Aktualitet

Iu gjetën 990 tableta ekstazi, arrestohet 24-vjeçari në Shkodër që u shiste drogë nxënësve (Emri)

28 Maj 2019, 08:17 Nga DOSJA
Iu gjetën 990 tableta ekstazi, arrestohet 24-vjeçari në

SHKODËR– 990 tableta ekstazi janë sekuestruar nga policia e Shkodrës, e cila vuri në pranga një 24-vjeçar si poseduesin e tyre.

Mësohet se i arrestuari Marketin Koca, shpërndante tableta ekstazi në shkollat e mesme dhe në Universitetet në Shkodër, në këmbim të vlerave monetare.

24-vjeçari ndiqej dhe hetohej prej 3 muajsh, deri në momentin që u zbulua aktiviteti i tij kriminal.

Në momentin e arrestimit, policia i gjeti Kocës 310 copë tableta ekstazi, të cilat po i shpërndante.

Pas kontrollit në banesën e tij, u gjetën dhe u sekuestruan edhe 11 qese farmaceutike me një total prej 680 copë tableta, të dyshuara si lëndë narkotike të llojit “ekstazi”.

Në total u sekuestruan 990 tableta Ekstazi dhe 24-vjeçari i arrestuar akuzohet për veprën penale “Prodhimi dhe shitja e narkotikëve”.

Shkodër

Goditet një tjetër rast i veprimtarisë kriminale në fushën e narkotikëve, në afërsi të shkollave dhe Universitetit.

Finalizohet operacioni policor i koduar “Pedonalja”, ndjekur me metoda speciale të hetimit.

Operacioni nga Seksioni për Hetimin e Narkotikëve në DVP Shkodër, në bashkëpunim me Prokurorinë e Shkodrës dhe Komisariatin e Policisë Shkodër.

Sekuestrohen 990 tableta me lëndë narkotike të dyshuar “Ekstazi”

Në pranga poseduesi i lëndës narkotike.

Specialistët për Hetimin e Narkotikëve në DVP Shkodër në vijim të punës për parandalimin, gjurmimin, zbulimin dhe goditjen e veprimtarisë kriminale në fushën e shpërndarjes së narkotikëve, si dhe bazuar në informacionet e mara në rrugë operative se një shtetas shpërndante lëndë narkotike Ekstazi në afërsi të shkollave të mesme dhe Universitetit, referuan materialet në Prokurori, ku dhe u regjistrua procedimi penal për goditjen e kësaj veprimtarie kriminale.

Bazuar mbi provat e grumbulluara gjatë hetimit 3 – mujor me metoda speciale, si rezultat i të cilave rezultoi se 24 – vjeçari kishte aktivitet kriminal në drejtim të shitjes dhe prodhimit të narkotikëve, Strukturat e Seksionit për Hetimin e Trafiqeve të Narkotikëve, në bashkëpunim me Komisariatin e Policisë Shkodër dhe Prokurorinë e Rrethit Gjyqësor Shkodër, zhvilluan dhe finalizuan me sukses  operacionin policor “Pedonalja”.

Si rezultat i operacionit, në lagjen “Kongresi i Përmetit” Shkodër, u bë kapja dhe ndalimi i shtetasit M. K., 24 vjeç, banues në Shkodër, ku gjatë kontrollit Policia i gjeti një sasi prej 310 copë tableta të dyshuara si lëndë narkotike “ekstazi”, të cilat po i shpërndante.

Në vijim të kontrollit, në një banesë që ky shtetas e mbante me qera, Policia gjeti edhe 11 qese farmaceutike me një total prej 680 copë tableta, të dyshuara si lëndë narkotike të llojit “ekstazi”.

Gjatë operacionit u gjetën dhe u sekuestruan gjithsej 990 tableta lëndë narkotike e dyshuar e llojit “Ekstazi”.

Materialet proceduriale do t’i kalojnë Prokurorisë Pranë Gjykatës së Shkallës së Parë Shkodër, për veprën penale “Prodhimi dhe shitja e narkotikëve”.

(f.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet arrestohet 24 vjecari marketin koca shkoder tableta ekstazi arrestohet 24 vjecari marketin koca shkoder tableta ekstazi

Sondazh

Poll

MË SHUMË