“Keqinterpretuan fjalën time dhe u zaptua zemra e Thethit”/ Rama: Paketa e Maleve nuk është për biznesmenët dhe as për oligarkët
“Zvicrën e vogël e keni ju këtu në duar”/ Rama: Synimi është të rriten të ardhurat, turizmin...
“Zvicrën e vogël e keni ju këtu në duar”/ Rama: Synimi është të rriten të ardhurat, turizmin...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
• Deputeti i Lëvizjes Vetëvendosje, Haki Abazi, ashtu siç e paralajmëroi dje, sot ka bërë deklarata të fortë kundër Albin Kurtit dhe Qeverisë së tij. • Në një konferencë për media, Abazi ka bërë me dije se është në dijeni të video-incizimeve të cilat, sipas tij, konfirmojnë se kush i ka zhdukur mostrat e rastit të aktivistit të Lëvizjes Vetëvendosje, Astrit Dehari, nga Instituti i Mjekësisë Ligjore. • Fill pas deklaratës së tij për shtyp, Prokuroria përmes një njoftimi për media ka njoftuar se ka dëgjuar me vëmendje deklaratat e deputetit të Kuvendit të Kosovës, Haki Abazi, dhe se i njëjti së shpejti do të ftohet për t'u marrë në pyetje. • Ndërsa deklaratat e tij, kryetarja e grupit parlamentar të Lëvizjes VetëVendosje, Mimoza Kusari- Lila, i cilësoi si të parëndësishme. • Aktivisti i Lëvizjes Vetëvendosje, Astrit Dehari, u gjet i vdekur në qelinë e burgut në Prizren më 5 nëntor të vitit 2016. Dehari ishte anëtar i Lëvizjes Vetëvendosje, i arrestuar bashkë me disa pjesëtarë të tjerë të kësaj lëvizje, nën akuzat se kanë sulmuar Kuvendin e Kosovës. Dehari vdiq në burg duke bërë shkak për protesta nga LVV në rrugët e Prishtinës. • Zyrtarisht u konstatua se ka bërë vetëvrasje, por Vetëvendosje pretendon se ka ndodhur e kundërta. • Provat janë dërguar edhe në institute jashtë vendit, por nuk është arritur të konstatohet se ka pasur persona të tjerë të përfshirë në vdekjen e Deharit.
5 artikuj për këtë temë.
KOSOVË- Deputeti i Lëvizjes Vetëvendosje, Haki Abazi, është larguar nga pozita e Kryetarit të Komisionit për Punë të Jashtme dhe Diasporë. Kuvendi i Kosovës ka marrë vendim që ai të zëvendësohet me bashkëpartiaken e tij Arbreshë Kryeziu-Hyseni. Edhe në Komisionin për Stabilizim Asocim, deputeti Haki Abazi është zëvendësuar me deputetin Dimal Basha. Kjo u bë pas propozimit të Grupit Parlamentar të Lëvizjes Vetëvendosje. Në votim morën pjesë 62 deputetë, 53 prej të cilëve votuan për dhe nëntë abstenuan.
Më 15 shkurt, kryetari i Komisionit për Punë të Jashtme nga radhët e Lëvizjes Vetëvendosje, Haki Abazi, ka thënë se kryeministri Albin Kurti ka dhënë urdhër për largimin e tij nga pozita e kryesuesit të komisionit. Ish-zëvendëskryeministri, Haki Abazi të mërkurën kishte njoftuar përmes një njoftimi në llogarinë e tij në ‘Facebook’, se për këtë gjë do të flasë më shumë të enjten.
Ai në këtë konferencë për media, ka bërë të ditur se ai është në dijeni të video-incizimeve të cilat, sipas tij, konfirmojnë se kush i ka zhdukur mostrat e rastit të aktivistit të Lëvizjes Vetëvendosje, Astrit Dehari, nga Instituti i Mjekësisë Ligjore. Pikërisht kjo dijeni dhe hulumtimi i Abazit i bërë në këtë drejtim, sipas tij, kanë sjellë deri te shkarkimi i tij nga posti i kryetarit të Komisionit për Punë të Jashtme dhe anëtarit të Komisionit për Stabilizim Asociim edhe anatemimit të tij brenda Lëvizjes Vetëvendosje.
