KOSOVË-i dërguari i Bashkimit Evropian për dialogun, Miroslav Lajcak, ka folur në lidhje me vizitën e tij në Kosovë dhe Serbi, si dhe për ecurin e bisedimeve midis dy vendeve. Sipas Gazeta Express, ai është shprehur se të dyja palët janë të hapura për dialog dhe kjo mund të ndodh pas formimit të institucioneve, pra para verës.
“Unë mendoj se kemi hapësirë të mjaftueshme dhe pres që takimi i parë të zhvillohet në një kohë të arsyeshme – pas formimit të të gjitha institucioneve të nevojshme (në Kosovë) dhe kjo mund të jetë e sigurt para verës,”-ka thënë ai.
Po ashtu, ai është shprehur se dialogu është i rëndësishëm për normalizimin e marrëdhënieve dhe integrimin në Bashkimin Evropian. Ndërsa, në lidhje me faktin nëse dialogu është teknik apo politik, ai është shprehur se është politik.
“Dialogu është absolutisht kyç për normalizimin e marrëdhënieve, për rrugën evropiane, por edhe për atmosferën normale midis Kosovës dhe Serbisë. Është e rëndësishme për mua që askush nga aktorët që takova në Kosovë dhe Serbi nuk pyeti nëse duhej dialog, dhe ky është mesazhi kryesor,”-ka thënë ai.
Lajcak, po ashtu ka thënë se një nga qëllimet kryesore të vizitës së tij ka qenë dhe takimi me kryetarin e Lëvizjes Vetëvendosje Albin Kurti. Ai u shpreh se Kurti nuk ishte i informuar për dialogun, kështu që, siç thotë ai, ishte e rëndësishme për të që t’i jepte informacion të plotë për dialogun. Si përfundim ai tha se Kurti kishte rënë dakord që duhej dialogu.
“Ai është i gatshëm të vijë në Bruksel, të takohet me Presidentin Vuçiq, dhe kjo duhet të ndodhë brenda një kohe të arsyeshme, pas formimit të institucioneve,”-ka thënë Lajçku.
Gjithashtu, Lajçaku ka theksuar se është rënë dakord për disa pjesë të marrëveshjes, si për personat e zhdukur, por dhe për bashkëpunimin ekonomik.
“Ne tashmë kemi rënë dakord për disa pjesë të asaj marrëveshjeje të ardhshme, disa tekste në lidhje me personat e zhdukur, personat e zhvendosur brenda vendit, por edhe në lidhje me bashkëpunimin ekonomik. Nuk ka interpretim të dyfishtë në ato tekste, gjithçka është rënë dakord atje – kush, kur dhe si do të bëjë ajo. Por ne nuk i zbuluam ato tekste sepse ekziston një parim – ne jemi duke negociuar një marrëveshje gjithëpërfshirëse, kështu që asgjë nuk është rënë dakord, derisa gjithçka të jetë rënë dakord. Por, për mua, është shumë e rëndësishme që të mos ketë interpretim të dyfishtë ” , thotë Lajçák.
Më 4 shtator 2020, Kosova dhe Serbia kanë nënshkruar në Shtëpinë e Bardhë në Uashington, dy dokumente për normalizimin e raporteve ekonomike, në prezencë të ish-presidentit amerikan, Donald Trump. Ato u ndërmjetësuan nga i dërguari i atëhershëm i Trumpit për dialogun, Richard Grenell. Pas zgjedhjeve presidenciale në Shtetet e Bashkuara, Prishtina dhe Beogradi janë zotuar se do të vazhdojnë zbatimin e marrëveshjeve, pavarësisht ndryshimit të administratës amerikane.
Dialogu politik ndërmjet Kosovës dhe Serbisë, me ndërmjetësimin e Bashkimit Evropian, ka nisur më 2011. Takimi i fundit ndërmjet krerëve shtetërorë të këtyre vendeve është zhvilluar në shtator të vitit të kaluar. Prej atëherë, nuk është mbajtur takim i nivelit të lartë. Deri në zgjedhjen e Qeverisë së re të Kosovës, Brukseli zyrtar ka paralajmëruar se nuk do të ketë takime në kuadër të dialogut.
(k.a/dosja.al)
1 vit nga zgjedhjet e 25 prillit si e shikoni gjendjen e vendit:
KOSOVË – Guvernatori i Bankës Qendrore të Kosovës, Fehmi Mehmeti, pas takimit me përfaqësuesit e bankave dhe bizneseve, tha se nëse vendi shkon në nj...
EUROPË– Sekretari i përgjithshëm i NATO-s, Jens Stoltenberg, paralajmëroi kundër përpjekjeve “për të ndarë Evropën nga Amerika Veriore” dhe tha se Ba...
ITALI– Qeveria italiane ka bllokuar eksportin e vaksinës së AstraZenecas për në Australi.Përmes këtij vendimi është bllokuar dërgimi i 250.000 dozave të v...
Lindjet në Shtetet e Bashkuara kanë qenë në rënie për gati një dekadë, por viti 2019 ka parë numrin më të vogël të foshnjave të lindura në 35 vjet, tregon një s...
Ministria gjermane e Punëve të Jashtme po zhvillon gjatë tre muajve të parë të vitit një sërë takimesh virtuale dhe fizike me kolegë nga Ballkani Perëndimor. Të...
Zyra e inspektorit të përgjithshëm në Departamentin e Transportit i kërkoi Departamentit të Drejtësisë në fund të vitit 2020 të hapte hetime penale për zonjën E...
Raporti flet për një lidhje ‘dramatike’ mes peshës trupore dhe gjasave për të pasur një infeksion më të rëndë nga COVID-19. Nga 2.5 milionë vdekje prej COVID-19...
Komisioneri i Bashkimit Europian për Punën dhe të Drejtat Sociale, Nicolas Schmit, paralajmëroi për një krizë të mundshme shoqërore pas pandemisë së koronavirus...
GREQI- Tërmeti i sotëm në Greqi me madhësi 5.5 ballë të shkallës rihter e ka shkundur të gjithë vendin. Shumë njerëz në vend kanë dalë nga shtëpitë e tyre duke ...
Rastet me Covid në Evropë janë rritur me 9%. Euronews shkruan se drejtori i Organizatës Botërore të Shëndetësisë në Evropë, Hans Kluge e ka bërë të ditur lajmin...