Politike

Ndalimi i koalicioneve&listat e hapura/ Hajdari: Kriminelët në Kuvend i sollën kryetarët, vitin tjetër jam në garë, Basha s’mbajti premtimet e tij (KONFERENCA)

Rudina Hajdari del pro ndyshimeve Kushtetuese për ndalimin e koalicioneve, dhe listave të hapura. Hajdari tha se Basha premtoi më 2017, se zgjedhjet e 2021 do të realizoheshin me lista të hapura por nuk e mbajti fjalën. Deputetja doli kundër pragut 5% pasi sipas saj është i lartë.
Featured image of article: Ndalimi i koalicioneve&listat e hapura/ Hajdari: Kriminelët në Kuvend i sollën kryetarët, vitin tjetër jam në garë, Basha s’mbajti premtimet e tij (KONFERENCA) Rudina Hajdari

TIRANË- Rudina Hajdari ka zhvilluar një konferencë me gazetarët pas miratimit në Komisionin e Ligjeve të paketës me ndryshimet kushtetuese që sjellin listat e hapura, pragun 5% për partitë e vogla dhe ndalimin e koalicioneve. Teksa gazetarët e pyetën deputeten lidhur me ndalimin e koalicioneve, dhe me faktin se a janë duke i shërbyer kryeministrit Edi Rama deputetët e opozitës së re, Hajdari zgjodhi të përgjigjej me video të vjetra të kryetarit të Partisë Demokratike, Lulzim Basha. Hajdari tha se Basha premtoi më 2017, se zgjedhjet e 2021 do të realizoheshin me lista të hapura por nuk e mbajti fjalën. Ajo foli edhe për zgjedhjet e vitit 2021 dhe tha se do të jetë në garë, teksa la të kuptohej se është gati drejt finalizimit të një partie të re politike të drejtuar prej saj. Deputetja doli kundër pragut 5% pasi sipas saj është i lartë dhe do të negociohet për të arritur në 3%.

Për më shumë bëhu pjesë e grupit më viral në Facebook, Dosja.al

(F.g./dosja.al)

  • 12:19

    REPLIKA/ "Kush është Baftjari", Hajdari përplaset me gazetarin: Ilir Meta që kërcente me njërin, po keni humbur koherencën... Deputetja: Unë s'kam ndryshuar qëndrim, mos akuzo pa fakte... 

    Deputetja Rudina Hajdari gjatë konferencës me gazetarët sot, zgjodhi të bënte ironi me gazetarët e pranishëm. Shumë prej tyre pyetën deputeten, nëse po përdoret nga kryeministri Edi Rama për të ndaluar koalicionet zgjedhore, por Hajdari zgjodhi të përgjigjej me videot e deklaratave të vjetra të Lulzim Bashës. Hajdari madje akuzoi disa nga gazetarët se nuk kanë kujtesë të freskët, dhe replikoi me njërin prej tyre, i cili iu përgjigj se edhe opozita parlamentare, njësoj si ajo jashtë Kuvendit ka probleme me koherencën politike.

    REPLIKA E PLOTË NË KONFERENCË:

    Rudina Hajdari: Kam një video tjetër që t’ju rifreskoj kujtesën tuaj. Unë besoj tek koherenca politike. Qytetarët janë të lodhur nga qytetarë që mashtrojnë. (Hap videon e Bashës ku deklaron se nuk do të ketë koalicion me LSI-në). Kush është Baftjari sipas jush?

    Gazetari: Ka qenë një këngë që ka bërë Ilir Meta me Baftjarin që kërcenin.  Memorie kemi, edhe më shumë sesa mendoni ju. Se po të jetë puna për memorie, koherenca ka humbur edhe tek opozita parlamentare, ti rendis unë po deshe.

    Hajdari: Unë jam duke e çuar betejën përpara.

    Gazetari: S’jemi këtu për përplasje…

    Hajdari: Nëse bën akuza, bëji me fakte.

  • 12:16

    Parti e Re? Hajdari: Kjo s'është më sekret, unë do garoj. Do të sjellim një alternativë të re për shqiptarët

    Deputetja Rudina Hajdari ka paralajmëruar sot se mund të ketë një parti të re të drejtuar prej saj. “Do të nxjerrim një alternativë të re për shqiptarët. Unë do të garoj më 2021, kjo nuk është më një sekret. Por duhet të krijojmë kushtet që kushdo që ka dëshirë të bëhet pjesë në politikë, përveç meje të ketë mundësi.”,-tha ajo.