“Hulumtim im i fundit dhe pyetjet që i kam shtruar, diskutimet që kam bërë me njerëz përgjegjës kanë sjellë tek shkarkimi dhe anatemimi brenda Lëvizjes Vetëvendosje. Si është e mundur që në pushtetin e Lëvizjes Vetëvendosje të zhduken mostrat e Astrit Deharit dhe kryeministri Kurti të mos e thotë asnjë fjalë të vetme për këtë gjë”, pyet fillimisht ai.
Abazi duke folur për mostrat e gjakut të Deharit që muaj më parë u zhdukën nga Institutin i Mjekësisë Ligjore ka thënë se Prokuroria duhet ta intervistojë kryeministrin Albin Kurti, ministren e Drejtësisë Albulena Haxhiu e disa anëtarë të tjerë të Vetëvendosjes.
KOSOVË- Kryetarja e Grupit Parlamentar të Vetëvendosjes, Mimoza Kusari-Lila ka reaguar lidhur me deklaratat e deputetit të Lëvizjes Vetëvendosje, Haki Abazi i cili ka mbajtur një konferencë për media, ku ka shprehu pakënaqësitë e tij me VV-në, ku përmendi edhe Mimoza Kusarin të cilën e quajti “çadra e Gadafit”. Ajo e konsideroi si deklaratë të parëndësishme dhe nuk pranoi ta komentonte.
“Nuk e komentoj fare! Është tërësisht e parëndësishme si deklaratë”, tha ajo.
Më herët Abazi deklaroi se Kusari-Lila ka shkaktuar përçarje në grupin parlamentar duke e quajtur 'çadra e Gadafit'.
“Këtë valle ne e kemi parë të kaluarë, çadra e Gadafit ka shkatërru parti politike, ka bërë përçarje politike. Çadra e Gadafit ka nënshkruar marrëveshje të dëmshme që dikur kanë qenë kauza të VV-së. Çadra e Gadafit është nënshkruar edhe e marrëveshjes së Demarkacionit”, ka thënë Abazi duke shtuar se Kusari-Lila “ka shkaktuar përçarje në grupin parlamentar”.
Deputeti Haki Abazi mori vëmendje të madhe kur tha se pamjet e kamerave tregojnë se kush i ka zhdukur mostrat e Deharit. Për këtë çështje Abazi i ka dërguar porosi ministres Haxhiu që ta kryejë punën e saj. Prokuroria Speciale ka konfirmuar se do ta thërrasë për të dhënë dëshmi deputetin Haki Abazi, ky i fundit tha se është i gatshëm t’i përgjigjet thirrjes së prokurorisë. Prokuroria nuk ka asnjë person të dyshuar për rastin e zhdukjes së mostrave të Deharit nga Laboratori i Toksikologjisë në Institutin e Mjekësisë Ligjore. Prokuroria ka konfirmuar se kanë intervistuar një numër të konsiderueshëm të personave në cilësi të dëshmitarëve.
KOSOVË- Deputeti i Lëvizjes Vetëvendosje Haki Abazi ka bërë deklarata të forta sot duke trazuar opinionin publik, pasi implikoi edhe kryeministrin Kurti në rastin e zhdukjes së mostrave të aktivistit të ndjerë, Astrit Deharin. Sipas tij ekzistojnë video-inçizime dhe që e konfirmojnë identitetin e personit/personave që i zhdukën mostrat e rastit Dehari. Aktivisti Astrit Dehari kishte vdekur në rrethana të dyshimta në Qendrën e Paraburgimit në Prizren. Ai thotë që ka bërë një hulumtim dhe se ka shtruar pyetje e diskutime në lidhje me rastin, çka kishte sjellë edhe anatemimin dhe shkarkimin brenda Vetëvendosjes.
“Por ne as si shoqëri as si qytetarë individualë nuk mund të rrimë të heshtur përballë një procesi të këtillë, dhe të gjithë duhet ta kryejmë punën që na takon. Instituti i Mjekësisë Ligjore është i monitoruar 24 orë prej kamerave. Dihet qartë kush ka hyrë te frigoriferi dhe ka nxjerr mostrat të cilat kanë qenë të vendosura nën mostra tjera, dhe janë zhdukur.” - u shpreh ai.
