Institucionet demokratike/ Raporti i KE: Rekomandimet e OSBE nuk janë marrë për bazë, puna politike mbetet në një mjedis...
"Grupi parlamentar i PS e bën vetë të gjithë procesin në mungesën tuaj," Peleshi-opozitës: Me ju apo pa ju ne...
Samiti i SEECP në Tiranë, Hasani: Zgjerimi i BE-së jo vetëm një proces politik, por investim strategjik për paqen ...
Politika gjermane në Lindjen e Mesme nën presion 16 Qershor, 08:52 Konflikti në Lindjen e Mesme/ Ambasada ruse ...
• Kryetari i Partisë Demokratike, Sali Berisha ka dalë sot në një deklaratë për mediat nga selia blu. • Berisha ka publikuar një video, e cila sipas tij tregon se fenomeni i njohur si "treni bullgar" është aplikuar gjerësisht në Shqipëri. • Ai tha se pamjet e videos që tregoi për mediat, ku shihen fletë dhe lista votimi janë filmuar në bar kafenë e kryeplakut të fshatit Dervish Beqiri, i cili sipas tij është vëzhgues besnik i Partisë Socialiste. • Berisha tha se e vetmja zgjidhje për shqiptarët që të votojnë të lirë është krijimi i një qeverie teknike dhe zhvillimi i zgjedhjeve të reja. • Ai u shpreh më tej se kanë qindra dokumente që vërtetojnë shndërrimin e procesit zgjedhor në farsë elektorale. • Berisha tha gjatë fjalës së tij se grupet kriminale kanë mbledhur vota për shumë nga kandidatët e Partisë Socialiste në disa qarqe. • Më tej, kryedemokrati foli edhe lidhur me operacionin antidrogë "Ura" që u zhvillua në Itali dhe Shqipëri, ku në vendin tonë u godit grupi kriminal në Durrës. • Sipas tij, zhvillimi i këtij operacioni u vonua nga kreu i SPAK, Altin Dumani për qëllime elektorale dhe e akuzoi se ka mashtruar dhe Antimafian italiane.
4 artikuj për këtë temë.
TIRANË- Kandidati për deputet i PD-së në qarkun e Elbasanit, Blendi Himçi tha sot në një deklaratë për mediat se në lokalin ku u gjetën materialet e votimit në fshatin Pekisht u gjetën lek, euro e paund.
Përveç parave, Himçi tha se mbi banakun e lokalit ishin dhe karta identiteti, patenta dhe dy dokumente, për të cilat nuk jepte dot detaje sepse janë pjesë e sekretit hetimor. Ai u shpreh se për këtë rast është njoftuar policia e shtetit dhe drejtuesi i prokurorisë së Elbasanit.
"Faktikisht, kemi thërritur policinë e shtetit, drejtuesin e prokurorisë së Elbasanit, në lidhje me rastin në fjalë dhe kanë qenë të pranishëm policia e cila ka vepruar konform rregullave dhe kanë konstatuar siç e shikoni edhe lek të gjetura në banak, të cilit ishin lek, euro dhe paund. Po ta shikoni janë pjesë e krimit elektoral, sepse nuk ka kuptim që të qëndrojnë euro, paundë dhe lek në të njëjtën kohë në barin e një lokali. Këto janë ditën e sotme të konstatuar nga policia. Aty ka karta identiteti, patenta dhe dy dokumente të cilat nuk mund të sqaroj më konkretisht se janë pjesë e sekretit hetimor. Në pritshmëritë e personit për të provuar firmosjen, për të mësuar se si votohet, por nuk deklaron nëse janë fletë votimi të vlefshme, të printuara apo false. Nuk jep sqarim.", u shpreh Himçi.
TIRANË- Kryetari i Partisë Demokratike, Sali Berisha theksoi sot se fenomeni i njohur si "treni bullgar" është aplikuar në të gjithë Shqipërinë.
Berisha tha gjatë fjalës së tij se grupet kriminale kanë mbledhur vota për shumë nga kandidatët e Partisë Socialiste në disa qarqe. Më tej, kryedemokrati foli edhe lidhur me operacionin antidrogë "Ura" që u zhvillua në Itali dhe Shqipëri, ku në vendin tonë u godit grupi kriminal në Durrës.
