al)

Iftar dhe politikë, a u prek Muaji i Ramazanit nga politikanët?

View Results

rajoni rajoni albin kurti festivali i filmit ne kane albin kurti festivali i filmit ne kane

Sondazh

Poll

Bota 18 Korrik 2021, 09:55

GREQI– Ngjarja tragjike që i mori jetën 26-vjeçares Garyfallia ka tronditur prindërit e saj të cilët ndodhen në një gjendje të rënduar psikologjike pasi ...

MË SHUMË