Amnistia Penale/ Komisioni i Ligjeve jep miratimin, të enjten votohet në Kuvend, DEBATET në seancë

ulsi manja

TIRANË- Në seancën e Komisionit të Ligjeve, ku diskutohet për projektligjin për Amnistinë Penale, ministri i Drejtësisë, Ulsi Manja tha gjatë fjalës së tij se ata kanë statistika se kush janë kategoritë përfituese dhe i kanë shumë të sakta.

Manja tha se është kërkuar amnisti sepse janë 2,200 persona të dënuar me burg dhe 11 mijë të dënuar me shërbim prove dhe nga kjo amnisti do të përfitojnë 700 të dënuar dhe 2.2 mijë të dënuar me shërbim prove.

Po ashtu ministri tha se kanë të qartë edhe si do të veprohet me personat që janë në hetim apo gjykim, pasi do të përcaktohet në bazë të veprave panele që ato kanë.

"Ne kemi statistika se kush janë kategoritë përfituese dhe e kemi shumë të saktë. Kemi kërkuar amnisti sepse kemi 2,200 persona të dënuar dhe 11 mijë të dënuar me shërbim prove. Nëse kjo merr vote në parlament, përfitojnë 700 persona të dënuar dhe 2.2 mijë të dënuar me shërbim prove. Për zbritjen me një vit të dënimit që përfitojnë gratë dhe të miturën, po ashtu përfitojnë nga 1,200 në 1,600 persona të dënuar.

Lidhur me personat që janë në hetim apo gjykim, nëse tejkalojnë rregullin për dënime deri në 2 vite nuk do të ketë subjektivizma, për të tjerët më pas që hynë te krimet,  kjo do të shikohet me shumë kujdesen. Ne relacionin e dorëzuar në Kuvend, kemi të gjitha mendimet e institucioneve të drejtësisë. Statistika se sa është numri i personave në hetim apo gjykim për kundërvajtje penale që përfshin amnistia është publike.", u shpreh Manja.

pamje nga seanca e ligjeve

TIRANË- Është shoqëruar me debate diskutimi për projektligjin e Amnistisë Penale në Komisionin e Ligjeve.

Deputeti demokrat Enkelejd Alibeaj, tha se duan më tepër kohë për studimin e varianteve të reja të paraqitura nga maxhoranca për ligjin, ndërsa Ermonela Felaj iu përgjigj duke i thënë se ka tre muaj që pret.  Të njëjtin qëndrim me Felajn ka pasur edhe Majko dhe ministri Manja.

DEBATI:

Felaj: Në kuadër të diskutimeve në parim pr/ligji ka mbi 3 muaj që diskutohet nga kolegët, nuk ka asnjë amendament që është parë ndryshe nga çfarë po përpiqeni të aludoni, çdo amendament të ardhur nga kolegët, janë parë në frymën e këtyre parimeve. S’do doja të hidhej dyshim.

Alibeaj: Për sa kohë sollëm amendamentet tona, ju bëra me dije që teksa thonit janë studiuar, vetëm në këtë seancë pati dy apo tre kolegë, kur thashë që nuk duhet të bëjmë, serioziteti i analizës e do, me shpejtësi nuk mund të ecim, do të, kërkesa ime është të na jepet kohë për të studiuar variantet e reja, është version i ri i sjellë nga maxhoranca, të mos ecim me diskutim nen për nen, të shohim amendamente, qëndrimin mesa duket refuzues.

Felaj: Ka tre muaj që pret.

Alibeaj: Është një situatë e re me amendamentet që u sollën.

Bushka: Materialin e keni. Nuk është ndonjë volum punë kaq i madh. Janë çështje që i kemi diskutuar edhe më parë. Kështu që mua më duket se po marrim kohë më shumë me këtë çështje se sa me thelbin. Jam dakord me relatorin që të jepet kohë për disa orë.

Majko: Nuk kemi pse ta shtyjmë me 1 orë. Ka 3 muaj që kemi në dorë projektligjin. Të vazhdojmë me procedure e diskutimit nen për nen.

Manja: Ka 3 muaj që diskutohet dhe sot është çështje qasje e vullneti, do ta japësh votën për këtë kategori përfituese, po ose jo. Të tjera janë artifica politike, pasi ky ligj do 84 vota për të kaluar në seancë. Nuk votohet nëse thuhet, kështu si them unë ose s’ka.

pamje nga seanca online

TIRANË- Sot është zhvilluar online seanca e Komisionit të Ligjeve ku është miratuar në parim projektligjin për Amnistinë Penale, i cili pritet të kalojë të enjten në Kuvend.

Projektligji “Për dhënie Amnistie” u votua me 15 vota pro dhe asnjë kundër.

Kujtojmë se maxhorancës i duhen 84 vota në Kuvend për të miratuar pr/ligjin për amnistinë penale, ndaj do të duhen dhe votat e opozitës.