Sipas Berishës, zhvillimi i këtij operacioni u vonua nga kreu i SPAK, Altin Dumani për qëllime elektorale dhe e akuzoi se ka mashtruar dhe Antimafian italiane.
"Ai kurs, ai u zhvillua pikërisht për të mbuluar këtë. Se këto nuk ka sy që nuk i sheh që janë reale. Por partia e krimit, Edi Rama për t’i hapur rrugë, shteg ‘trenit bullgar’, krijoi disa fake fletë votimi, se gjoja do të mësonte socialistët si të votonin. Këto ishin thjeshtë për të maskuar këtë akt që kanë bërë. Bashkitë kanë shpërndarë fletët e votimit tek qendrat paralele të krimit ku janë dorëzuar, ose kuti të mbushura, ose treni bullgar, ka disa mënyra realizimi i tij..
...Tani siç e dini janë dy votime të veçanta. I diasporës është i veçantë dhe çdo votë është vlerësuar dhe do vlerësohet në përputhje me ligjin. E njëjta gjë do bëhet me procesin e përgjithshëm, por në aspekte të tjera. Ja për shembull, urdhëro. Çfarë tregon kjo? Kjo tregon se në dy qendrat ose janë vendosur kuti të mbushura paraprakisht, gjë që nuk mund të jetë pa shenja. Jo, nuk ndodh pa shenja. Ose pastaj është aplikuar ‘treni bullgar’. Por fletët e votimit nuk mund të jenë kurrë në këtë formë jashtë qendrës së votimit. Ato janë dhënë vetëm për këtë përdorim. Ndaj dhe është një damkosje, nuk është problemi këtu... Është absurde të mendosh se vetëm diaspora.
Çfarë do thoni ju për 20 mijë votat e ministrit të ardhshëm të brendshëm, Arkend Balla? Sa janë vota ato të qytetarëve?
A nuk është çdo votë krim aty? Po Ani Dyrmishi? Po grupi në Elbasan? Po grupi në Shkodër, Korçë, Vlorë e kudo? A nuk janë vota krimi këto? Çfarë përfaqësojnë këto, vullnetin e qytetarëve apo vullnetin e kriminelëve të mbrojtur nga Edi Rama dhe Altin Dumani? A nuk i denoncuam 30 herë Troplinët dhe Pojën si zotërit e Portit të Durrësit? Kush i mbronte ata? Vota në krim dhe krimi në votë, ju e dini, Altin Hajri ka marrë leje ndërtimi, personi në ndjekje. Poja disa, jo një. Ka çdo gjë të cilat groposen nga kriminelë të tipit Dumani dhe Edi Rama. Groposen...
Çfarë mendoni ju se Antimafia Italiane e ka bërë për qëllime elektorale vonimin? Jo, ia ka vonuar Dumani për qëllime elektorale Antimafias Italiane. Ka mashtruar Antimafian Italiane si ordiner. Se kemi operacion tani, se na prish punë tani... Dhe Poja çau ferrën. Kush e njoftoi Elvis Doçin dhe të tjerët? Kush i njoftoi? Këtu janë të gjithë bashkë. Edhe ato shishet 36 mijë euro me kë i hapte Edi Rama? Këtu bota e krimit ka kreun e organizatës, ky është Edi Rama.Por këto janë zgjedhjet. I them këto fjalë për të gjithë ata lakej që nga mëngjesi gjer në darkë bëjnë avokatinë e turpshme elektorale. Mercenarë të vërtetë të fjalës së lirë dhe moralit njerëzor. Bëjnë avokatinë e dhunimit të votës. Urdhëroni, ja ku është, faqezinj që dalin dhe mbushin studiot dhe xhepat për të bërë avokatinë e farsës së zgjedhjeve. Kjo është farsë, është turp për çdo komb, për çdo vend.", tha Berisha.
TIRANË- Kryetari i Partisë Demokratike, Sali Berisha tha sot se zgjedhjet e 11 majit nuk do të njihen kurrë pasi sipas tij janë zhvilluar në mënyrë antiligjore.
