Politike

Yuri Kim ‘dush’ të ftohtë KLGJ, KLP dhe ILD: Le të mos shtiremi dhe ta bëjmë Reformën në Drejtësi reale! Jemi në Sh

23 Qershor 2021, 08:47 Nga DOSJA
Yuri Kim ‘dush’ të ftohtë KLGJ, KLP dhe ILD: Le të

TIRANË- Ambasadorja amerikane në Shqipëri, Yuri Kim iu ka kërkuar sot institucioneve të reja të drejtësisë, KLGJ, KLP dhe ILD që të mos “shtiren” dhe të vazhdojnë punën për të garantuar suksesin e Reformës në Drejtësi. Teksa mbajti një fjalë të shkurtër në një konferencë të organizuar nga Komiteti shqiptar i Helsinkit për monitorimin e punës së Këshillit të Lartë të Prokurorisë (KLP) dhe gjyqësorit (KLGJ) përgjatë një viti, Kim ishte e prerë.

Ambasadorja ishte e ashpër me përfaqësuesit e institucioneve, kur me tone gati-gati kërcënuese tha se “Nëse ju nuk jeni gati të paguani kostot, atëherë brezat e ardhshëm do t’i paguajnë dhe kjo gjë nuk mund të ndodhë në një vend aleat me SHBA”.


PJESË NGA FJALA E YURI KIM:

Ne po ecim përpara e po shikojmë hap as hapi, ndonjëherë hapat janë të vështirë të dhimbshëm të bllokuar por na duhet të lëvizim përpara. SHBA janë të angazhuara për të pnuar me ju që reforma të ecë përpara. S’duhet të druhemi ku jemi, të jemi të sinqertë e të guximshëm për të parë cfarë duhet të bëjmë më mirë, të gjejmë mënyrën si të vijojmë të ecim përpara. Klasa e parë e hetuesve të Byrosë hetuese do përfundojë trajnimin së shpejti. Ka dhe shumë gjyqtarë e prokurorë që janë larguar nga detyra e kjo është gjë e mirë. Ne duhet të shohim që nëse jemi serioz për kapjen e momentit ku është Shqipëra, për reagimin ndaj kërkesave të popullit shqiprtar, për të pasur një Shqipëri më të mirë e të denjë si anëtare e BE më të sigurt e po aq të begatë sa cdo anëtare tjetër atëherë reforma duhet të vazhdojë. Të ndalojmë së shtiruri e ta bëjmë reformën reale. E kuptoj që puna e gjyqtarëve nuk është e lehtë, por është e rëndësishme. Nuk mund t’ia lejojmë vetes të mos kemi sukses në këtë reformë. Së pari, KLD duhet të plotësojë detyrën e tij për të pasur një SPAK me gjyqtarë që kanë kaluar Vettingun. Nuk ka dyshim që plotësimi i vendeve bosh, të shkaktuara nga Vettingu ka qenë alarmuese. Por, KLD ka mundësinë për të rikthyer procesin ne shtegun e duhur. Këshilli duhet të veprojë tani për të bërë një vlerësim të sistemit, duke bërë hartësimin gjyqësor dhe duke iu kërkuar llogari magjistratëve.

Këshilli duhet të themelojë e caktojë mirë standardet, me qëllim që t’iu kërkojë llogari magjistratëve. Këshilli duhet të ndjekë rregullat e procedurat, në kohën e përcaktuar nga ligji. KLGJ e KLP kanë shumë punë përpara, por nuk janë vetëm. Ne e kuptojmë që ata janë qenie njerëzore. Ne e kuptojmë trysnin, ndoshta jo aq mirë sa ju, por e kuptojmë po aq sa ju rëndësinë e të ecurit përpara.

Dua të theksoj si KLD dhe KLP kanë mjaft pune përpara por nuk jeni vetëm. Edhe ju jeni qenie njerezore e kuptojmë trysninë ndoshta jo aq mirë sa ju por kuptojmë rëndësinë e ecjes përpara të reformës në drejtësi për të mirën e këtij shteti. Ky është momenti. Keni rol kritik për institucionet e drejtësisë e për të ardhmen.

Fëmijët e brezi i ardhshëm i ka sytë te ju. Askush nuk mendon se kjo është e kollajtë. e di që ka kosto vetjake e profesionale, por është kosto e sakrificë që ia vlen se është në të mirë të tërë shtetit shqiptar. Nëse ju nuk paguani kostot, nëse s’jeni të gatshëm të jeni të guximshëm të paguani kostot, jo vetëm ju por të tërë ne, nëse nuk e bëjmë, brezat e ardhshëm do paguajnë kostot e nuk mendoj që kjo është gjëja e duhur për tu bërë në këtë shtet, mik me SHBA.

Ambasadorja amerikane Yuri Kim ka shprehur prej javësh pakënaqësi për procesin e Reformës në Drejtësi. Kim deklaroi dje se proceset e Vettingut duhet të vazhdojnë pa frikë, një thirrje indirekte për Komisionerin Publik pas ankimimit të ONM për kalimin e Vettingut për Elizabeta Imerajn. Kim i kërkoi edhe mediave një mbulim të procesit, duke ngritur pyetjen se kujt po i shërbejnë nëse jo interesit publik. 

(f.g/dosja.al)

Iftar dhe politikë, a u prek Muaji i Ramazanit nga politikanët?

View Results

politike politike reforma ne drejtesi yuri kim reforma ne drejtesi yuri kim

Sondazh

Poll

MË SHUMË