Politike

Rindërtimi i Pediatrisë së Beratit, Rama publikon pamjet: Spitali ka rilindur pas vitesh të tëra degradimi

17 Dhjetor 2020, 07:26 Nga DOSJA
Rindërtimi i Pediatrisë së Beratit, Rama publikon pamjet: Spitali

TIRANË– Kryeministri Edi Rama ka prezantuar mëngjesin e sotëm pamjet që vijnë nga pediatria e spitalit të Beratit.

Rama shkruan se spitali ka rilindur pas disa vitesh degradim duke ndryshuar në një spital me standarte optimale për kujdesin e pacientëve.

‘MIRËMËNGJES dhe me këtë vizitë tek reparti i pediatrisë në Spitalin Rajonal të Beratit, që ka rilindur pas vitesh të tëra degradimi, duke u shërbyer me standarde optimale vogëlushëve në nevojë për kujdes shëndetësor, ju uroj një ditë të mbarë’- shkruan Rama.

Mjekët thonë se kushtet të spital janë më të mira e se i kanë të gjitha mjetet e duhura për ti shërbyer sa më mirë pacientëve.

“Sapo vjen prezantohesh me shërbimin e pediatrisë. Ky shërbim është i rikonstruktuar, thuajse e gjithë kjo hapësirë ka qenë e mbyllur dhe ka pasur 2 dhoma gjithsej. Tani është bërë i plotë, kemi recepsionin ku paraqiten të sëmurët. Nuk kemi pasur dhomë vizitash ndërsa tani e kemi bërë. Kemi dhomën e konsultave të mjekut pediatër. Nëse do të keni qenë në spitalin e vjetër do shihnit si ka ndryshuar edhe nga ana funksionale. Kjo hapësirë është bërë nga e para, e përshtatshme për shërbimin e urgjencës për fëmijët 1 ditore. Këtu është volumi kryesor i punës. Urgjenca është e pajisur me oksigjenin, fëmija po të ketë probleme e merr ndihmën në urgjencë. Të sëmurët rëndë shtrohen në repartin e terapisë intensive. Kemi dhomat e shtrimit me shtretër të rinj” – tha mjeku.

(A.B)/Dosja.al

1 vit nga zgjedhjet e 25 prillit si e shikoni gjendjen e vendit:

View Results

politike politike edi rama edi rama

Sondazh

Poll