Politike

U bë pis me bojë, Rama: Programi i opozitës me vizion vezën e Lulit, e çizmen e Doktoreshës

14 Shkurt 2019, 11:32 Nga DOSJA
U bë pis me bojë, Rama: Programi i opozitës me vizion vezën

TIRANE-Kryeministri Edi Rama ka reaguar pas incidentit në Kuvend ku u sulmua me një shiringë me bojë nga nënkryetari i Kuvendit, Edi Paloka.

Në një postim në Instagram, Rama ka publikuar foton e shiringës që është përdorur nga  Paloka dhe shkruan se “Penda e mendimtarit E.Th.Palotha pas një derdhjeje të fuqishme mendimesh mbi rolin e opozitës në zhvillimin e vendit”.

Rama reagoi sërish disa minuta më vonë në rrjetet sociale dhe tha se opozita shqiptare ka si program bojën e “Palothës”.

“Dy gjëra janë të pafundme, universi dhe budallallëku i njeriut”, shkruante Albert Ainshtajni, përpara se sa opozita në Shqipëri të merrte formën e një Budallallëku Universal, që vizion ka Vezën e Lulit, ide ka Çizmen e Doktorreshës dhe program ka Bojën e Palothës.”-shkruajti kryeministri në rrjetet sociale.

Disa orë më vonë, Rama reagoi sërish dhe tha nuk shqetësohet nga boja por nga shpirti i përfaqësuesve të qytetarëve në Parlament.

“Flm për mesazhet e solidaritetit, po s’më shqetëson hiç boja se me bojrat jam rritur e mësua. Më shqetëson mendja e shpirti katran i palopërfaqësuesve të një populli që s’i meriton këta zorzopë. Prandaj jo që s’i hap rrugë budallallëkut, po veç më rritet pasioni e vendosmëria.”-shkroi Rama.

Ditën e sotme, një incident shënoi seancën plenare. Nënkryetari dhe deputeti i PD, Edi Paloka sulmoi me një shiringë me bojë kryeministrin Edi Rama. Seanca u ndërpre dhe Paloka u përjashtua me 10 ditë nga punimet e Kuvendit.

(f.g/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike edi paloka edi rama incidenti ne kuvend seanca plenare 14 shkurt 2019 edi paloka edi rama incidenti ne kuvend seanca plenare 14 shkurt 2019

Sondazh

Poll

MË SHUMË