TIRANË– Ministri i ri në detyrë, Bledi Çuçi ka dorëzuar postin në Ministrisë së Bujqësisë Milva Ekonomit. Ai ka ndarë pak minuta më parë disa foto në Facebook prej nga shihen në ambientet e presidencës nën shoqërinë e njëri-tjetrit.
Çuçi shprehet se me Ekonomin ka një miqësi të vjetër si dhe shkruan se kanë punuar dy vite së bashku nën drejtimin e Ministrisë së Bujqësisë dhe Zhvillimit Rural.
Çuçi nuk kursehu as falënderimet për bashkëpunëtorët e tij në Ministrinë e Bujqësisë që punuan për të përmbushur objektiva këto dy vitet e fundit.
POSTIMI I PLOTË:
I dorëzova sot detyrën e Ministrit të Bujqësisë dhe Zhvillimit Rural, zonjës Milva Ekonomi, koleges dhe bashkëpunëtores time të vjetër, me të cilën punuam një vit më parë edhe në hartimin e Raportit të Vlerësimit të Nevojave pas Tërmetit. Jam shumë i kënaqur që këto dy vite në drejtimin e Ministrisë së Bujqësisë dhe Zhvillimit Rural, arritëm të shtojmë mbështetjen për fermerët dhe të ndërmarrim nisma e reforma me impakt të madh në zhvillimin rural. Prej vitit të ardhshëm fermerët do të përfitojnë naftë pa taksa për punimet në bujqësi. Shërbimi Veterinar po riorganizohet pas ndryshimeve ligjore dhe do të shtrihet në të gjithë territorin e vendit, duke iu dhënë mundësi mbi 400 veterinerëve të jenë pjesë e këtij shërbimi kaq shumë të rëndësishëm. Autoriteti Kombëtar i Ushqimit është ka hyrë në një fazë ristrukturimi që natyrisht kërkon kohën e vet. Instituti i Sigurisë Ushqimore dhe Veterinarisë akreditoi gjatë vitit 2020 plot 49 teste të reja analizash nga 53 të tilla që ka pasur deri në vitin 2019. Kjo do të thotë më shumë besueshmeri për operatorët e biznesit ushqimor dhe konsumatorët. Edhe në një vit të vështirë për shkak të pandemisë së Covid 19, bujqësia ishte sektori që performoi më mirë. Tregues domethënës dhe provë e pakundërshtueshme e këtij fakti janë eksportet produkteve bujqësore, me rritje dyshifore. Dhe jo vetëm kaq, por harta e shteteve ku eksportohen produktet tona bujqësore u zgjerua me tregje të reja. Sigurisht që kjo nuk është e rastësishme, por fryt i politikave mbështetëse të qeverisë. Implementimi i Programit IPARD II është gjithashtu një histori suksesi më vete.
Miliona euro të bashkëfinancuara nga BE dhe qeveria shqiptare janë investuar dhe po investohen në sektorin rural dhe agropërpunim, duke hapur vende të reja pune, duke rritur prodhimin dhe konkurrueshmërinë e produkteve tona bujqësore. Përfunduam markatën e peshkimit në Shëngjin, një hapësirë e kompletuar me të gjitha kushtet dhe standardet për peshkatarët dhe tregtarët. Po punohet ndërkohë për markatën e Vlorës e më pas do të hapen kantieret për Durrësin e Sarandën. Shpreh bindjen se ministrja e re, Milva Ekonomi, do të çojë përpara punët në këtë sektor kaq të rëndësishëm për ekonominë shqipare, që kontribuon me mbi 20% në GDP-në e vendit, si dhe do të dijë të adresojë më së miri sfidat me të cilat ndeshen fermerët, agropërpunuesit, operatorët e biznesit ushqimor dhe konsumatorët. Nuk dua të bëj zinxhirë lëvdatash, që me siguri as ju s’do të donit t’i lexonit prej meje, por falënderoj gjithë bashkëpunëtorët e mi në Ministrinë e Bujqësisë dhe Zhvillimit Rural për këto dy vite, duke nisur nga zv.ministrat, kabineti, drejtuesit brenda dikasterit dhe institucionet e tjera të varësisë, si dhe çdo punonjës që është përkushtuar në përmbushjen e detyrave funksionale. Pa kontributin tuaj të çmueshëm nuk do të ishte e lehtë as për mua. Mirënjohje për secilin prej jush!
Shumë suksese për Milvën!
(a.b)/dosja.al
1 vit nga zgjedhjet e 25 prillit si e shikoni gjendjen e vendit:
“Në emër të një kombi, që rrezikohet në ekzistencën e vet dhe që duhet të jetojë në trojet e veta ku flitet shqip, ku zemra rreh kuqezi dhe ku ka diell për të g...
TIRANË– Shtatorja e Presidentit historik të Kosovës, Ibrahim Rugova do të vendoset së shpejti në Tiranë, si një vlerësim për gjithçka bëri në ...
TIRANË– Partia Demokratike ka denoncuar qeverinë e kryeministrit Edi Rama për paaftësi në menaxhimin e pandemisë së Covid-19. Në një deklaratë për mediat, ...
TIRANË– Sokol Olldashi sot do ishte 48 vjeç, por edhe pse janë bërë 7 vite nga ndarja nga jeta në mënyrë tragjike në një aksident rrugor, figura e t...
TIRANË– Ish-kryeministri Sali Berisha u pyet nga gazetarët se çfarë mendonte për mos prezencën e kryeministrit Edi Rama në Kuvend gjatë ditës së dje...
TIRANË– Ish-kryeministri Sali Berisha është takuar me presidenten e Kosovës, Vjosa Osmanin në ditën e tretë të vizitës së saj në Shqipëri.Berisha pas drekë...
TIRANË– Ish-Ministri i Brendshëm Sandër Lleshaj, ka ‘marrë malet’ pak minuta pas firmosjes së dekretit të shkarkimit të tij nga Presidenti Ilir Meta ...
TIRANË– Bledi Çuçi dhe Milva Ekonomi kanë mbërritur në Presidencë ku pritet të betohen. Çuçi do të betohet si Ministër i Brends...
TIRANE- Kryetari i Bashkisë së Tiranës, Erion Veliaj u tregua i prerë sot, kur deklaroi se subjektet e OFL-së dhe të shkarkuarit e Vettingut nuk duhet t’i afroh...
TIRANË– Takimi mes presidentes së Kosovës Vjosa Osmanit dhe Kreut të PD-së, Lulzim Basha përfundoi me një dhuratë simbolike. Osmani në fund të fjalës së sa...