Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
• Aksion i denjë për filma, atë bërë mbrëmë i burgosuri Bekim Memeti. • Fillimisht i burgosuri Bekim Memeti u ankua se ka nevojë për trajtim mjekësor dhe u dërgua në spitalin "Nënë Tereza" në Shkup. • Pasi mori mjekimin e parë, u vendos në furgon për t'u kthyer në qeli. Por rrugës për në burgun e Idrizovës persona të panjohur me veturë “Audi” ngjyrë gri pa targa, i prenë rrugën furgonit të Policisë duke goditur veturën në të cilën ndodhej i burgosuri. • Më pas, janë përleshur me armë zjarri me efektivët e Policisë së burgut. • Pas arratisjes së tij, përveç punës për ta gjetur e për ta rikthyer në burg, Drejtoria për Ekzekutimin e Sanksioneve, do të kryejë kontroll të jashtëzakonshëm në burgun e Idrizovës dhe do të marrë masat përkatëse për të gjitha parregullsitë e konstatuara për të përcaktuar se përse nuk është ofruar ndihma e policisë për shoqërimin në spital. • Bekim Memeti nga Tetova është i dënuar me gjithsej 21 vjet burgim, prej tyre 19 për vrasje dhe dy për prodhim dhe tregtim të paautorizuar të narkotikëve, substancave psikotrope dhe prekursorëve. Ai e vuan dënimin që nga 28 dhjetori 2020 dhe skadon më 17 prill 2040.
2 artikuj për këtë temë.
MAQEDONI E VERIUT- Bekim Mehmeti është shqiptari i cili u arratis nga burgu në Idrovicës në Maqedoninë e Veriut i dënuar me 40 vite burg për vrasje.
Mediat vendase raportojnë se, shqiptari ka kërkuar të dërgohet në spital dhe drejtuesit e burgut ia kanë mundësuar një gjë të tillë, por gjatë rrugës, ai ka rrëmbyer një pistoletë dhe ka plagosur njërin prej shoqëruese, konkretisht shoferin e ambulancës, duke u arratisur.
Ende mbetet e paqartë dinamika dhe rrjeti që e ka ndihmuar Memetin në arratisje, ndihmesa e mundshme që i është dhënë nga persona të tjerë nga jashtë, ndërkohë që hetimet do të shtrihen tashmë edhe në dy pista. Për profile të tilla si Mehmedi, burgu i Idrizovës ka kërkuar gjithnjë ndihmë dhe shoqërim nga njësitë speciale, kjo bëhet thuajse për cilindo të dënuar me mbi 10 vjet burg, por për Memedin burgu nuk ka kërkuar ndihmë.
Përveç hetimit të brendshëm nga drejtoria e burgjeve, hetim pritet të ngrejë për përgjegjësi edhe Ministria e Brendshme.
SHKUP- Bekim Memeti nga Tetova, i dënuar me 20 vite burg për vrasje është arratisur dje nga burgu i Idrizovës në Maqedoninë e Veriut. Ai ka kërkuar ndihmë te rojet e burgut se ishte lënduar. Mediat vendase shkruajnë se i burgosuri ia ka shkaktuar vetë lëndimin vetes. I burgosuri është nisur për në spital bashkë me rojet, ndërsa ambulanca nuk ka shkuar. Këtu ka nisur edhe hetimi se pse të burgosurit nuk iu dha ndihma nga ambulanca brenda institucionit të vuajtjes së dënimit.
Tetova Sot shkruan se pasi dolën nga burgu, gjatë shoqërimit, disa persona të armatosur kanë ndaluar furonin dhe kanë marrë të burgosurin. Në përplasje e sipër ka patur të shtëna dhe një polic është plagosur. Arratisja dyshohet se kishte javë që planifikohej prej të burgosurit, kjo edhe nga fakti se personat e armatosur e dinin saktësisht se kur do të dërgohej i burgosuri në spital, e njihnin mjetin dhe megjithëse nuk konfirmohet, ndoshta kishin të dhëna shtesë se sa ishte numri i policëve që do ta merrnin të burgosurin, trajtimi dhe rruga e lëvizjes.
Mediat kanë kërkuar informacion nga Administrata e Zbatimit të Sanksioneve se kush ishte komandanti në detyrë gjatë turnit kur ndodhi rrëmbimi, nëse është e vërtetë që i burgosuri i arratisur vuan dënimin për vrasje, si dhe sa efektivë policie e kanë transportuar të burgosurin. Detajet e para janë dhënë nga Ministria e Punëve të Brendshme. Nga MPB thonë se arratisja e të burgosurit nga “Idrizova” ka ndodhur para mesnatës. Katër zyrtarë të burgut e kanë shoqëruar për në spital të burgosurin. Në raport thuhet se e gjithë ngjarja ka ndodhur në autostradë.
“Punonjësit e policisë së burgjeve të cilët ndodheshin në një furgon “Ford Transit” të policisë së burgjeve kanë kërkuar ndihmë nga policët e SPB Shkup, pasi, sipas raportimit të tyre, gjatë shoqërimit të të dënuarit B.M. , nga INP “Idrizovë” në Qendrën Urgjente “Nënë Tereza”, në autostradë, i dënuari ia ka marrë armën shoferit I.H. (punonjës i policisë së burgjeve), ka qëlluar me armë zjarri dhe ka plagosur I.H.. Më pas i dënuari është arratisur me një automjet pasagjerësh Audi,”- thonë nga MPB.
Punonjësi i plagosur i policisë së burgjeve është dërguar në Qendrën Emergjente për ndihmë mjekësore.
“Po merren masa për zbardhjen e rastit”, thonë nga MPB. /Dosja.al