  • 12:08

    Ndalimi i koalicioneve, Hajdari pro: Ne duhet të vëmë lëkurën tonë në elektorat, sa peshë kemi! Basha betohej se s'do bënte aleancë me LSI-në... sot qahet por pragu 5% është i lartë për ne

    Deputetja Rudina Hajdari ka sqaruar sot se propozimi i saj për Reformën Zgjedhore, mbeten listat e hapura. Gjatë një konference të zhvilluar sot me gazetarët, ajo u pyet edhe për ndalimin e koalicioneve, si një nga 3 kërkesat e grupit të opozitës parlamentare. Hajdari u shpreh dukshëm pro këtij propozimi, duke shtuar se sipas saj, kandidatët duhet të matin lëkurën në elektorat.

    Pjesë nga bashkëbisedimi i Rudina Hajdarit me gazetarët: 

    Rudina Hajdari: Koalicionet s’kanë qenë propozim i yni, as propozim konkret imi. E para, mendoj se ne si qytetarë të vendosim lëkurën tonë në elektorat. Sa peshë kemi, kush do të na votojë, dhe pse fshihemi pas një partie për të hyrë në Kuvend. Ka qenë një kërkesë që zoti Basha nuk e mbështeti në 2017. Ai u zotua se s’do të kishte koalicion me LSI-në, por edhe në 2017, ai i hoqi këto koalicione. Kam një video tjetër që t’ju rifreskoj kujtesën tuaj. Unë besoj tek koherenca politike. Qytetarët janë të lodhur nga qytetarë që mashtrojnë. (Hap videon e Bashës ku deklaron se nuk do të ketë koalicion me LSI-në). Kush është Baftjari sipas jush?

    Gazetari: Memorie kemi, edhe më shumë sesa mendoni ju.

    Hajdari: Unë kam luftuar që nga fillimi për listat e hapura. Po e çoj para betejën. Nëse keni akuza të tilla, premtoni fakte. Këto janë premtime që janë bërë në 2017. Sot Basha qahet se po ikin koalicionet. Është një llogaritje e qartë e rotacionit dhe interesit të ngushtë. Prandaj për mua, unë s’dua të punoj as për familjen Rama, as për familjen Basha, as për Metën, dua të garoj. Unë s’dua të bëj asnjë koalicion me ta nesër. Sa për pragun mendoj se duhet të jetë 3%. Nëse se kalon dot një parti s’duhet të jetë. 5% është shumë i lartë. Unë s’mendoj se kemi kapacitetet e gjermanisë. Të negociojmë që ata prag ta ulim në 3%.

  • 12:02

    Hajdari: Listat do t'ja lemë ekskluzivitet vetë partive... do e vendosin ato sa duan të "hapen"

    Rudina Hajdari, deputete ka dalë në një deklaratë për mediat një ditë pas miratimit në parim në Komisionin e Ligjeve të Ndryshimeve Kushtuese që ndalojnë koalicionet, sjellin listat e hapura dhe vendosin pragun 5% për partitë e vogla. Hajdari thotë se Basha e ka patur premtim fushate në vitin 2017 vendimin për të hapur listat, por nuk e mbajti fjalën para qytetarëve.

    Rudina Hajdari: E para njëherë është që listat e hapura siç e thatë edhe ju, jemi në proces negocimi. Ata kanë rënë dakord në parim dhe s’jemi marrë ende me detajet. Preferenca ime është që lista të jetë e hapur, por mund të shkojmë edhe drejt rrugës që e zgjedh vetë partia sesa do të hapet. Partitë e vogla e kanë të vështirë këtë pjesë. Unë mendoj t’ja lemë ekskluzivitet partive sesa i duan listat e hapura. Ajo s’ka lidhje me PD-në. PD nuk e di sesa e drejtë është. Sa herë bëhet nga sipër është fasadë. Dua të fokusohem tek listat e hapura. Është me rëndësi që iniciativa të ecë përpara dhe është në proces negocimi.

