TIRANË– Vizita e zv.ndihmës sekretarit për Europën në Departamentin Amerikan të Shtetit, Philip T. Reeker në Tiranë ka trazuar “ujërat e politikës”. Mbërritja e tij në Shqipëri, vetëm pak javë pasi ish-kryeministri Sali Berisha u shpall “non grata” nga DASH ka bërë që çdo lëvizje e tij të shihet me lupë dhe me vetëm një qëllim; a do të ketë një tjetër dhe cili do të jetë?
Për disa orë, Reeker vizitoi kryeministrin Edi Rama, kryedemokratin Lulzim Basha por nuk ndaloi në zyrën e presidentit të vendit Ilir Meta. Lëvizje kjo nuk kaloi pa u komentuar gjatë e gjerë nga të gjithë. Ishte ky një mesazh? Pse nuk u takua me Metën?
Vetë institucioni i presidentit, disa orë më pas, nuk ka pasur asnjë kërkesë nga çdo lloj niveli për takim me Reeker. Ndërsa një zëdhënës i ambasadës amerikane i tha Zërit të Amerikës se “për arsye të ndërtimit të agjendës, këtë herë nuk ishte i mundur një takim me presidentin Meta”. Pra u krijua si një allibi axhenda e ngjeshur e zyrtarit amerikan që do të shkonte më pas në Maqedoninë e Veriut, atje ku pati kohë të takonte kreun e shtetit Stevo Pendarovski.
Por edhe në Shqipëri, Reeker ka qenë shumë i zënë duke zhvilluar një takim të pazakontë për zyrtarët e huaj. Atë me princin e Shqipërisë, Leka Zogun e II. I shoqëruar nga ambasadorja amerikane në Shqipëri, Yuri Kim, zyrtari i DASH ka takuar familjen mbrëtërore shqiptare, duke shënuar një precedentë të pandodhur më parë.
Pamjet e takimit i ka ndarë me krenari vetë princi, pjesë e të cilave ishte dhe e bija e tij e porsalindur, Geraldina II.
“Ditën e djeshme patëm kënaqesinë të prisnin në rezidencën e Familjes Mbretërore ndihmës sekretarin e shtetit në detyrë për çështjet europiane dhe euroaziatike, Ambasadorin Z. Philip T. Reeker, sëbashku me Ambasadoren e Shteteve te Bashkuara të Amerikës, Znj.Yuri Kim. Takimi u zhvillua në një atmosferë tejet miqësore duke reflektuar miqësinë e palëkundur tradicionale të SHBA-s me Shqipërinë. Gjatë bashkëbisedimit me personalitetet amerikane ndihej preokupimi dhe dëshira e madhe për përmirësimin e gjithanshëm të jetës politike, ekonomike dhe sociale të vendit tonë,”-shkruan princ Leka, i cili aktualisht mban një post në administratë.
Pra Reeker ka pasur mjaftueshëm kohë për të takuar princin e Shqipërisë por jo presidentin. Personin më të pushtetshëm në vend, në një vend që është republikë parlamentare. Kushtetuta e Shqipërisë përkufizon Shqipërinë si republikë parlamentare, shtet unitar e të pandashëm, si dhe me qeverisje të bazuar “në një sistem zgjedhjesh të lira, të barabarta, të përgjithshme e periodike”. Jo monarki dhe as monarki parlamentare. Regjimi i mbretit Zogu i I përfundoi pa nisur mirë, madje vendi kaloi edhe thuajse gjysmë shekulli në diktaturë.
Pse vallë ka zgjedhur të vizitojë Princin? Cili është qëllimi? A do të kthehet ky takim në një precedent për të ftuar të tjerë në Shqipëri? Është kjo një ngatërresë apo është anashkaluar Meta me vetëdije?
(k.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Ish-kryeministri Sali Berisha ka uruar Shtetet e Bashkuara të Amerikës për Ditën e Pavarësisë. Në një postim të ndarë në ‘Facebook’, Be...
TIRANË– Partia Demokratike kërkon arrestimin e kryetarit të Bashkisë Tiranë, Erion Veliaj, pas vendimit të Gjykatës Kushtetuese që pezulloi ndërtimin e Tea...
TIRANË– Kryeministri Edi Rama, feston ditën e sotme 57-vjetorin e lindjes, ndërsa kanë qenë të shumta urimet ndaj tij.Në foton e postuar në ‘Facebook’, ku ...
TIRANE- Kryetari i Partisë Demokratike, Lulzim Basha ka zgjedhur të urojë SHBA-të në 245-vjetorin e Pavarësisë me një pasazh të marrë nga Deklarata e Pavarësisë...
TIRANE– Ambasada Amerikane në Shqipëri ka publikuar fotot nga ceremonia pritëse në rezidencën e SHBA-ve, ku kanë qenë të ftuar krerët kryesorë të politikë...
TIRANË- Presidenti i Republikës, Ilir Meta ka preferuar që ditëlindjen e 245-të të SHBA-ve, t’ja urojë drejtpërdrejtë presidentit Joe Biden. Në një postim ...
SHBA– Amerika feston sot “4 korrikun”, ose e njohur ndryshe si Dita e Pavarësisë. Në vitin 1776, delegatët nga 13 kolonitë e Shteteve të Bashkuara miratuan ‘Dek...
TIRANË- Ambasada Amerikane në Shqipëri feston sot ditëlindjen e 245 të SHBA-ve, në ditën e tyre të pavarësisë. Në një postim në rrjetet sociale, Ambasada k...
TIRANË– Kryeministi Edi Rama, feston sot ditën e tij të lindjes, ku mbush 57 vjeç. Kreu i qeverisë lindi në 4 korrik në Tiranë të vitit 1964.Ditëlin...
TIRANË– Kryeministri Edi Rama ka ndarë momentet më picante të javës me ndjekësit e tij në rrjetet sociale.Me mbishkrimin “Foot albumi i javës”, Rama ...