Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
• Komisioni i Ligjeve ka miratuar në parim ndryshimet në projektligjin për deklasifikimin e dosjeve të ish-Sigurimit të Shtetit. • Këto ndryshime ishin kërkuar nga deputeti i Partisë Demokratike, Enkelejd Alibeaj i cili, gjatë fjalës së tij u shpreh se ky draft nuk duhet të përdoret për "luftë" politike por si një instrument për të pastruar politikën dhe shoqërinë shqiptare nga ish-bashkëpunëtorët e Sigurimit. • Deputeti Fatmir Mediu kërkoi që të përndjekurit politikë të përjashtohen nga ky verifikim pasi sipas tij nuk mund t'i rëndojmë ende shtresës më të vuajtuar nga sistemi. • Kundër ishte edhe Oerd Bylykbashi, i cili kërkoi futjen në fuqi të ligjit të vitit 2008 për lustracionin. • Ndërsa përfaqësuesja e Partisë së Lirizë e akuzon kreun e Autoritetit se po përdoret politikisht nga shumica për të goditur Ilir Metën, emri i të cilit rezulton të jetë i akuzuar nga një individ si ish-bashkëpunëtor i Sigurimit të Shtetit.• Por Gentiana Sula, kryetarja e Autoritetit të Dosjeve, hodhi poshtë këtë akuzë duke shpjeguar përse ju drejtua Kuvendit për ta vënë në djeni pas email-it që mori për Ilir Metën. • Me ndryshimin e ligjit të dekriminalizimit, në një prej neneve të ligjit ekzistues shtohet një paragraf ku parashikohet se “bashkëpunëtorëve ose të favorizuarve të ish-Sigurimit të Shtetit, nuk mund të kandidojnë dhe as të zgjidhen deputetë në Kuvendin e Shqipërisë, kryetar bashkie apo këshilltar në këshillin bashkiak. • Ndërsa ndryshimi i ligjit aktual për partitë politike synon moslejimin e drejtimit të një force politike nga kryetar me dosje në Sigurimin e Shtetit ose ata që kanë shërbyer si sekretar partie.
5 artikuj për këtë temë.
TIRANË- Komisioni I Ligjeve, ka miratuar ditën e sotme projektligjin “Për një ndryshim në ligjin nr.45/2015 “Për të Drejtën e Informimit për dokumentat e Ish-Sigurimit të Shtetit të Republikës Popullore Socialiste të Shqipërisë”, pas diskutimeve të shumta lidhur me këtë çështje.
Ndryshimet me të rëndësishme në tentativën për të pastruar politikën shqiptare nga spiunët, janë në ligjin e dekriminalizimit. Në një prej neneve të ligjit ekzistues shtohet një paragraf ku parashikohet se “bashkëpunëtorëve ose të favorizuarve të ish-Sigurimit të Shtetit, nuk mund të kandidojnë dhe as të zgjidhen deputetë në Kuvendin e Shqipërisë, kryetar bashkie apo këshilltar në këshillin bashkiak, dhe në çdo rast nuk mund të marrin një funksion me votim nga Kuvendi”.
Ndërsa ndryshimi i ligjit aktual për partitë politike synon mos lejimin e drejtimit të një force politike nga kryetar me dosje në Sigurimin e Shtetit ose ata që kanë shërbyer si sekretar partie.
Thelbi ndryshimeve të propozuara është hapje totale e dosjeve përfshi edhe ata të cilët njëherë kanë kaluar filtrat e komisioneve Bezhani dhe Mezini.
TIRANË-Ditën e sotme, kryetarja e Komisionit të Ligjeve, Klotilda Bushka u përplas me deputetin Fatmir Mediun. Ky i fundit kundërshtoi nismën e deputetit Enkelejd Alibeajt për hapjen e plotë të dosjeve të ish-sigurimit për çdo qytetar. Ai tha se nuk mund të hapen dosjet për shtresë e ish-të përndjekurve politikë.
DEBATI:
Fatmir Mediu: Nuk mund ti bëjmë moral ish të përndjekurve politikë. Ka histori të presioneve brenda familjes që ne nuk mund ti rindezim. Nëse nuk u dhamë mundësinë që për këto krime nuk ka asnjë përgjegjës sot, të paktën të mos u shtojmë mundimet brenda familjeve. Vetë shteti funksionon bazuar mbi balancën e pushteteve. Nuk fillon çdo gjë kur na do qejfi ne për të goditur politikisht. Do të ishte e drejtë që të orientohemi drejtë transparencës. Shtresën e të përndjekurve politikë duhet ta përjashtojmë për të mos i shtuar më shumë se çka kaluar në këto 30 vite.
Klotilda Bushka: Nisma është tërësisht në përputhje me të drejtën e publikut për transparencë dhe të drejtë informimi. Është për ata persona që mund të ushtrojnë funksione publike. Është një simbolikë e fuqishme për brezat e ardhshëm. Mund të keni të drejtën tuaj ta paragjykoni.
Fatmir Mediu: Hiqni dorë nga hapja e dosjeve për të përndjekurit politikë.