Berisha tha më tej se e vetmja zgjidhje për shqiptarët që të votojnë të lirë është krijimi i një qeverie teknike dhe zhvillimi i zgjedhjeve të reja. Ai u shpreh më tej se kanë qindra dokumente që vërtetojnë shndërrimin e procesit zgjedhor në farsë elektorale.
"Krimineli në krye të bashkisë është mentori i kriminelëve të tjera për të realizuar ‘trenin bullgar’ në mënyrën më antiligjore, më antikushtetuese. Pra kjo është fytyra e vërtetë e Edi Ramës, fytyra e vërtetë e këtyre zgjedhjeve, të cilat kurrë nuk do njihen. Ata që mendojnë se mund të imponojnë qytetarëve shqiptarë në këtë mënyrë vullnetin e tyre dhe mund të qëndrojnë mbi karrige, gabojnë shumë shumë rëndë. Ka vetëm një zgjidhje, zgjidhja është emergjente, krijimi i një qeverie teknike, zhvillimi i zgjedhjeve të reja, shqiptarët votojnë të lirë.
Ky është qëndrimi ynë. Ne kemi me qindra dokumente të pafundme të shkatërrimit, të shndërrimit të procesit zgjedhor në farsë elektorale. Pra kjo është farsa e vërtetë elektorale dhe ne duam që shqiptarët të votojnë dhe të mos vuajnë farsën elektorale dhe pasojat e saj. Ne do qëndrojmë me të gjithë potencialin tonë, fuqinë tonë, që shqiptarët të votojnë si qytetarë të lirë të një vendi dhe jo të përjetojnë farsa të turpshme elektorale që janë të njëjta me ato të Zimbabveve 30 vite më parë.
Besoj se e keni të qartë, e shihni vetë. Gjithçka janë rezultate të paracaktuara. Unë mund t’u them ju se do shihni kuti votimi në të cilat 200 fletë njëra pas tjetrës kanë të njëjtën palosje. Ose është ‘treni bullgar’ që është e njëjta gjë pastaj.", tha Berisha.
TIRANË- Kryetari i Partisë Demokratike, Sali Berisha ka dalë sot në një deklaratë për mediat nga selia blu. Berisha ka publikuar një video, e cila sipas tij tregon se fenomeni i njohur si "treni bullgar" është aplikuar gjerësisht në Shqipëri.
Ai tha se pamjet e videos së mëposhtme, ku shihet fletë dhe lista votimi janë filmuar në bar kafenë e kryeplakut të fshatit Dervish Beqiri, i cili sipas tij është vëzhgues besnik i Partisë Socialiste.
Berisha: ‘Treni bullgar’, që u aplikua gjerësisht në Shqipëri, mbeti në stacionin e Pekishtit. Doli nga shinat dhe mbeti aty. Pas një informacioni që deputeti i ardhshëm i Elbasanit, Blendi Himçi mori mbrëmë se në fshatin Pekisht, në bar-kafenë e kryeplakut të fshatit Dervish Beqiri, vëzhgues besnik i PS, ndodhen sasi e konsiderueshme materialesh votimi, fletë votimi, lista votimi dhe narko-euro.
Siç keni parë ju, në rastin e Kasharit, në rastin tek Astiri dhe në raste të tjera, ku paralel me qendrat e votimit ishin ngritur zyrat e ‘trenit bullgar’ nga patronazhistët, kjo pra ishte një praktikë shumë e përhapur. Sot në mëngjes herë, zoti Himçi shkoi vetë në bar-kafenë e Dervish Beqirit, hyri brenda dhe në vendin ku ishte informuar u gjet i gjithë materiali zgjedhor që do paraqesim tani para jush.
Këto që shihni ju janë fletët e votimit, listat e votimit të gjetura, që kishin kaluar prej disa netësh dhe flinin në bar-kafenë e Dervish Beqirit. Dervish Beqiri është vëzhgues i PS, bashkia Peqin, KZAZ me numër 45, qendrat e votimit 2292-2293. Tani e shikoni tavolinën plot me euro, karta identiteti, bollëk i madh. Kjo është tavolina e krimit elektoral. Këto janë listat. Janë 117 fletë listash votimi me vula, siç e shihni. Kjo është fytyra e vërtetë e Edi Ramës.
