Bota

11 ditë nga gjetja e trupit/ Autoritetet në Podgoricë: Ende nuk e dimë si u vra shefi i anti-drogës Rudolf Elezovic

19 Qershor 2021, 10:14 Nga DOSJA
11 ditë nga gjetja e trupit/ Autoritetet në Podgoricë: Ende nuk e

PODGORICË– Edhe pse kanë kaluar 11 ditë, nga gjetja e trupit të tij, autoritetet në Podgoricë nuk kanë ende një raport zyrtar të autopsisë që të tregojë shkakun e vdekjes së oficerit të policisë Rudolf Elezovic. Trupi i pajetë i këtij të fundit u gjet në orët e vona të mbrëmjes së 8 qershorit, në lumin Bojana në Sveti Djordje afër Ulqinit.

Familja e raportoi zhdukjen e Elezoviç më 27 maj, dhe pas disa ditësh kërkimi, oficerët nga sektori i policisë kufitare gjetën trupin e tij në Bojana, pranë Kanalit Shaski.

Zëdhënësja e Prokurorisë së Lartë të Shtetit në Podgoricë, Lepa Medenica, i tha “Vijesti” se çështja është në fazën e zbulimit dhe se një numër “masash dhe veprimesh të nevojshme për të përcaktuar rrethanat e ngjarjes” janë marrë.

“Është lëshuar një urdhër për autopsinë e trupit, dhe raporti i autopsisë nuk është dorëzuar në këtë prokurori. Në rrjedhën e mëtejshme të procedurës, do të merren masa dhe veprime të tjera për të cilat ka nevojë, të gjitha me qëllim të sqarimit të rrethanave nën të cilat ka ndodhur vdekja e Elezovic,” thuhet në përgjigjen e Medenica-s.

Si dhe në çfarë rrethanash ndodhi vdekja e Elezoviç do të jetë më e qartë kur raporti i autopsisë dorëzohet në prokurori.

(a.b)/dosja.al

Iftar dhe politikë, a u prek Muaji i Ramazanit nga politikanët?

View Results

diaspora diaspora rudolf elezovic rudolf elezovic

Sondazh

Poll

MË SHUMË