Sport

“FINALLY”! Gazetat angleze të çliruara pas arritjes në finale, lavdërojnë skuadrën, por harrojnë momentin e p

8 Korrik 2021, 15:17 Nga DOSJA

“FINALLY”! Gazetat angleze të çliruara pas arritjes

ANGLI-55 vjet vuajtje kurrë nuk e kishin ndalur ëndrrën, me futbollin që vazhdon rrugën drejt shtëpisë, ashtu si në këngën e famshme të “3 luanëve”. Anglia, 55 vjet nga finalja e vetme në një kompeticion madhor, për herë të parë në histori mundi të sigurojë finalen e parë të një Europiani. Fitorja ndaj Danimarkës u festua nga shtypi britanik si një clirim, fundi i një pritjeje mbi gjysmë shekulli,por asnjë nga gazetat kryesore nuk përmendi momentin e penalltisë, që në fakt krijoi shumë zhurmë.

Kjo është arsyeja pse midis titujve të zgjedhur nga gazetat përsëritet ndajfolja, Finally, që do të thotë “Më në fund.” Kështu tabloidi Daily Mirror, në faqen e parë ka vendosur futbollistët anglez që festojnë këtë arritje, ndërsa sipër titullit shkruan.
“Harry Kane dhe heronjtë e tij mundën danezët … për t’u barazuar me të pavdekshmit e Anglisë së vitit 1966”. Në përfundim të ndeshjes, “Wembley” u kthye në vullkan nga tifozët e Anglisë dhe tabloidi The Sun shkruan. “Ndoshta ndjesia më e bukur në botë”. Ndërkohë që Daily Mail shoqëron foton e kapitenit të Anglisë me titullin: Kane ti mund të besosh ndërsa një sintezë emocionale shkruhet mbas titullit.”Një natë me dramë të lartë,

Tre Luanët mbajnë në ekuilibër miliona Britanikë … Kapiteni na hedh në finalen historike të Wembley”.
Gazeta Metro shkruan. “Më në fund jemi në finale”, ndërsa si nëntitull gazeta londineze spcifikon. “tre luanët arrijnë një finale epike, luajnë kundër Italisë të dielën”.

Sipas The Independent kjo arritje tashmë është një “Fabulë Futbolli”, e shpjeguar në nëntitull: “Anglia arrin finalen e saj të parë në 55 vjet falë një fitore kundër Danimarkës”. 11 korriku do të vendosë nëse futbolli do të shkojë në shtëpi, apo të gjitha rrugët do ta çojnë në Romë.

E.Ç (Dosja.al)

Iftar dhe politikë, a u prek Muaji i Ramazanit nga politikanët?

View Results

sport sport anglia euro 2020 anglia euro 2020