Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
• Kryetari i Komisionit Qëndror të Zgjedhjeve Ilirjan Celibashi ka mbajtur një konferencë për mediat ditën e sotme në lidhje me procesin zgjedhor të 11 majit. • Celibashi ka deklaruar se procesi i votimit nga diaspora ishte sukses i padiskutueshëm. • Gjatë fjalës së tij, Celibashi theksoi se ky proces ishte me integritet të plotë dhe është respektuar fshehtësia e votës. • Në lidhje me task-forcën për zgjedhjet, Celibashi e ka quajtur bashkëpunimin me SPAK të suksesshëm. • Celibashi ka komentuar dhe denoncimet nga ana e Partisë Demokratike për manipulimin e votave, duke u shprehur se komisionerët e partive politike janë totalisht jashtë autoritetit dhe përgjegjësisë së KQZ-së. • Po ashtu Celibashi ka shtuar se janë duke përgatitur një material kallëzues për operatorët e PEI apo funksionarëve të tjerë që nuk kanë respektuar kërkesat e ligjit. • Në fund për debatet që kanë ndodhur me DHL-në për pagesën, Celibashi ka deklaruar KQZ-ja ka pasur disa kërkesa ndaj kompanisë DHL, të cilat duhet që të plotësohen. • Ndërkohë që në lidhje me kamatvonesat, ai i ka quajtur ato të pabaza, pasi nuk janë në kontratë.
4 artikuj për këtë temë.
TIRANË- Kryetari i Komisionit Qëndror të Zgjedhjeve Ilirjan Celibashi ka deklaruar se bashkpunimi i KQZ-së me SPAK-un ishte i suksesshëm. Gjatë fjalës së tij, Celibashi u shpreh se partitë politike mund të kenë gjykimet dhe komentet e tyre mbi procesin, por shtoi se task-forca e zgjedhjeve ka patur impakt pozitiv.
“Produkti ishte ky proces zgjedhor që zhvilluam. Mendoj se përtej sarkazmës nga aktorët politikë ndaj këtij bashkëpunimi, jam i bindur se ka qenë një bashkëpunim i suksesshëm. Partitë politike kanë gjykimet dhe vlerësimet e tyre, si ndaj KQZ, ashtu edhe ndaj SPAK apo Prokurorisë së Përgjithshme. Por unë mendoj se impakti ka qenë realisht pozitiv. Është e vështirë për ne të themi si do ishte situata nëse nuk do ishte ajo task-forcë, por fakti që ishte aty ka ndikuar drejtpërdrejt në mbarëvajtjen e procesit,” tha Celibashi.
TIRANË- Kryetari i Komisionit Qëndror të Zgjedhjeve Ilirjan Celibashi ka komentuar dhe denoncimet nga ana e Partisë Demokratike për manipulimin e votave. Gjatë një deklaratë për mediat, Celibashi është shprehur se komisionerët e partive politike janë totalisht jashtë autoritetit dhe përgjegjësisë së KQZ-së. Po ashtu Celibashi ka shtuar se janë duke përgatitur një material kallëzues për operatorët e PEI apo funksionarëve të tjerë që nuk kanë respektuar kërkesat e ligjit.
“Ata komisionerë që janë sot janë totalisht jashtë autoritetit dhe përgjegjësisë së KQZ, ata janë njerëz partiak. Vetë partitë në kërkesat që ata bënë pas mbylljes së procesit konfirmuan mungesën e besimit tek ata njerëz. Ato pamje ndoshta nuk ka nevojë se mundet në ato pamje organet e ndjekjes penale të fillojnë procesin penal dhe në disa raste mesa di unë kanë filluar. Ne jemi në proces dhe sic e përcakton kodi zgjedhor do fillojmë procesion e këqyrjes së materialeve zgjedhore dhe do adresojë në organin e prokurorisë ato raste si të komisionerëve, të operatorëve te PEI apo funksionarëve të tjerë që nuk kanë respektuar kërkesat e ligjit dhe dukshëm kanë kontribuar në cënimin e këtij procesi zgjedhor. Jemi duke përgatitur materialin përkatës kallëzues”, tha Celibashi.
TIRANË- Kryetari i Komisionit Qëndror të Zgjedhjeve Ilirjan Celibashi ka deklaruar KQZ-ja ka pasur disa kërkesa ndaj kompanisë DHL, të cilat duhet që të plotësohen. Gjatë fjalës së tij, Celibashi u shpreh se kanë kërkuar një përfaqësues nga ana e tyre që të komunikojë me KQZ-në për të përfunduar shërbimin. Ndërkohë që në lidhje me kamatvonesat, Celibashi i ka quajtur të pabaza, pasi nuk janë në kontratë.
“Kemi pasur disa kërkesa ndaj kompanisë DHL, të cilat i kemi prezantuar zyrtarisht. Jam i sigurt që ato do të plotësohen, sepse janë në përputhje të plotë me kontratën. U kemi kërkuar një përfaqësues nga ana e tyre që të diskutojë dhe të komunikojë me KQZ për të përfunduar shërbimin. Pa pasur procesverbalin përkatës, nuk mund të bëjmë pagesën. Kërkesa për kamatëvonesa është komplet e pambështetur në përmbajtjen e kontratës dhe në parashikimet ligjore dhe kjo besoj është e qartë," tha Celibashi.
TIRANË- Kryetari i Komisionit Qëndror të Zgjedhjeve Ilirjan Celibashi ka deklaruar se procesi i votimit nga diaspora ishte sukses i padiskutueshëm. Gjatë një konference me gazetarët, Celibashi theksoi se ky proces ishte me integritet të plotë dhe është respektuar fshehtësia e votës.
"Procesi i votimit nga jashtë ishte një ndër aspektet pozitive të zgjedhjeve të 11 majit. Jam i ndërgjegjshëm dhe nuk i analizoj gjithë çfarë flitet ndryshe. Votimi nga jashtë ishte një sukses i padiskutueshme për këto zgjedhje dhe për KQZ. Jam i bindur që ky proces ishte me integritet të plotë, është respektuar fshehtësia e votës. Shembujt konkret që kemi nga votues nga jashtë në komunikimin direkt që kanë pasur me KQZ, e konfirmojnë këtë. Proces historik dhe i realizuar sikurse do duhej të realizohej”, tha Celibashi.