Kush do ta dinte që këto mostra ishin të vendosura nën mostra tjera përveç dikujt që ka njohuri specifike për këtë çështje?
“Video-inçizimet janë ato të cilat ju duhet t’i kërkoni për të konfirmuar se kush ka zhdukur mostrat e rastit Dehari. Hulumtimi im i fundit, pyetjet e mia që kam shtru, diskutimet që kam bërë me njerëz përgjegjës kanë sjellur tek shkarkimi dhe anatemimi brenda Lëvizjes Vetëvendosje. Shkarkimi im është minor kundrejt borxhit që kemi për ta sqaruar deri në fund se çfarë ka ndodhur me rastin Dehari, dhe si është e mundur që në pushtetin e Lëvizjes Vetëvendosje të zhduken mostrat e Astrit Dehari dhe kryeministri Kurti të mos e thotë asnjë fjalë të vetme për këtë gjë. Asnjë', tha ai.
Ndërkohë, në fund iu desh që të lexonte nga letra e tij për t’i parë mirë emrat dhe ndoshta edhe renditjen e tyre për këtë rast.
“Mendoj që prokuroria duhet ta marrë në pyetje kryeministrin Kurti, Dejona Mihalin, Albulena Haxhiun, Nazlie Balajn dhe Flutura Gogaj Bajramin.” - u shpreh ai.
KOSOVË- Deputeti i Vetëvendosjes, Haki Abazi, ka “shpërthyer bombën” me deklaratat e tij në konferencën e sotme për media në hollin e Kuvendit. Abazi tha se ka video-incizime që dëshmojnë kush i ka zhdukur mostrat e ish-aktivistit të Lëvizjes Vetëvendosje Astrit Deharit në Institutin e Mjekësisë Ligjore.
“Audio-incizimet konfirmojnë diskutimin ndërmjet Saranda Bogujevcit, Mimoza Kusarit e Dejona Mihalit për ngulfatjen e zërit të deputetëve brenda Kuvendit. Video-incizimet janë ato që ju duhet t’i kërkoni për të konfirmuar se kush ka zhdukur mostrat e Astrit Deharit”, tha Abazi, raporton Nacionale.
Sipas tij, pyejet që ka ngritur ai rreth rastit Dehari, kanë bërë që të kërkohet shkarkimi i tij.
“Hulumtimi im, diskutimet që kam bërë me njerëz përgjegjës kanë sjellur tek shkarkimi dhe anatemomi brenda VV-së. Shkarkimi im është minor ndaj borxhit që kemi se ka ka ndodhur me rastin Dehari, si është e mundur në pushtetin e VV-së të zhduken mostrat e Astrit Deharit, dhe kryeministri Kurti të mos e thotë asnjë fjalë të vetme. As si deputet nuk mund të rrijmë të heshtur përballë një procesi të tillë, dhe duhet ta kryejmë punën që na takon për ta zbardhur këtë temë. Instituti monitorohet 24 orë nga kamerat dihet qartë se kush ka hyrë tek frigoriferi dhe ka nxjerrë mostrat që kanë qenë të vendosura nën mostrat tjera dhe janë zhdukur. Porosia ime për Albulena Haxhiun është që të kryejë punën e saj”, deklaroi Haki Abazi.
KOSOVË-Deputetët e Kuvendit të Kosovës, kanë miratuar sot kërkesën e subjektit parlamentar të Lëvizjes Vetëvendosje për të zëvendësuar anëtarët në disa Komisione Parlamentare.
Deputeti i LVV-së, Haki Abazi është shkarkuar nga të qenit Kryetar i Komisionit Parlamentar për Marrëdhëniet me Jashtë. Në vend të tij, është emëruar deputetja e Vetëvendosjes, Arbëreshë Kryeziu- Hyseni. Nga 62 vota, 53 ishin pro, as një kundër dhe nëntë abstenime. Ndërkohë, në Komisionin për Stabilizim Asociim, deputeti Haki Abazi është zëvendësuar me deputetin Dimal Basha.
