TIRANË– Presidenti Ilir Meta ka kërkuar nga Kontrolli i Lartë i Shtetit që të bëjë auditimin e plotë të shoqërisë “Albcontrol”. Në një njoftim zyrtar nga Presidenca, kreu i shtetit e ka cilësuar situatën si tepër të rëndë, ndaj edhe kërkon të dijë si janë menaxhuar financat e “Albcontrol”. Ndërkohë që shton se po ndjek nga afër dhe me vëmendje të gjitha zhvillimet e situatës, duke kërkuar marrjen e masave për të rifilluar pa vonesë funksionimin e monitorimit ajror dhe të shërbimeve aeroportuale.
“Presidenti i Republikës u bën thirrje për reflektim të gjithë aktorëve të përfshirë dhe është i gatshëm në çdo moment të thërrasë urgjent një tryezë për një zgjidhje sa më të shpejtë dhe të arsyeshme,”-shkruhet ndër të tjera në njoftimin zyrtar.
NJOFTIMI I PLOTË:
Presidenti Meta i kërkon Kontrollit të Lartë të Shtetit nisjen e auditimit të plotë në shoqërinë “Albcontrol”
8 prill 2021
Nisur nga situata tepër e rëndë e krijuar dhe veçanërisht rolit, që ka “Albcontrol” për administrimin dhe kontrollin e hapësirës ajrore të Republikës së Shqipërisë, e lidhur direkt me sigurinë kombëtare të vendit dhe me garantimin e shërbimeve për udhëtarët dhe qytetarët shqiptarë, Presidenti i Republikës, SH.T.Z. Ilir Meta, i është drejtuar sot zyrtarisht Kontrollit të Lartë të Shtetit, duke i kërkuar të fillojë pa vonesë një auditim të plotë në shoqërinë “Albcontrol” mbi:
– mënyrën e menaxhimit të kësaj shoqërie;
– respektimin e dispozitave ligjore në vendimmarrjet e organeve drejtuese;
– përdorimin e fondeve publike;
– respektimin e procedurave në marrëdhëniet e punës, si dhe
– çdo aspekt tjetër që paraqet rrezik për veprimtarinë e sigurt dhe funksionimin normal të “Albcontrol”.
Presidenti Meta po ndjek nga afër dhe me vëmendje zhvillimet lidhur me menaxhimin e situatës në “Abcontrol” dhe në aeroportin “Nënë Tereza”, dhe i kërkon autoriteteve respektive të marrin të gjitha masat, për të mos vënë në rrezik sigurinë e hapësirës ajrore në Republikën e Shqipërisë, për të rifilluar pa vonesë funksionimin e monitorimit ajror dhe të shërbimeve aeroportuale, duke respektuar të drejtat dhe detyrimet reciproke, pa tejkaluar në mënyrë shproporcionale me reagimin e tyre, përgjegjësitë ligjore mbi këtë rast. Presidenti i Republikës u bën thirrje për reflektim të gjithë aktorëve të përfshirë dhe është i gatshëm në çdo moment të thërrasë urgjent një tryezë për një zgjidhje sa më të shpejtë dhe të arsyeshme.
(k.m;f.g//dosja.al)
Rama është propozuar për president nga disa deputetë socialiste, mendoni se:
TIRANË– Ministrja e Infrastrukturës dhe Energjitikës, Belinda Balluku ka dhënë lajmin se nga nesër në mëngjes do të rinisin fluturimet komerciale në Shqipë...
TIRANË– Ministrja e Infrastrukturës dhe Energjitikës, Belinda Balluku ka bërë me dije se sot në aeroportin e Rinasit do të mbërrijnë vaksinat e kompanisë “...
BELSH– Kreu i Partisë Demokratike, Lulzim Basha, ka vizituar një fabrikë të përpunimit të ullirit në qytetin e Belshit. Pronari i fabrikës, Besim Leka, th...
TIRANË– Kryeministri Edi Rama është larguar nga emsioni ‘Log’, si nga asnjë emision më parë. Teksa gazetari Endri Xhafo donte të fuste një bllok publicitar...
TIRANË– Kryeministri Edi Rama komentoi ditën e sotme nga Dropulli protestën që zhvilluan punonjësit e aeroportit të Rinasit. Kreu i qeverisë tha që ata jan...
GJIROKASTËR– Kryeministri Edi Rama tha ditën e sotme në Dropull se nga bllokimi i aeroportit të Rinasit nuk është bërë e mundur ardhja e vaksinave. Ai tha ...
GJIROKASTËR– Kryeministri Edi Rama tha ditën e sotme, se një qytetar i kishte dërguar mesazh pas anulimit të fluturimeve në aeroportin e Rinasit.Rama tha s...
TIRANË– Qeveria ka nisur përpjekjet për zëvendësuar kontrollorët e aeroportit të Rinasit, kur kanë kaluar më shumë se 24 orë që nga pezullimi i flutu...
GJIROKASTËR– Kryeministri Edi Rama u prit me llokume nga dy vajza të veshura me veshjet tradicionale të Dropullit. ‘Efcharisto’ ishte falenderimi që Rama i...
GJIROKASTËR- Kryeministri Edi Rama u prit me llokume ditën e sotme në Dropull. Në nisje të fjalës së tij, Rama tha se është shumë i kënaqur që rikthehet në...