Enkelejd Alibeaj: Jam i prirur të shoh dhimbjen që ka ndodhur ndaj të gjithë pjesës së të persekutuarve politikë. Dilema ka qenë kjo: të mos hapim dosjet se mund të ketë pasur raste kur vrazhdësia e ish sigurimit mund të ketë shkuar brenda familjeve të ish të përndjekurve politikë. Por kjo ka edhe rastin tjetër që vrazhdësia e ish sigurimit nuk do të dilte asnjëherë. Kjo lloj dileme na ka shoqëruar ne gjatë gjithë kohës. Ajo që kam bindjen që duhet të ndodhë është: e vërteta na bën të lirë. Edhe ish të përndjekurit politikë që kundër dëshirës së tyre, të shtyrë, të shantazhuar, nën presion mund të jenë thyer nga presioni komunist, shoqëria shqiptare sot, por edhe familjet e tyre, do të duhet të kuptojnë që shkak nuk ka qenë thyerja e tyre, por ka qenë kriminaliteti i shtetit komunist.
TIRANË- Partia Socialiste ka rënë dakord me propozimin e Partisë Demokratike për hapjen e dosjeve për ish-bashkëpuntorët e sigurimit të shtetit. Gjatë komisionit të Ligjeve, Felaj u shpreh se duhen hapur të gjitha dosjet për qytetarët në mënyrë që të mos fshihet asnjë pas klauzolave të tjera.
'Ka ardhur koha që të jemi të hapur ndaj të shkuarës duke mos lejuar më atë që zoti Alibeaj tha që mund të jenë përdorur për shantazh. Nuk është në nderin e deputetëve që të fshihen pas klauzolave të tilla. Ka ardhur koha që të jemi të gjithë bashkë për heqjen e paragrafit katër të ligjit. Ligji për autoritetin e dosjeve i është nënnshtruar vetëm njëherë ndryshimit, do ta shihja të gjykonim qoftë ndryshimit të bërë nga zoti Alibeaj. Autoriteti do ta thotë vetë”- u shpreh Felaj.
TIRANË- Kryetarja e Komisionit të Ligjeve, Klotilda Bushka, deklaroi ditën e sotme se hapja e dosjeve ka rëndësi pasi zbardh të vërtetën për disa individë që siç tha ajo, tregojnë disa të vërteta që nuk diheshin më parë. Ajo tha se ka disa personazhe që dhe pse mund të kenë pasur një certifikatë pastërie të mëparshme, nuk rezultojnë të jenë të tillë si rezultat i dokumenteve të reja që dalin në dritë.
“Pavarësisht fakteve të tjera që mund të dalin në dritë që përmbysin deklaratat e mëparshme si ish komisionet Bezhani apo Mezini, duke pasur ndalim në ligj, mungon kompetenca lëndore e shqyrtimit të akteve. Autoriteti nuk ka dot mundësinë të bëjë shqyrtim aktesh se nëse do e bente do ishim në kushtet e pavlefshmërisë absolute të një akti administrativ. Nisur nga shpeshtësia e informacioneve të cilat rrëzojnë herë pas herë deklarata të mëparshme pastërtie ka lindur e nevojshme që kjo pengesë ligjore të evitohet për arsyen e parë që në kuadër të transparencës dhe të drejtës të informimit, duhet që ligjvënësi ta pajisë autoritetin me të gjitha mundësitë për të realizuar punën e vet. E dyta dhe pse kanë kaluar shumë vite nga ai regjim, ende ka shumë dritëhije, ende ka të pasakta informacione, ende ka të vërteta që rrëzohen dhe opinioni do duhet të informohet në mënyrë profesioniste, të vërtetë, mbi atë që ndodh për personazhe të ndryshëm që dhe pse mund të kenë pasur një certifikatë pastërie të mëparshme, nuk rezultojnë të jenë të tillë si rezultat i dokumenteve të reja që dalin në dritë.
Kjo është një cështje që është e natyrës kombëtare, një cështje që do duhet ti shërbejë të vërtetës, që të ketë një pajtim social, që njerëzit që kanë vuajtur në atë regjim e ata që nuk kanë vuajtur të dinë cfarë historish, cfarë të vërtetash ka rreth individëve të caktuar se kur nuk e zbulojmë të vërtetën si është, shanset janë që historitë e këqija përsëriten. Kam dëgjuar shpesh që thonë pse sot, asnjëherë nuk është vonë në shërbim të të vërtetës”, tha Bushka.
TIRANË-Ditën e sotme në Komisionin e Ligjeve po shqyrtohen dy nisma, një nga grupi parlamentar i PS dhe një nga grupi parlamentar i PD i prezantuar nga Enkelejd Alibeaj, lidhur me transparencën për dokumentet e ish Sigurimit të Shtetit. Në fjalën e tij, Alibeaj u shpreh se i duhet hapur rrugë deklasifikimit të plotë dhe automatik të të gjitha dokumenteve të dosjeve. Ndër të tjera, ai shtoi se i duhet dhënë fund dhënies së dosjeve të personave që janë shantazhues.
'Zbardhja e këtyre dokumentave do zbardhë atë që ka ndodhur. Ajo pjesë që ka vuajtur nuk kanë urrejtje por një kërkesë, të drejtën për të njohur të drejtën se c'ka ndodhur. Duhet hapur rrugë deklasifikimit të plotë dhe automatik të të gjitha dokumenteve të dosjeve. Kuvendi ka bërë disa përpjekje në këtë drejtim, ne besojmë se këto janë përpjekje të pamjaftueshme. Per shumëkënd hapja e dosjeve ka qënë ose një diskutim i parakohshëm, këto arsyetime tashmë kanë rezultuar se nuk është i vërtetë. Askush nuk ka kërkuar hakmarrje por kanë kërkuar interes për të ditur të vërtetën. Ka ngelur psikoza e shantazhit. Psikoza e shantazhit e ka shoqëruar shoqërinë. I heqim nga dora shantazhuesve, mjetin me të cilin bëjnë shantazh. '- u shpreh Alibeaj.
