Politike

CV-ja ‘blozë’ e Kostaq Papës që po bën xhiron e rrjetit, si i fshehu dënimet në 2017-n dhe më pas ndryshoi emrin (Foto)

Papa është deputeti i opozitës se re, i cili ka hyrë në Parlament nga lista e partisë Demokratike në Qarkun e Tiranës dhe njëkohësisht është edhe kreu i Partisë Emigracioni Shqiptar.
Featured image of article: CV-ja ‘blozë’ e Kostaq Papës që po bën xhiron e rrjetit, si i fshehu dënimet në 2017-n dhe më pas ndryshoi emrin (Foto) Kostaq Papa

TIRANË– Deputeti i Kuvendit të Shqipërisë, CV-ja e të cilit po bën xhiron e rrjetit për shkak të përshkrimit të ‘eksperiancave’ “kombëtare, mbarëkombëtare dhe ndërkombëtare”është Kostaq Papa.

Papa është deputeti i opozitës se re, i cili ka hyrë në Parlament nga lista e partisë Demokratike në Qarkun e Tiranës dhe njëkohësisht është edhe kreu i Partisë Emigracioni Shqiptar.

Mirëpo në CV-në e tij të siguruar nga Dosja.al, deputeti shkruan se ka punuar si “ Koordinator Universitar”, “Drejtues në Institucionet e Shoqërisë Civile” dhe “Konsulent Juridik Ndërkombëtar”.

Gjithashtu përsa u përket aktiviteteve shoqërore, Papa shkruan se ka pasur eksperiencë në “Në Institucionet Kombëtare e Mbarëkombëtare dhe Ndërkombëtare”.

Fjalët “kombëtare”, “ndërkombëtare” dhe “mbarëkombëtare” janë bërë shkak që kjo CV të vihet në qendër të komenteve në rrjetet sociale.

Gjithsesi deputeti Kostaq Papa nuk mbaron këtu me përshkrimet e tij mjaft interesante. Në formularin e dekriminalizimit Kostaq Papa shkruan se është dënuar në vitin 2006 për veprën penale “Përdorim me keqdashje i thirrjeve telefonike”.

Pikërisht për këtë, sipas Papës, deputeti ka marrë dënim të formës së prerë dhe ka paguar gjobën 50 mijë lekë të reja.

Ndërsa në vitin 2003 është dënuar për ‘shpifje’ nga Gjykata e Durrësit, por në Apel ka marrë pafajsinë.

për veprën penale “shpifje”.  Ai që bën të ditur se e ka fituar gjyqin në Apelin e Durrësit dhe ka marrë pafajësinë.

Por ajo që bie në sy është fakti se Kostaq Papa i ka fshehur këto dënime në vitin 2017, kur u bë pjesë e listës së kandidatëve për deputetë.

Gjithsesi ajo që bie në sy është se në formularin e dekriminalizimit të plotësuar nga deputeti Kostaq Papa në vitin 2017, ai rezulton i patër. Dënimet e mësipërme, pavarëissht se janë kryer para vitit 2017, Papa i ka deklaruar në formularin e dekriminalizimit të dorëzuar në vitin 2019, kur i erdhi radha për të hyrë në Parlamentin e Shqipërisë.

Madje në formularin e plotësuar së fundmi, Kostaq Papa ka deklaruar dhe faktin se ka ndryshuar emrin nga “Kostandin” në “Kostaq”.

Por çfarë ndodh tashmë me mandatin e deputetit, duke qenë se ai ka gënjyer në formularin e parë?! Në ligjin e dekriminalizimit përcaktohet qartë se fshehja e të dhënave dhe pasqyrimi i tyre në mënyrë të rreme dënohet me burg dhe me heqjen e mandatit.

Deputeti i Kuvendit ka fshehur të dhënat e dënimeve të tij në vitin 2017 por së fundmi i ka zbuluar po vetë. A do ti hiqet mandati Kostaq (Kostandin) Papës?!

(f.m/dosja.al)

Shto Koment