Aksident TRAGJIK në Vlorë! Shoferi i dehur me "Porsche" me shpejtësi "skëterrë" përplas për vdekje të riun në mes të rrugës. Viktima po kthehej nga puna si kamarier

Lenadro Shametaj

VLORA- Personi që shihni në foton e mësipërme është Leandro Shametaj, 17-vjeçari që humbi jetën orët e para të mëngjesit pas një aksidenti tragjik në Vlorë. Sipas informacioneve, i riu po kthehej nga puna si kamarier, duke drejtuar një motomjet, ku edhe u përplas për vdekje nga një automjet luksoz tip “Porsche”, që lëvizte me shpejtësi të lartë në mes të rrugës.

Aksident fatal ka ndodhur në orët e para të mëngjesit të sotëm në qytetin e Vlorës, rreth orës 01:30. Sipas burimeve paraprake, shoferi teksa po udhëtonte me automjetin tip “Porsche”, ka qenë nën efektin e alkoolit dhe me shpejtësi të lartë dhe ka aksidentuar për vdekje të riun teksa po kalonte rrugën. 

Pamje nga vendngjarja

VLORË- Policia ka arrestuar autorin e aksidentit të ndodhur pas mesnatës se të hënës në Vlorë, ku humbi jetën një 17-vjeçari Lenadro Shametaj. Blutë njoftojnë se 32-vjeçari me inicialet H.B., ishte duke drejtuar një automjet tip “Porsche” në gjendje të dehur. Më tej mësohet se ai u përplas me një motomjet tip “Trinity”, të cilin e drejtonte i mituri, që për pasojë ka humbur jetën në vendin e ngjarjes.

NJOFTIMI:

Specialistët e Seksionit të Trafikut Urban dhe Interurban Vlorë arrestuan në flagrancë, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”, shtetasin H. B., 32 vjeç, banues në Vlorë, pasi më datë 28.10.2025, rreth orës 00:15, në bulevardin “Ismail Qemali”, duke drejtuar automjetin tip “Porsche”, në gjendje të dehur, është përplasur me motomjetin tip “Trinity”, me drejtues një shtetas të mitur, 17 vjeç, i cili si pasojë, ka ndërruar jetë./ Dosja.al

Gjyshi i 17-vjeçarit të aksidentuar

VLORË- Gjyshi i Leandro Shametajt, 17-vjeçarit që humbi jetën pas mesnatës së së hënës në një aksident të rëndë në Vlorë, ka rrëfyer se automjeti tip “Porsche”, që e përplasi të riun në mes të rrugës, po lëvizte me shpejtësi marramendëse prej 200 km në orë, duke shtuar se nipi i tij po kthehej nga puna në mesnatë kur ndodhi tragjedia.

Në një prononcim për mediat, gjyshi i të ndjerit tha se familjarët ende nuk kanë mundur të marrin trupin e 17-vjeçarit. Më tej ai theksoi se kjo po ndodh pasi mjeku ligjor nuk ka mbërritur për të kryer procedurat përkatëse, edhe spse kanë kaluar më shumë se 8 orë nga momenti i ngjarjes.

“Më është aksidentuar djali i vajzës, jam gjyshi. Mbrëmë në 12 të natës është aksidentuar. Kemi ardhur në morgun e Vlorës, prej 8 orësh. Nuk vjen mjeku ligjor të bëjë punën. Shteti po na kthen shpinën. Nuk vjen as prokuroi dhe as mjeku ligjor. 30 policë këtu dhe nuk merr njeri masa. Një makinë na ka vrarë djalin, në bulevardin kryesor, ka ikur me 200 km/orë. Asnjë patrullë policie nuk i ka dalë përpara. Nuk më japin djalin ta shoh, nipi nuk është kriminel”, u shpreh ai./ Dosja.al

Pamje nga vendngjarja

VLORË- Një aksident fatal ka ndodhur në orët e para të mëngjesit të sotëm në qytetin e Vlorës, rreth orës 01:30, ku ka humbur jetën një i mitur. Viktima është identifikuar si Leandro Shametaj, 17 vjeç. Sipas burimeve paraprake, shoferi teksa po udhëtonte me automjetin tip “Porsche”, ka qenë nën efektin e alkoolit dhe me shpejtësi të lartë dhe ka aksidentuar për vdekje të riun teksa po kalonte rrugën. 

Sipas njoftimeve zyrtare, makina që drejtohej nga Haiti Bajramaj, 32 vjeç, është përplasur me motorin që drejtohej nga Leandro Shametaj.

Familjarët e të ndjerit janë paraqitur në spital, ku ndodhet trupi i pajetë i 17-vjeçarit. Ata kanë kërkuar ta tërheqin trupin, por ende janë në pritje të përfundimit të procedurave zyrtare.

Në spitalin e Vlorës është krijuar një situatë alarmante për shkak të vonesës së mjekut ligjor, i cili prej më shumë se 7 orësh pasi është njoftuar, ende nuk ka mbërritur për të kryer autopsinë.

Autoritetet kanë nisur hetimet për të zbardhur plotësisht dinamikën e aksidentit dhe për të përcaktuar nëse ngjarja lidhet me shpejtësinë apo faktorë të tjerë./ Dosja.al