Aktualitet

Skandali 5 mln USD/ FSHZH ribën rrugën “pa leje” të kompleksit “Green Coast” në Palasë

3 Dhjetor 2020, 20:04 Nga DOSJA
Skandali 5 mln USD/ FSHZH ribën rrugën “pa leje” të

Fondi Shqiptar i Zhvillimit është kthyer në një institucion në varësi direkte të oligarkëve. Në vend që FSHZH të ndihmonte komunitete në nevojë në të gjithë vendin, për të cilin u ngrit vite më parë, institucioni është kthyer në shërbim të pushtetarëve dhe bizneseve pranë Rilindjes. “Bold News” ka siguruar dosjen e plotë të një tenderi që po realizon FSHZH, me objekt “ndërhyrje e integruar për përmirësimin e aksesit, shërbimeve dhe rikualifikimit urban në zonën e plazhit Palasë – Drymadhes”. Fondi limit është plot 525.000.000 lekë pa TVSH (me TVSH rreth 5 milionë USD).

Në pjesën e parë të investigimit, do të trajtojmë rrugën e plazhit në Palasë. Dhe, duke shfletuar qindra dokumente të reja dhe të vjetra, konstatuam se FSHZH po ribën një rrugë për të cilën drejtësia vendosi se ishte bërë pa leje. Po, po pa leje! Në pronën private të disa familjeve dhe për interes të veçantë të kompleksit Green Coast. Rruga është rreth 500 metra dhe i shërben direkt kompleksit të vilave dhe njësive të shërbimit në këtë resort, ku institucionet janë vënë në “rresht” për t’i shërbyer, në këmbim të ndonjë “kocke” nga oligarku. Le ti analizojmë dokumentet me radhë! Në dokumentet e tenderit të ri thuhet se do synohet ndërtimi i një rruge me gjatësi 548 metra. Është pikërisht rruga që të çon te rrethrrotullimi i kompleksit.

Siç duket edhe nga këto foto, rruga i shërbën ekskluzivisht vetëm kompleksit dhe i askujt tjetër. Ndërkohë, duke shfletuar dokumente të vjetra, “Bold News“ konstatoi se rruga e këtij kompleksi ishte bërë që vite më parë. Madje, është rruga e njëjtë me rrugën që po ribëhet, për të cilën taksapaguesit shqiptare o paguajnë disa herë.

Siç duket edhe nga këto dokumente, Autoriteti Rrugor Shqiptar ka hapur në vitin 2009 rrugët lidhëse të disa plazheve në jug. Dhe ndër to ka qenë edhe për plazhin e Palasës. Fitues i tenderit në fjalë, prej disa milionë euro ka qenë firma “Gjikuria”, pra e njëjta firmë që ndërtoi edhe kompleksin “Green Coast” dhe e njëjta që fiton pothuajse të gjitha tenderët e plazheve apo rrugëve në Jug të Shqipërisë. “Gjikuria” nuk është mjaftuar me vlerën fillestare, por edhe ka bërë shtesë kontrate.

Ndërtimi i kësaj rruge kaloi në një kalvar të gjatë hetimesh dhe gjykimesh, ku nën akuzë u vu pikërisht firma “Gjikuria”. Prokuroria konstatoi se ndërtimi i rrugës buzë detit nga kjo firmë ishte “ndërtim pa leje”. Madje, gjykata udhëroi përmbarimin që të shkatërronte rrugën pasi ishte ndërtim pa leje. Vendimi u ekzekutua dhe rruga u prish. Arsyeja e ndërtimit pa leje kishte të bënte me ndryshimin e projektit nga ana e firmës “Gjikuria”. Gjurma e rrugës ishte në një vend tjetër dhe kjo firmë, e cila po kryente edhe punimet për “Green Coast” i ndryshoi qellimisht. Për këto veprime, gjykata urdhëroi Prokurorinë e Vlorës që ta merrte të pandehur këtë firmë.

Ps; Në pjesën e dytë të investigimit do të trajtojmë se projekti në afërsi të “Green Coast”, prek edhe një zonë të mbrojtur. “Delta e Palasës” është monument natyre dhe mbrohet nga shteti, por Fondi Shqiptar i Zhvillimit ka “kafshuar” një pjesë të madhe të kësaj delte, duke bërë brenda këtij monumenti një parkim për “Green Coast”.

Marrë nga:Boldnews

(a.k.dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet fondi shqiptar i zhvillimi fondi shqiptar i zhvillimi

Sondazh

Poll

Aktualitet 3 Dhjetor 2020, 19:50

SPANJË- 19 persona janë arrestuar në Spanjë në përfundim të një operacioni ndërkombëtar.Mediat e huaja, bëjnë me dije se në përfundim të operacionit, janë ...

Aktualitet 3 Dhjetor 2020, 18:41

GREQI- Detaje tronditëse kanë dalë për vrasjen e pronarit të hotelit në Greqi, shqiptari,  Indrit Lleshi.Lefteris Gavrilis, avokati i familjes së viktimës, hote...

MË SHUMË