Bota

Bilanci në botë/ Brenda 24 orëve të fundit janë shënuar mbi 119 mln të infektuar me Covid-19 dhe mbi 2 mln njerëz kanë

12 Mars 2021, 07:12 Nga DOSJA
Bilanci në botë/ Brenda 24 orëve të fundit janë

BOTË-Shifra e të infektuarve në gjithë botën ka shkuar mbi 119 milionë. Ndërkohë, që kanë ndërruar jetë mbi 2 milionë njerëz janë shëruar mbi 94 milionë.

Shtetet e Bashkuara renditen të parat me numrin më të lartë të infektimeve, ku gjatë 24 orëve të fundit janë shënuar 62,773 persona të infektuar, duke çuar numrin në total mbi 29 milionë. Ndërsa kanë ndërruar jetë 1,531 pacientë dhe numri në total është 543,721 njerëz.

Vendet e Evropës, vazhdojnë të shënojnë shifra të larta infeksioni. Franca ka regjistruar gjatë orëve të fundit mbi 37 milionë të infektuar, duke e çuar shifrën në total mbi 3 milionë. Ndërsa, kanë ndërruar jetë mbi 265 persona dhe shifra në total është 89,830 pacientë.

Brazili ka regjistruar sërish mbi 2,000 vdekje në ditë. Spitalet në qytetet kryesore të Brazilit po arrijnë kapacitetin, paralajmëruan zyrtarët e shëndetësisë. Vendi regjistroi numrin më të lartë të vdekjeve me Covid-19 në botë gjatë javës së kaluar, duke shkaktuar kufizime më të rrepta në vendet e tij më të populluar.

Qeveria e Portugalisë njoftoi se do të fillojë të lehtësojë gradualisht rregullat e saj të rrepta nga java e ardhshme, gati dy muaj pas izolimit të vendosur.

Australia do të vazhdojë të shpërndajë vaksinën AstraZeneca, pasi nuk ka asnjë provë që ka shkaktuar mpiksje gjaku, pavarësisht se disa vende evropiane kanë pezulluar përdorimin e saj. Danimarka, Norvegjia dhe Islanda të enjten pezulluan përdorimin e vaksinës AstraZeneca Covid-19 pas raporteve të formimit të mpiksjes së gjakut në disa njerëz që ishin vaksinuar.

Numri i rasteve të konfirmuara me Covid-19 në Francë shkoi mbi katër milion të ditën e sotme, pasi Ministria e Shëndetësisë raportoi 25,229 infektime të reja. Rritja ishte më e ulët sesa 23,507 raste të reja të raportuara të Premten e kaluar dhe çoi numrin e përgjithshëm të infektimeve të konfirmuara që nga fillimi i pandemisë në 4.01 milion.

Zëvendës Ministri i Mbrojtjes Civile dhe Menaxhimit të Krizave, Nikos Hardalias, njoftoi masa të reja në vendin fqinj, pas një sugjerimi përkatës nga Komiteti i Sëmundjeve Infektive. Sipas CNN Greece, Komitetit të Ekspertëve njoftoi se nuk do të lejohet lëvizja ndërmjet zonave, shkollat do të mbyllen për dy javë si dhe dalja do të bëhet vetëm për arsye emergjente ose nevoja bazike. Nga kjo fundjavë, në Atikë dhe Selanik, ndalimi fillon në 19:00 pasdite.

Qeveria italiane ka miratuar rregulloret që mud të çojnë gjysmën e vendit, duke përfshirë zonën e Lazios, rajoni përreth Romës, të hyjë në bllokim të plotë nga e hëna si pasojë e rritjeve të rasteve. Kabineti i kryeministrit Mario Draghi, i ka dhënë dritën jeshile një dekreti që do të kategorizojë rajonet në zonat e kuqe me rrezik të lartë nëse ato kanë mbi 250 raste javore për 100,000 banorë.

Organizata Botërore e Shëndetësisë ka reaguar mbi disa vende që kanë bllokuar vaksinën AstraZeneca, pasi janë konstatuar disa raste të mpikjes së gjakut. Sipas BBC, Margaret Harris një zëdhënëse se OBSH-së ka thënë se ajo është një vaksinë efektive dhe vendet nuk duhet të ndalojë përdorimin e saj nga frika se shkakton efekte anësore. “Vendet nuk duhet të ndalojnë së përdoruri vaksinën AstraZeneca Covid-19 nga frika se shkakton mpiksje të gjakut pasi nuk ka asnjë indikacion se kjo është e vërtetë,”-ka thënë ajo.

(k.a/dosja.al)

1 vit nga zgjedhjet e 25 prillit si e shikoni gjendjen e vendit:

View Results

bota bota covid-19 ne bote koroanvirusi ne bote covid-19 ne bote koroanvirusi ne bote

Sondazh

Poll

MË SHUMË