    Sa i përket kontaktit me ndërkombëtarët, kam patur një raport të shkëlqyer me ta. Marrëveshja është temë tjetër, zgjedhorja tjetër. marrëveshjen e firmosa për hir të integrimit, ishte me rëndësi për Brukselin për të rikthyer PD e LSI në sistem.

  • 11:56

    “S’jam këtu as për interesin e familjes sime”, Hajdari sulmon Bashën: Kriminelët në Kuvend i futën kryetarët e partive… Blihet kollaj një politikan i pasur e jo dhjetë mijë qytetarë

    Deputetja Rudina Hajdari tha se qëndrimi i saj për listat e hapura nuk ka ndryshuar. Teksa sulmoi Lulzim Bashën gjatë një komunikimi që pati sot me gazetarët, Hajdari tha se janë listat e mbyllura të kryetarëve ato që futën në Kuvend kriminelë, e jo listat e hapura. Për këtë, Hajdari mori si shembull faktin se pas vitit 2009, numri i deputetëve me probleme me ligjin kapi majat.

    Rudina Hajdari: Kanë interesa të ngushta familjare. Unë s’jam në Kuvend për interesin e familjes Basha, Meta, Rama apo edhe interesin e familjes sime. Jam për interesin e familjeve shqiptare. Unë nuk mendoj se listat e hapura do të fusin në Kuvend kriminel. Nga 2009-a kush i futi këta deputetë kriminelë në Shqipëri? Qytetari i thjesht, apo kryetarët? Pretendimi i tyre s’ka asnjë lloj logjike. Sipas tyre, dhjetra mijëra qytetarë mund të blihen, ndërsa këta që jetojnë në vilra e kodra nuk blihen këta. Unë mendoj se blihet një politikan i pasur. Shqiptarët nuk do zgjidhnin të votonin një kriminel. Këto janë argumentet që po përdorin sot këta njerëz për listat e hapura. Më vjen keq që lideri i PD-së të ketë lartësinë e duhur për të përfaqësuar dhe mbështetur këtë iniciativë për listat e hapura. Më 2017 e tha dhe e premtoi, dhe nuk arriti të mbajë të premtim dhe sot godet premtimin që ka bërë vetë. Një politikan duhet të ketë kohezion dhe qendrueshmëri. Jam këtu për çdo lloj pyetje.

  • 11:51

    Listat e hapura/ Rudina Hajdari nxjerr pamjet: Lulzim Basha ua premtoi demokratëve në 2017, opozita do t’i rreshtojë të gjithë si kukulla që të vijë në pushtet (DEKLARATA)

    Rudina Hajdari, deputete ka dalë në një deklaratë për mediat një ditë pas miratimit në parim në Komisionin e Ligjeve të Ndryshimeve Kushtuese që ndalojnë koalicionet, sjellin listat e hapura dhe vendosin pragun 5% për partitë e vogla. Hajdari thotë se Basha e ka patur premtim fushate në vitin 2017 vendimin për të hapur listat, por nuk e mbajti fjalën para qytetarëve.

    Rudina Hajdari: Që në 2017 kur PD po bënte fushatën e saj elektorale, ka qenë një premtim i bërë nga kryetari Basha për të patur listat e hapura në zgjedhjet e ardhshme. Ua premtoi qindra mijëra demokratëve se lista do të zgjidhej nga qytetarët e jo nga kryetarët. Ai u zotua bashkë me mua dhe shumë të tjerë, një zotim që unë e mora seriozisht. Shiheni vetë me video, (nxjerr Bashën teksa premton hartimin e listave nga qytetarët). Ka ardhur koha që qytetarëve shqiptarë t’ju mbahen premtimet dhe të mos mashtrohen më nga politikanët shqiptarë. Unë dua që përmes kësaj konference dhe rrugëtimit që kam bërë deri më tani, t’ju them qytetarëve se ajo që kërkoj është ajo që duhet për ta. S’dua t’ju them që jam në parlament nga një listë e mbyllur si vajza e Azem Hajdarit, por si Rudina Hajdari. Kjo iniciativë në çdo vend të botës do të ishte marrë seriozisht. Dhe u mor nga unë si deputete. Tani kërkojnë që të rreshtohen të gjithë si kukulla pas tyre që të vijnë në pushtet.

Shto Koment