Aktualitet

PËRGJIMET/ Nuk mjaftojnë 2 mijë euro për doktorin, “sekserja” këshillon vajzën e pacientes: Mbaji lekë 5-she, 10-she

12 Shkurt 2021, 22:17 Nga DOSJA
PËRGJIMET/ Nuk mjaftojnë 2 mijë euro për doktorin,

TIRANË- Zbardhen përgjimet e dosjes hetimore që futi në rrjet mjekun e njohur të QSUT, Edvin Prifti, që tashmë është pezulluar nga detyra.

Në përgjimet që ka siguruar abcnews, është Migena Skënderi, e cila bashkëpunon me   kryeinfiermieren e repartit të djegieve Trëndafile Frangu, në lidhje me operacionin e nënës së Manuela Mallkuçit, kryesekretares gjyqësore në Krujë. Siç thuhet në dosjen e përgjimeve Migena i thotë Manuelës se në mënyrë që Trëndafile Frangu të negocojë me kardio-kirurgun Edvin Prifti, do një shumë parash, ndërsa ky i fundit do 2 mijë euro në dorë, për të futur nënën në operacion.

Nga përgjimet del se edhe Migena është përballur me të njëjtën situatë pasi para disa kohësh ajo ka paguar të njëjtën shumë për operimin e babait të saj.

“Gena kishte operuar babanë e saj para disa kohësh dhe ishte lidhur me shoqen e saj File, e identifikuar si Trëndafile Frangu, kryeinfermiere të reparti djegieve e cila e kishte ndihmuar atë të operonte babanë me kardiokirurgun Edvin Prifti. Gena ka pranuar që t’a ndihmojë Manuelën duke e prezantuar me Filen. 

Siç bën me dije Abcneës, Migena Skënderi më 3 korrik të vitit të kaluar ka marrë nga Manuela Mallkuçi një sasi rreth 500 euro të cilat më pas ia ka dhënë Trëndafile Frangun në QSUT.

Migena i kërkon Manuelës që t’i bëjë gati paratë për t’ia dhënë doktorit në zarf. Në përgjime Manuela i ka thënë që nuk i ka në lekë shqiptare, ndërsa Migena i thotë t’i bëjë gati “2-mijëshe euro në zarf që të mos ketë më probleme”. Por jo vetëm kaq, pasi ajo i thotë që gjatë kohës që e ëma do të qëndojë në spital ajo duhet t’u japë 5 mijë lekëshe ose 20 mijshme personeli shëndetësor.

Pjesë nga përgjimet e zbardhura

Migena: El ngjo nesër

Manuela: Hë hë

Migena: Merr ato rekomandimet sot, nesër me e shtru n’tet e gjysëm mamin a kupto

Manuela: Ëhë me e shtru?

Migena: Po, po me e shtru, me shku të dyja ne shkojm te doktori

Manuela: Po

Migena: Merri t’I kesh me vete (për paratë)

Mignea: Do pysim tak e tak masanej nëpër spital një javë e di vetë ti mo, me pes mijë lekshe me dhjet mijë lekshka me gjona të tjera e di vet

Manuela: Po, po, sido që të jetë flasim bashkë

Migena: Ne motra ime, merri me vete ato nesër që t’i kopsisim kët, t’ia fsuim ktij në zarf se me Fadilin ja kam fut motra jote përpara kohe se

Manuela: Po mirë, pra sa duhen. Sa t’I jap?

Migena: Unë I kam fut dy

Manuela: Dy okej shpirt, mirë, mirë

Migena: Dy mij, a kupto Genën?

Manuela: Dy million, po

Migena: Unë po them I kena pas dhon dy mirë euro ne

Manuela: S’I kam euro unë, I kam kështu lekët tona

Migena: Ne kshtu, ta pys iher atë, po nejse ti merri me vete ato, nji pesqinçe ja japim kësaj, t’tjerat pastaj si t’shkoj spitali

Manuela: Po pra, m’thuj

Migena: S’ke pse me fut mo, a e kupto, ne i vum dy mijë euro atij që ja futëm në zarf

Manuela: Po mirë po i bëj euro. 

Mjeku kardiokirurg, Edvin Prifti u pezullua nga detyra pas operacionit të djeshëm, bashkë me infermieren Frangu, bashkëpunëtore e tij. Operacioni vijoi me kontrolle në banesë dhe në zyrën e tij, ku u gjetën dhe iu sekuestruan 250 mijë euro dhe 160 milion lekë. Sipas avokatit të tij, Henkrik Ligori , paratë e gjetura ishin të ligjshme dhe ishin siguruar nga një shitje e bërë.

(a.k.dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet pezullohet edvin prifti pezullohet edvin prifti

Sondazh

Poll

Aktualitet 12 Shkurt 2021, 21:53

TIRANË– Sherr me teologut Arian Curri dhe analistit Julian Zyla. Në studion e emisionit “Zonë e lirë”, Curri i ka përmendur Zylas, sipas tij një biznes që ...

MË SHUMË